TVB雪雪嫁拍拖四年圈外男友，現場咀足10秒感動到喊！

34歲宅男女神孫慧雪，昨天嫁拍拖四年的圈外男友Edwin Lo，二人並在愉景灣舉行婚禮，雪雪正式封盤榮升人妻。

昨天下午4時，一對新人現身教堂行禮，穿上谷胸婚紗示人的雪雪，身形明顯不是最Fit狀態，而且手臂有點肉地！雪雪手戴閃爆鑽戒，於宣誓時已眼濕濕，及後新郎新娘於賓客前kiss 10秒之久，非常甜蜜。

而婚禮以白色為主，相當簡潔。二人在律師監禮下籤紙，隨即進行切蛋糕儀式，合巹交杯時更笑唔停。除了婚禮簡約，就連戒指都非常低調，其中新人的一對戒指只鑲上一粒細小嘅鑽石。

簽紙儀式過後，雪雪老公Edwin Lo把香檳一飲而盡，就連老婆手上的香檳也一拼飲完，表現Man爆！至於花球就由新人的一位圈外男性朋友接到。完成一眾儀式後，一新人坐上馬車兜了愉景灣一圈，期間被傳媒不停拍照，令未慣面對傳媒的Edwin頻呼閃燈很閃！

而雪雪及後孖住老公會見傳媒，對於傳媒連聲恭喜，並稱呼雪雪為羅太，雪雪聞言冧笑回應，她謂：「多謝曬，但老公好怕丑。（頭先見你喊，老公講咩令你咁感動？）佢照讀誓詞我都喊。」Edwin則坦言緊張得手掌出汗，腦海亦一片空白，問到為何選址愉景灣行禮，他們同聲表示貪該處景色美麗，再加上包馬車，令一直想擁有童話婚禮的雪雪以該處作不二之選。

談到接新娘情況，雪雪笑說：「最難系講愛的宣言，老公睇唔明啲中文，唔知自己讀緊乜，所以讀到一啲感情都冇，但我都收貨，因為過曬時。（開門利是幾多位？）五位數，好大迭10蚊，姊妹好開心，點知打開全部10蚊同1蚊，老公呢排好忙，成日打去銀行兌錢。」更指昨晚將筵開廿多圍，菜式行中式路線，賓客大多是由細識到大的朋友，以及一些TVB同事，如前港姐蔡思貝，感激對方忙裡抽空為她擔任姊妹。

問到一對新人將到哪裡度蜜月？雪雪表示尚未決定，皆因還有工作，並否認婚後做少奶奶，她謂：「唔可以唔做，我堅持要繼續做嘢。（幾時先造人？）一邊工作一邊造人。（系咪可以恭喜你？頭先見你唔飲酒！）唔系，自己一飲酒就面紅，驚夜晚會浮粉，所以就唔飲，仲要影相。（你好似冇修身？）我忍唔到口食嘢，凌晨3、4點都食咗卡邦尼意粉，仲食燒肉，因為瞓唔到，咁肥啲有福氣。（戒指幾卡？）唔知，求婚同結婚戒指都有戴，手指好細，睇落大，老公有著數。」Edwin被問到喜歡仔還是女？他謂：「做爸爸就順其自然！我鍾意女仔，太太鍾意男仔，所以生龍鳳胎最好。」

雪雪喺圈中人緣甚佳，唔少好友都有出席，包括藝人樂瞳、鄧洢玲、鄭世豪、譚杏藍（小花）、電台主持科林等等。

婚宴未完，佢哋已經好心急喺社交網上載相片，並隔空再祝福新婚嘅雪雪，當中科林仲盞鬼地留言：「女神結婚了～新郎不是我...哋（的）。」個個都替雪雪好開心，相信佢哋都玩得好盡興！

姊妹團之一的賴慰玲接受訪問，大談接新娘時趣事。她透露於玩新郎環節時，要求眾兄弟及新郎哥穿上泳衣玩遊戲，她謂：「要佢哋著住做好多瑜伽動作，咁佢哋都好乖同配合。（咁咪現曬下體？）佢哋將泳衣著喺西裝出面，好搞笑系要件咁細size嘅泳衣放落去班男仔咁龐大身軀度，呢個效果系最好睇。（新娘子有冇喊？）又冇，反而全程都系歡樂氣氛，笑咗好耐！」不過由於賴慰玲要參與舞台劇，故未能參與飲宴。

最近喜事咁多，真是祝福曬！

?轉載授權微信：lama129

? 商務QQ：1900556960

?投稿郵箱：tghkchannel@163.com