揭秘港式茶餐廳暗號，你都知道嗎？
說真的，小編第一次去香港茶餐廳，聽到餐廳夥計下單完全聽不懂。「 究竟講緊D乜啊？ 」
不過講到香港飲食，首先肯定會想起茶餐廳，價錢親民，貼地氣，最緊要係快！，港式茶餐廳唔單止充盈香港文化，而其中仲藏有好多奧秘同規矩
例如要迎合香港嘅快節奏生活，港式茶餐廳為咗通俗易記，省時方便，行業內「發明」咗唔少餐廳嘅，「專屬暗語」，例如以下呢啲暗語唔知你有無聽過呢？或者係港劇入面見過呢？
名詞篇
01「靚仔」- 白飯，「靚女」- 白粥
因為白飯乾淨討好，唔添加任何色素，睇似乾淨秀氣嘅男仔，所以被稱為「靚仔」。而「靚女」就係由靚仔衍生出嚟嘅。
02，「生春」- 太陽蛋，「孖春」- 雙蛋
03，「細蓉」- 雲吞面
細蓉即系廣東所講嘅雲吞面，區別於細蓉係面蓋雲吞，雲吞面係雲吞蓋面。
04，「涼茶」- 特指凍奶茶
涼茶一般係指香港人鐘意飲嘅奶茶，而且特指凍奶茶。
05，「撈丁」- 加料速食麵
「撈」係「攪拌」嘅意思，而「丁」就係指日清拉麵牌嘅「出前一丁」，「撈丁」即係將食物配料與出前一丁再加上醬汁攪拌而成嘅菜式。
香港仲有「湯丁」（用香港土產「公仔麵」），「餐蛋面」（午餐肉雞蛋速食麵）
06，「檸賓」-檸檬加利賓納
利賓納（Ribena）係一種黑加侖汁飲料，香港人最鐘意加入檸檬飲用~可以講係港人獨創。
動詞篇
01，「底」代表主食，碟頭飯嘅「底」指飯，三文治嘅「底」指麵包
「加底」，飯/面量加大
「扣底」，飯/面量減少
「雙扣」，飯菜都減少
「炒底」，白飯變炒飯
「烘底」，經烘烤嘅麵包
02，「加色」，加牛腩汁/豉油
香港人鐘意喺粉面飯上加上少許牛腩汁，令到味道更香濃。一般牛腩汁嘅顏色比較深，因此被稱為「加色」。
03，「戴帽」，加只煎蛋
而有D香港人就鐘意喺碟頭飯上面加只煎蛋。
04，「爆雪」，加冰
香港茶餐廳嘅飲品一般都係以熱飲為計價標準的，如果想飲凍嘅就要喺原價嘅基礎上加收幾蚊，而要求加冰嘅動作則被他們非常形象地稱之為「爆雪」！
05，「甩色」，檸檬水
通常會同「檸茶」連用。
「兩檸茶一甩色」，意思係一杯檸檬茶一杯檸檬水，因為檸檬茶係有顏色嘅，而檸檬水係透明嘅。（香港茶餐廳夥計常叫法）
06，「走」
熱飲用煉奶代替淡奶，「茶走」
減少奶茶中砂糖和淡奶而加入煉奶，「啡走」，「鴦走」，「華田走」
07，「飛沙走奶」，表示走糖同走奶嘅咖啡
即系我哋口中講嘅齋啡。
08，「走青」，走調味菜
喺粥同湯粉麪方面，一般都會有蔥花芫茜呢啲調味菜灑喺面頭。唔鐘意食呢啲調味菜嘅客人可以喺落單時要求「走青」。
簡單記憶小暗語
01，「田」，阿華田，「凍田」，凍阿華田
02，「可立」，好立克，「凍力」，凍好立克
03，「0」粵語同音「檸」，T係指Tea，「0T」，「0T」
檸檬紅茶，凍檸檬茶，「07」，「C07」
檸檬七喜，凍檸檬七喜，「06」，「C06」
檸檬可樂，凍檸檬可樂
04，「下火」，皮蛋瘦肉粥
05，「打爛」，炒飯
06，「攔住」，旦治/雞蛋三文治
07，「蛋河」，魚蛋河粉
08，「飛邊」，去麵包皮
09，「例水」，例湯
夥計專用篇
01，「打河」，分菜
廚師叫夥計按單將菜分到指定嘅餐具入面
02，「打CAT」，偷食
可能係受「為食貓」嘅影響，鐘意用"CAT"嚟形容
03，「賣菜」，傳菜
叫夥計將D整好嘅菜送到客人面前。
04，「墮馬」，無翻工
因為香港人鐘意跑馬，所以用"墮馬"嚟形容夥計請假無翻工非常貼近生活。
05，「行街」，外賣
香港大部分茶餐廳都設有外賣嘅服務，所以夥計出去送外賣被戲稱為"行街"
06，「後數」，後面人比錢
香港地坐小巴會經常聽到乘客叫「司機，後數」。而茶餐廳都一樣，如果同圍台仲有人未走未比錢，則最後走嘅人比錢。
07，「走數」，霸王餐
如果有人食完嘢唔比錢，就即係食霸王餐，"走數"
08，「常餐（set餐）」
茶餐廳必備的一種套餐餐單，全天供應，長期不變。
常見嘅選擇：一，牛油方包或多士(即吐司)；二，火腿奄列或煎雙蛋(多為太陽蛋)；三，一碗面類(可選速食麵、米粉、通心粉等)加一至兩種食物(如午餐肉、香腸、叉燒等)，再另配一杯飲料。
另外仲有：早餐，午餐，常餐，ABCD餐，香港茶餐廳D暗語肯定唔止咁少啦，博大精深到一時半日都講唔曬
係啦，食完之後提醒下
港式茶餐廳通常都係要「自己」結賬，唔刷卡、拒收大鈔、唔要五毫紙以下嘅散紙
無錯就係咁任性~
不過香港嘅茶餐廳唔單止大件夾抵食，而且處處留有人情味，更有一種屬於香港嘅精神係入面
你喜歡去香港茶餐廳嗎?
