蔡少芬與郭晉安時隔十六年再合作有拖拍？54歲關之琳孖30歲周覓密密見

娛樂 12-31

新歌推薦

硬幣

= 程文政=

今日快報

相隔16年再合作！蔡少芬同安仔傾湊仔經

藝人蔡少芬於九龍灣拍攝無線新劇《老表，畢業喇！》外景。談到郭晉安指再度與她合作覺得很有默契，她謂二人相隔十六年再度合作，如今就傾湊仔經，她說：「大家當年都未有對象，依家傾湊仔，今次拍攝開心嘢多，又有年輕嘅BabyJohn，欣宜等等，平時等嗰陣就一齊玩！」

談到有她開工的場口就可以準備收工，會否令年輕演員有壓力？她說：「唔會，大家準時，林盛斌知有我，佢都會早啲返，有時唔關我事嘅場口，佢哋都話系因為我所以準時拍曬，好事都入我數！」談到無線開拍《再創世紀》，她謂：「我未收到風。（安仔話你好忙？）都忙架，要照顧老公同小朋友，我系賢妻良母，工作就經理人度期，但主要睇劇本同對手！」

收零食做禮物　文詠珊生日開工狂食蛋糕

昨日（29日）28歲生日的藝人文詠珊（JM），現正身在北京與大陸影星韓庚和關智斌等拍攝科幻電視劇，由於關智斌是30日生日，兩人生日只差一日，故昨日劇組人員特別給他倆送上一個彩虹蛋糕，一同慶生。對於生日也要在工作中度過，JM一點也介意，反而開心，她說：「好開心劇組畀個surprise，自己都連續3年無喺香港過生日。（男友吳啟楠有冇畀驚喜？）另一半有畀驚喜，好細心，但唔講得，要保守秘密，唔話你知，同埋啲同事都好好，早排我返咗嚟香港一日，同事買咗一大堆零食畀我，話驚我餓親，堆零食三個月都食唔完，我又約咗啲閨蜜食飯提早慶祝咗。」

平民餐廳食晏　發哥同年青人合照勁親民

尋日系陳薈蓮（發嫂）生日，好老公周潤發（發哥）就約埋一班好朋友，喺尖沙咀同發嫂慶祝。成個生日會十分低調，發哥仲捉實發嫂只手仔一齊切蛋糕，畫面勁溫馨，而呢個蛋糕亦系一班好朋友整畀發嫂，真系好Warm呀！據知，發哥仲送咗一棵櫻桃蘿蔔畀發嫂做生日禮物，寓意系鴻運當頭咁解喎！

另外，發哥每逢星期四呢，都會去一間觀塘平民餐廳食lunch，昨日發哥都如常去呢間餐廳，店內一班年青人見到佢都好開心，仲要求合照。

王菲落力綵排　劉嘉玲探班送巨熊

天后王菲相隔五年再度開騷，12月30日假上海梅賽德斯賓士文化中心舉行一場「幻樂一場演唱會」，並由騰訊視頻獨家免費全球網上直播，身為王菲好姊妹的劉嘉玲，以一身黑Look專程到場館探班，並送上由粉紅鮮花砌成的巨型熊Bear Bear「花熊」祝賀老友Good Show！兩人更在花籃前留倩影，相中的嘉玲戴帽示人，而未有換上舞台裝束的王菲已經上妝，只見她的左眼畫有一條銀色、垂直的銀色閃妝。

由於個唱採用VR360度全景直播拍攝，嘉玲亦率領感受VR的震撼。昨晚是個唱總綵排，據聞，招待了不少貴賓「率先睇」，惟現場守衛森嚴，逐個查核身份，令部分貴賓未能準時入場睇「預演騷」！王菲的綵排不足一小時，之後，網上即瘋傳多張其個唱綵排情況，只見她時而在後台奔跑，時而坐低嘆番杯！有現場貴賓火速將王菲造型放上網，更註明是王菲綵排，並大讚說：「好像挺敬業的樣子。」

王菲今晚在演唱會中將獻唱廿多首經典金曲，當中大部分是她自己想唱的歌，由於只舉行一場，加上僅得800張門票公開發售，吸引「黃牛黨」趁機賺番筆，將最貴門票7,800元人民幣（約8,700港元）炒至人民幣66萬（約73萬6千港元）一張，VVIP位更炒到過百萬人仔一張，食水相當深。

有拖拍？54歲關之琳孖30歲周覓密密見

現年54歲的大美人關之琳（之之），去年與台灣富商陳泰銘離婚後回復單身！已收拾心情的她，非常活躍社交界又為自家品牌睡衣瞓身宣傳。而近月，之之身邊出現一名小鮮肉，對方是現年30歲的韓國組合Super Junior-M成員周覓！

周覓曾經陪之之在家中慶生，又陪坐遊艇出海玩，而在兩人的IG也有不少合照。有指周覓與之之的朋友包括阿B鍾鎮濤亦相當熟落，更傳是阿B介紹周覓與之之兩人認識。而阿B回覆時，就笑言：「得啖笑，講完。」

網曬頭貼頭相　余文樂公開戀情？

藝人余文樂（樂仔）單身多年，好多人都好關心佢嘅感情狀況，先後傳過緋聞嘅有周冬雨、阮小儀同模特兒朱韻韻，周冬雨樂仔就話當佢系妹，而小儀樂仔亦都否認咗，至於朱韻韻呢，佢男友早前就放蜜照宣示主權。

直到近日樂仔終於開齋！被爆撻著台灣皮帶大王千金、女星王棠雲（Sarah），仲被拍得於美國共度聖誕節，而樂仔對呢段戀情冇否認亦冇承認。但系今早樂仔疑似喺ig公開戀情，佢上載一張頭貼頭、似系睇緊日落，然後寫道：「Invincible. The future is bright ??」大約意思系無堅不摧，未來是光明的，再加一個心心符號，系咪講緊佢同王棠雲嘅愛情系無堅不摧呢？雖然張相只系得背面，但網友都紛紛認定系王棠雲，有網友送上祝福，亦有網友話失戀了：「我的六叔啊，大早上的就難過。」

本期話題

祝福余文樂！