「TVB廚神」脾氣差爆粗口還曾涉打女友，如今無線捱足25年做到冇癮，劈炮唔撈！

今年57歲嘅「TVB廚神」李錦聯，喺大台服務咗25年，系師奶節目《都市閑情》嘅台柱，佢主持嘅「今晚食乜餸」環節，吸引唔少師奶日日坐定定追看。

不過近日收到消息，李錦聯做埋今個月，就會離開無線，以後喺《都市閑情》，想聽到李錦聯講金句「靠得住」，或者想睇佢同安德尊呢對加埋過百歲嘅活寶，喺節目中「隔劍」，示範「無敵鴛鴦鏟」場面，將成絕響！

現年57歲的李錦聯畢業於皇仁書院，1990年初加入無線婦女節目《都市閑情》做烹飪主持，打出名堂後成為師奶殺手。至95年，李錦聯表示接拍三級片，與彭丹演床戲，遭贊助商投訴後遭無線解約。

1996年與艷星葉芳華拍攝電影《狂野三千響》，其後李錦聯開設調味工場及大賣「李錦雞」、乳鴿等燒味，生意不錯，至幾年前才重返無線做烹飪主持。

講起李錦聯，好多人自自然然會將佢扣埋落死敵安德尊（大王）身上。二人自09年喺《都市閑情》主持「今晚食乜餸」開始， 幾乎集集開火，仲試過發生肢體碰撞，牙齒印多到師奶都數唔曬。

不過正正系呢啲火花，令到《都市》節目生色不少，兩個加埋過百歲嘅活寶，互窒互寸，好睇到連高登仔都熱捧話過癮！

唔少人仲有個疑問，究竟多年「李安」之爭，系真火定虛火，李錦聯坦白講：「鬧交就冇，火火哋就梗有嘅，佢（安德尊）成日話我出去拍嘢飲酒，同我講做節目唔好飲，咁倪匡、蔡瀾佢哋都有飲酒做節目啦，飲少少個人會放鬆啲嘛！但佢睇唔過眼，成日話我塊面紅咗，可能佢唔抵得我紅啦！哈哈！我唔理o架！我同監製講，我系咁嘅style，唔鍾意可以搵過第二個！」

李錦聯還話：「之前同大王（安德尊）拍《區區有伙》，原意系想我同佢喺節目你窒嚇我、我寸嚇你，啲觀眾最想睇呢啲啫，咁我同大王都有啲火花嘛，講嘢有時踩嚇界、玩嚇諧音，例如大王飲嘢，我就順口問句：『你仲乜『飲』嘢？』其實我冇講粗口?！

不過監製話唔批，可能佢哋覺得個節目放喺合家歡時間啦，佢哋驚俾人投訴，所以咪cut走呢啲對白囉，咁你知啦，寫稿嗰班後生仔唔敢背飛嘛，會寫啲唔會瀨嘢嘅對白，搞搞嚇，我都冇乜心機做，佢哋話講乜就講乜啦！」

其實李錦聯自90年代，大學畢業後加入無線，已經不時傳出緋聞，最經典嘅當然系佢同93年港姐余少寶傳過緋聞啦，但女方就當然否認啦，話從來都冇同李錦聯拍過拖，之後余少寶仲嫁埋車神關兆昌嘅胞兄關兆輝，但最後余少寶同關兆輝都系離婚收場。

自命「桃花」旺盛嘅「廚神」李錦聯，曾喺大台節目《男人食堂》自爆曾經結過婚三次，最近一次就系2013年，同細佢10幾年嘅影音店嘅圈外女友Winnie結婚，當時佢仲請咗成日同佢鬧交嘅「大王」安德尊同呂珊做佢婚宴嘅司儀添！

佢除咗同餘少寶傳過緋聞，仲曾因為同女友鬧交而搞到上差館。

2011年，當時李錦聯就同酒廊歌手邵敏婷（Rachel）拍拖，有指佢哋因感情事而鬧交，期間更有人將手提計算機掟落街，事後警方以傷人罪拘捕佢哋， 而Rachel仲另涉高空擲物罪名。

之後Rachel喺facebook留言喪鬧李錦聯：「 I need to say Goodbye to this dirty cheap poor old man.（我要向這個污穢、低庄的可憐老男人說再見。）」

當時佢仲自爆話已經另結新歡，但分手唔夠3日，呢對火爆情侶又離奇咁複合，一齊手拖手咁出席晚宴，而李錦聯仲系記者面前主動咁同女友咀嘴。

今次對於劈炮唔撈，李錦聯佢大方承認做埋今個月底，就會離開大台。李錦聯話：「始終自己年紀有番咁上下，諗住想休息嚇享受嚇人生，其實兩個月前有試過同監製講，話原本一個禮拜做兩日《都市閑情》，可唔可以減到變一日，但監製話做一日太少，咁我就話不如停一停啦！」

離開大台，李錦聯話「可惜一定有」，但自己亦唔想固定咗個框框，成世做煮餸佬。「我諗出面10個人有9個半都知我教煮餸，但其實我出面都有好多嘢做，幫好多餐廳、廚具做代言搞推廣，再唔系休息一排，會有一個新形式，試嚇自己喺網上做條飲食channel都未定呢！」

一間公司做咗20幾年，或多或少都會有份感情，李錦聯對無線固然有份唔捨得之情，但做到意興闌珊亦系離開大台嘅原因之一。祝福嘍~

?轉載授權微信：lama129

? 商務QQ：1900556960

?投稿郵箱：tghkchannel@163.com