曾奪舞台劇最佳女主角，轉戰TVB搭黃子華拍劇，如今女扮男裝演技獲激贊！

尋晚無線劇集《流氓皇帝》嘅劇情，講本身做山寨首領嘅楊詩敏（蝦頭）睇中咗袁偉豪，於是捉佢返去困住佢，一心諗住同佢結婚。

做得山寨首領就梗系唔會講嘢斯斯文文啦，成個男人婆嘅蝦頭為咗得到袁偉豪嘅心，向黃智雯請求點樣做一個真女人，學咗唔少嘢嘅蝦頭，就開始發夢自我幻想，模擬自己點同袁偉豪溫馨甜蜜！

講到呢個幻想世界，唔少網友睇完都大叫重口味，話蝦頭今次真系生擒男神袁偉豪！首先系蝦頭一行幾人去山洞搵袁偉豪，袁偉豪已經露曬心口同手臂等蝦頭嚟搵佢。

之後蝦頭見到即刻攬實袁偉豪，之後袁偉豪見到蝦頭實時用手輕輕咁撫摸蝦頭塊面，之後戲肉嚟啦，佢仲同蝦頭嘴對嘴「激」情擁吻，睇到呢到真系令成班網友睇到嘩嘩聲，話蝦頭咁就生擒咗袁偉豪，而蝦頭個樣仲好冧添！

鏡頭一轉，蝦頭已經幻想同袁偉豪拜堂結婚，但系袁偉豪就反串著裙褂，真系令到唔少網友都大叫好驚訝同好搞笑。

最後蝦頭冇啦啦同袁偉豪突然對戰，點知袁偉豪突然拎個斧頭劈落佢個頭度，當然就劈唔中啦，蝦頭啲頭髮好似女神咁「仙女散花」，仲要含情脈脈咁望住袁偉豪。

唔少網友都話呢場咁重口味嘅戲份真系好有娛樂性，仲向蝦頭大呼「還我袁偉豪」，但仍有人贊蝦頭做得好好又夠放，完全系豁出去！

藝人楊詩敏（蝦頭）接受訪問時，提到最近在無線劇集《流氓皇帝》內飾演山寨首領與袁偉豪咀嘴一幕，被網民大嗌重口味，蝦頭說：「沖涼重口味我又唔知喎，但系都有好多人都令我好surprise，佢哋覺得好搞笑，話睇完好開心，仲贊我演技有進步，但其實套劇系3年前拍，證明咗我keep住個水平。」

談到拍攝該劇時還未減肥，蝦頭笑言睇番三年前嘅自己就好似見到個死肥仔，但系都好開心有觀眾贊。

楊詩敏

（蝦頭）

今年41歲，演藝學院畢業後主力做舞台劇，與唔同嘅劇團合作，07年蝦頭憑《愈笨愈開心》奪得香港舞台劇獎「最佳女主角（喜/鬧劇）獎」，奠定佢系舞台劇嘅地位。

其後佢加入詹瑞文嘅PIP劇場成為全職演員及PIP藝術學校導師，又曾參演《戲王之王》、《十分愛》及《我的最愛》等電影。直至2013年，佢先加入無線，成為合約演員。

《My盛Lady》

加入大台後，蝦頭即接拍黃子華有份演出嘅《My盛Lady》，戲中飾演痴戀子華神嘅羅娜，自認系子華神嘅女友，仲將徐子珊當做情敵，將自己扮成徐子珊咁，就系咁引起好多網民嘅注意，

無他嘅，咪就系因為一個肥女人扮索女，先令人咁難忘。

楊詩敏與徐子珊

但世事無絕對，蝦頭之後成為瘦身公司代言人積極減肥，只系用咗3個幾月就由153磅勁減到去118磅，足足少咗35磅由「蝦頭」變做「蝦條」！

佢當時接受訪問就講過瘦身要調節心態同配合運動，飲食方面三餐都好均衡，午餐食菜最多，最重要嘅系，一定要戒消夜，高熱量嗰啲公仔麵等等一定要戒。睇番佢微博真系身體力行，好多時候都系多菜少肉，連打邊爐都系揀蔬菜湯底，就知佢有幾勤力啦。

楊詩敏還將減肥經歷寫成書《蝦哈笑Keep Fit通勝》，蝦頭透露新書主要分享其減肥經歷。

由150磅減至117磅，整個減肥過程令她明白健康相當重要：「期間出現有好多病，好似月經失調，有好多斑又有敏感，可能身體好多毒素，見到自己又肥又腫，令我更明白健康重要性，以前有好多壞習慣，飲食唔健康，減肥過程戒甩咗呢啲壞習慣，依家好健康，磅數唔會再升番。」

其實蝦頭也是靚女一枚呀，你們覺得呢？

?轉載授權微信：lama129

? 商務QQ：1900556960

?投稿郵箱：tghkchannel@163.com

請您繼續閱讀更多來自 HKChannel 的精彩文章: