張敬軒內地綜藝《歌手》遭踢走　英皇高層：沒有難過只有憤怒！

歌手張敬軒早前宣布會加入內地歌唱節目《我是歌手》第5季（《歌手》），大膽挑戰樂壇天后林憶蓮、杜麗莎、蕭敬騰領銜嘅獅子樂團等，位位都系唱得之人，搞到未播出街就已經令內地和香港的網友引頸以待，等下周正式播出！

有消息指上周二（10號）在長沙錄第一期《歌手》，演出歌手包括林憶蓮、譚晶、蕭敬騰（獅子合唱團）、光良、張敬軒、袁婭維、杜麗莎及迪瑪希，據知軒仔是第4個歌手出場，第一集嘅節目錄影軒仔都有份參與，唱咗一首《吻得太逼真》，仲有指佢現場效果唔錯?。傳軒仔在眾參賽者當中排名倒數第二，差啲被踢出局。而第一期原定在1月21日首播。

不過，周末就有內地媒體爆料，指張敬軒忽然被節目抽走，《歌手》節目組官方微博、發放嘅官方物料中，刪走曬有關軒仔嘅所有訊息。

仲話有知情人報料，指軒仔已從《歌手》中去掉，無法參與這季節目，不過原因不詳……

內地媒體更指，礙於軒仔已經參與第一集嘅錄影，播出街嘅版本會Cut走曬所有軒仔嘅鏡頭，Cut唔到就會打格仔遮樣。

而《歌手》節目組又下旨，叫其他歌手當冇事發生，仲可能因為少咗個參賽歌手而改賽制，或者搵替補歌手?。

消息傳出冇耐，軒仔就再更新IG，佢上載咗張家居相，留言「睡到自然醒」加一個戚嘴嘅公仔！唔少粉絲都同佢打氣，留言話支持佢咁話！

對於此事，有媒體聯絡軒仔經理人霍汶希，佢只回覆道：「稍後統一回應。」而英皇娛樂集團廣州分公司總經理周峰就在微博寫道：「

沒有難過，只有憤怒

記住，世態炎涼，別太善良

李克勤昨晚在電視城出席《2016年度勁歌金曲頒獎典禮》頒獎儀式，領取勁歌金曲金獎及代容祖兒領取最受歡迎女歌手獎項。講到歌手張敬軒（軒仔）被指遭內地節目《歌手》撤走，克勤謂：「

點會冇留意，不過Mani（英皇高層霍汶希）未講我點可以講，呢啲留番畀官方答，我作為軒仔朋友同同事都唔方便講太多，因為咁對佢唔公平！

不過他直認私下有與軒仔聯絡，他說：「

事前事後都有傾，有Wechat聯絡軒仔，要睇Mani回應先啦，靚女都未講，我呢啲唔靚嘅唔講啦。

王喜出席慈善跑活動，

對於張敬軒遭內地節目《歌手》嘅嘢撤走也不願多講，

：「人哋嘅野我唔講，佢公司自有安排，我唔多嘴。」

對於自己突然被踢出內地歌唱比賽《歌手》，張敬軒至今仍未作出任何回應，但昨晚七點多，有媒體發現軒仔在司機接載下，由住所駛往中環一間健康食品店購物，期間只見他表情愁爆，似是受近日的負面傳聞影響，未幾軒仔已買下兩袋戰利品，匆匆上車離開。

有傳軒仔多年來都被列入內地的黑名單中，這個傳聞其實有跡可尋，早前英皇一班巨星歌手謝霆鋒、容祖兒、古巨基、李克勤、林峯、陳偉霆及Twins等齊齊為霆鋒主演的賀歲電影《決戰食神》合唱主題曲《完美這一天》（粵語版），惟獨張敬軒沒有參與其中。

而《決戰食神Music Tasting英皇超級巨星演唱會》最近先後在上海、北京及廣州舉行，三場演出亦未見軒仔的蹤影。

其實，張敬軒在《我是歌手》第二季就被邀請，一直遲遲沒有參加，《我是歌手》第四季時，有消息流出稱張敬軒，可能作為《我是歌手》首發陣容登台獻唱，但最終都因其「個人原因」無法成行。

當時，在張敬軒退出《我是歌手》第四季的首發名單的消息傳開以後，香港愛國組織「愛港行動」召集人陳凈心在其個人社交網站上表示了自己對這一舉動的支持。

據聞英皇多年來為了軒仔落力與內地各方面周旋，經過多番努力，今年初軒仔終成功解封，參與《歌手》的拍攝，英皇本著低調處理，但軒仔日前一篇提及敏感話題的文章觸發到內地網民的神經，令內地電視台處於兩難局面，最終決定一刀切，令軒仔再次「消失」。

哎，該說些什麼呢！

推薦閱讀

*點擊圖片即可查看*

?轉載授權微信：lama129

? 商務QQ：

1900556960

?投稿郵箱：tghkchannel@163.com