女仔要矜持！「處女」苟芸慧唔會同居容祖兒開騷拒內部認購

娛樂 01-16

今日快報

女仔要矜持！「處女」苟芸慧唔會同居

苟芸慧跟岑麗香、鍾嘉欣及王君馨等都是「處女黨」成員，近年成員陸續結婚生子，對此苟姑娘笑說：「依家得番我一個，我系會長，不過可以再招攬會員，例如嘉欣個BB女，真系好得意，笑容好sweet！(你心唔心急？）唔想太趕急咁，真正嘅愛情系值得等待！」跟「錫礦大王」後人陸漢洋的緋聞愈來愈浮面，苟姑娘對此甚為避談，似要保護剛萌芽的戀情，她甜笑說：「佢喺賽車方面教咗我好多嘢，依家大家關係好好、好舒服！」

作為處女黨成員？苟姑娘坦言自己十分old school，認為女孩子應該要有矜持，她續說：「我冇試過同人同居，啲人成日話要一齊住先會加深了解，但我覺得平日相處已經可以，以前喺加拿大，我同男朋友住得好近，會煮嘢去對方屋企一齊食。或者依家嘅人唔同咗諗法，但我比較傳統保守，覺得應該要keep住矜持，所以我系處女黨成員，但喺愛情裡面，唔需要標榜住呢樣嘢。（唔會婚前性行為？）雖然我系公眾人物，但太私人嘅嘢就覺得唔需要講得太清楚！」苟姑娘謂將來結婚，會大方跟大家分享，因為這是開心事，也希望得到別人祝福，她補充說：「如果你問我，我就唔介意公開，但都要尊重番另一半！（會唔會做媽咪？）老實講依家未準備好，因為生bb系好大責任，但我唔擔心高齡，因為好多人都大年紀生，而且BB系一種緣分，唔系話你想要就有。」

胡杏兒預5位數派利是

藝人胡杏兒悉心打扮以紅色開胸V領長裙，出席「hmv數碼中國集團盛大周年晚宴」。問到穿到紅噹噹系咪準備派利是，佢就話其實去年都有派，只不過喺英國派英磅，今年就會派港幣，仲話已經預咗五位數字喇：「六位就應該唔使喇。」胡杏兒仲話今年過年無得去旅行，因為要喺無鍚開工拍嘢。對於好友姚子羚近日傳出婚訊，身為好姊妹既佢就話：「我梗系想，我仲要做姊妹，唔畀佢男友蝦佢，不過佢好錫佢唔會嘅。」

唔夠飛！祖兒開騷拒內部認購

天后容祖兒將於3月底假演藝學院舉行10場演唱會，門票未開售已掀起撲飛熱潮，但因場地及場數所限，門票只有一萬多張，據知英皇亦拒絕接受任何內部認購，包括員工。

對於個唱門票反應熱烈，祖兒接受訪問時，坦言自己亦不夠門票，更要「靠嚇」去阻止朋友及同事大手筆買飛：「有啲朋友一落要五十幾張飛，冇辦法呀，我都有嚇一嚇大家先，好多歌大家未必識，因為今次系主力唱Side Track，非主打歌，但結果都冇用。」又笑謂要熄電話幾個月去避飛債及準備個唱。而祖兒更再次提醒大家門票於下星期一優先訂購，而1月23號就公開發售，為讓更多歌迷可以買到票，每人限購4張門票。

新戲要拍肢解場面　張智霖叫導演仔細啲

藝人張智霖穿上型仔皮褸，出席公司的周年晚宴活動。席間，佢話即將開拍由邱禮濤導演嘅一部電影，依家感到相當期待。張智霖拍過咁多電影電視劇，今次有咩因素令他咁期待呢？佢話原來片中系需要拍攝肢解場面，仲話：「我叫咗導演唔好輕輕帶過，要好仔細咁拍，畀我變態一次?。」

經典！許廷鏗刷牙歌被網民惡搞狂Loop版

歌手許廷鏗（Alfred）宣傳新歌時，帶同陳慧敏設計的派台碟現身。受訪時，Alfred透露今次的派台碟構思來自以前的情書，問到可有收過情書，他笑言：「有收過，睇番都唔知點解嗰時會有感覺！」Alfred又指自己花很多心機去製作派台碟，是因為可以為自己的作品留個實體紀念，更期望可以成為其他人的經典，搞笑指自己初出道都唱過一首刷牙歌：「其實唱嗰時都有啲尷尬，但啲小朋友好Buy，網上仲有10分鐘狂Loop版，嗰時仲未有自己歌，如果路途系咁樣開始都幾難搞，何韻詩都有唱小丸子啦。」

問到今年可會開演唱會，Alfred表示今年在頒獎禮上奪得好多有份量的獎項，所以要做好準備先上台，如果不是身心都會有壓力。提到可有入紙申請紅館開騷，Alfred坦言有這個計劃，但都要看情況：「安排緊，好好彩之前都有上過紅館，唔會話發台瘟嘅，紅館對香港歌手嚟講都系好神聖嘅，如果要開騷，自己都要企業得穩個台。」

本期話題

你們喜歡聽許廷鏗歌嗎？