被指暗撻王浩信？陳偉琪喊冤 被網民負評辣著 定欣搵老友呻足3粒鍾！

今日快報

愈愛愈高調！卓林祝國際出櫃日快樂

藝人吳綺莉（Elaine）囡囡吳卓林早前突然喺社交網宣布出櫃，令全城嘩然！卓林同密友Andi愈愛愈高調，除咗被拍得深夜一齊返愛巢之外，Andi仲上載兩人親密合照至社交網！

卓林更新社交網，並上載一張側身獨照，照片背景系彩虹顏色，佢留言話：「Happy National Coming Out day！！（國際出櫃日快樂）」似乎好享受出櫃後嘅無拘無束生活！

【游西湖】霆鋒請阿嬌超蓮食大鍋飯

藝人鍾欣潼（阿嬌）早前爆出與台灣「醫界王陽明」賴弘國拍拖，惟戀情曝光後阿嬌一直忙於工作，暫時要同男友分隔異地！

蜜運中嘅阿嬌最近孖好姊妹何超蓮齊齊現身西湖，出席謝霆鋒主理嘅真人騷節目《12道鋒味》，霆鋒透過微博分享拍攝花絮，留言：「熟人相見，分外嘴饞，一大大大大大大大大鍋飯送給你們。」

相中霆鋒親自下廚，同其他廚師合力炒大鑊飯，似乎為咗招待阿嬌佢哋先咁隆重！

懶理何廣沛　朱晨麗同伍允龍朝夕相對

藝人朱晨麗早前被拍到與何廣沛約會，朱晨麗表示當日只是吃飯，因開劇是很難約朋友吃飯，故有時間就相約。問到可有機會與對方發展？她說：「其實拍《超時空男臣》之前我哋都識?喇，系好好朋友。（有冇機會發展？）好難答。（佢追你？）問番佢啦，我自己就冇咁嘅感覺啰！」不過她又大讚何廣沛為人好，有上進心又勤力，指二人都希望可以互相幫忙，又不時對戲，又會請教對方。

昨日朱晨麗（朱朱）在將軍電視廣播城出席無線新劇《兄弟》拜神儀式。談到她拍外景時將會與有感情線的伍允龍朝夕相對，問會否擔心傳緋聞，她謂：「唔會啩！（要同緋聞男友何廣沛備案？）唔會啦，又唔系嫁人要交代，同阿媽交代就要，話聲畀佢聽我安全到達喇！（唔驚何廣沛覺得冇安全感？）專業嘛，就算拍Kiss戲都系劇情需要唔會就住就住。（同伍允龍有錫戲？）暫時冇，劇本未寫完！」

問出發前會否與何廣沛食餐飯讓對方為她餞行，她即拉開話題話自己會同譚俊彥等食《特技人》煞科飯局，到記者拉回「正軌」後她才談緋聞男友：「唔會啦！冇時間，都未執嘢，好多嘢都未買！」

畀網民負評辣著　定欣搵老友呻足3粒鍾！

藝人陳山聰早前與一眾好友在卡拉OK慶祝生日，他上載與胡定欣的合照，並留言：「哎呀老婆！感謝妳（你）的生日禮物！LOVE U！」想不到惹來網民激進地留言侮辱。飽受負面評論的定欣，終於被觸怒了！近日她在社交網上髮長文爆Seed宣洩。

心情受到影響的定欣，難怪要搵朋友吐不快，日前下午3時許，定欣獨自駕車離開將軍澳寓所，直駛屋企附近一間酒店，身穿黑白間條衫的她，落車後不時皺著眉頭，一臉愁容低頭撳電話，然後步往酒店餐廳會合友人。足足吐了3個小時苦水，定欣與女友人一起步出，期間仍雞啄唔斷邊行邊呻，友人陪她傾行到座駕旁，之後分道揚鑣。

另一日，約下午6時半，依然愁爆的定欣在電視城工作後，等埋「胡說八道」的好姊妹姚子羚收工，齊齊步齣電視城門外，搭的士返自己屋企，繼續搵姊妹傾訴解愁。

事後問到姚子羚有否去開解定欣，她接受電話訪問時表示：「我都有叫佢唔好嬲，可能系因為啲留言真系超過大家嘅底線，又可能唔系單一事件，其實大家咁叫（哎呀老婆）都系一個暱稱，我哋大家好好朋友，可能有啲人嘅留言令佢唔舒服啦！可能真系過咗佢底線，大家都明嘅！」

被指暗撻王浩信　陳偉琪喊冤

無線小生王浩信同老婆陳自瑤（YoYo）傳婚變，有指因蔡思貝介入而令到夫妻關係變酸，不過浩信日前同太太孖住出席活動大曬恩愛，粉碎婚變傳聞。

昨日凌晨，YoYo在ig上載自拍照，並寫上：「Good night everyone！」為免重蹈上次唔畀Like嘅覆轍，今次浩信為免被扭耳仔，即時畀like老婆。

雖然浩信嘅緋聞似乎無日無之，除咗蔡思貝外，有傳無線咪神陳偉琪亦同浩信過從甚密，仲成日約出嚟夜蒲添，睇嚟浩信又要拆彈喇！

陳偉琪接受訪問時，便斬釘截鐵表明完全唔識王浩信，她謂：我哋完全唔認識，未試過一齊拍劇，話我哋出去蒲時見過，根本無啲咁嘅事，如果話喺公司走廊見過打嚇招呼，都數得好似得個兩次咁多，真系唔識?喎！

嘩，完全唔識但被講到「關係超好」，同屈盲嘅睇國家機密一樣咁惹笑，但陳偉琪就笑唔出，只系覺得非常之「莫名奇妙！」

?轉載授權微信：lama129

? 商務QQ：

443317765

菜單更新

咯，再也不用去翻之前的文章找二維碼啦

鑒定我們緣分的時候到了，快來

偶遇

找到我並截圖有神秘大禮哦！

（ID：HK娛樂圈）

喜歡這篇文章嗎？立刻分享出去讓更多人知道吧！