舒淇懶理黎明表態話：早抖啦 婚後與鄧紫棋同場 林宥嘉冇異樣

新歌推薦

鄭世豪

= 仍堅持=

今日快報

舒淇懶理黎明話：早抖啦

天王黎明接受內地節目訪問，少有地開金口講舊愛舒淇，被主持人問到點解當年分手，黎明非常有紳士風度，話舒淇已經結咗婚，根本唔應該再討論，但同時更表現當中嘅真誠，話如果分手唔痛，就冇可能一齊啦！

話曬同舒淇拍咗七年，黎明點會唔深刻，無論拍拖前後都絕口不提舒淇，今次咁罕有提舒淇兼話系佢最欣賞嘅女神，當然令全城嘩然，同時，個個梗系想睇嚇舒淇點表態！舒淇話你知：「早抖啦！」喺接近今日凌晨十二點，舒淇喺Instagram上載抱住貓貓嘅相，仲留言：「Nite nite.」即系無論黎明點講都好、外界反應點大都好，對於今時今日已同馮德倫組織幸褔家庭嘅舒淇嚟講，不如眼瞓就瞓，乜都唔好理，亦都唔需要理！

零包袱？祖兒Twins噴火反白眼樣樣齊

天后容祖兒同組合Twins一向都系好姊妹，感情相當好，仲有個名叫做「龍虎豹」

而仲有一段片，佢哋仲化身成變種特攻，雙眼會發光，個口又噴火咁，祖兒仲話：「累到極致時人類通常會呈現異常的反應，例如異常地high #在那激光中穿梭#笑到標#沒有喝#我愛我的朋友#Versusversace。」片中完全聽到祖兒玩得幾咁開心，喺咁爆笑，唔少網民仲留言大讚佢哋真喺好姊妹，同埋啲片真喺好搞笑，睇完都笑死呀！

馮盈盈林宣妤大熱倒灶　餘思霆爆冷奪冠

在馬來西亞舉行的「2017國際中華小姐競選」宣布賽果，來自紐約的餘思霆爆冷勇奪冠軍，雖賽前被指有疑似整容鼻，但在才藝表演環節，憑技驚四座的滾軸溜冰表演獲得不少分數，結果轉出個冠軍來！

由頭帶到尾的吉隆坡林宣妤雖佔有主場之利，但最終大熱倒灶未能奪冠，只能獲得亞軍，全場嘩然相當失望！香港代表馮盈盈全晚表現尚可，終奪得季軍。「友誼小姐」則由約翰內斯堡李虹臻獲得。

婚後與鄧紫棋同場　林宥嘉匿埋「攤屍」

台灣歌手林宥嘉婚後同舊愛G.E.M.（鄧紫棋）首度同場，前日兩人就喺深圳參與音樂會。主辦單位為免呢對昔日舊情人碰面會尷尬，作出巧妙安排，兩人於不同時間現身！當日G.E.M.著性感露背長裙表演，同一時間林宥嘉就喺後台接受傳媒訪問，再去葛優休息室，所以就唔會睇到前度嘅演出！

雖然首度跟舊愛同場，但已為人夫嘅林宥嘉冇表現異樣，仲喺微博貼出自己攤喺梳化嘅照片，上演內地時下最火紅嘅「北京癱」，而葛優就翹埋雙手企喺隔籬陪襯，林宥嘉留言：「這次誰還能說我不標準，正宗一對一教學！謝謝葛大爺。」

伍詠薇食住條導演水　今年想拍女性電影

藝人伍詠薇接受電台訪問，提到她近日為ViuTV節目《碌卡大導》首次擔任微電影導演，她表示自已做演員已二十多年，有相關知識，所以就膽粗粗一試。問到碌卡的對象？她笑說：「碌啲熟嘅人大家都會expect咗，要碌啲唔熟嘅先系堅揪！女主角就系王馨平，佢啲戲真系好好，講對白好清楚。」至於可會做導演做上癮？她笑言這次執導十五分鐘已經好攞命：「但經過呢次邊做邊學習之後，今年我都有機會開女性嘅電影。」

香香直播　唔肯爆強強真名

昨日索爆人妻岑麗香同大家玩直播，佢著到紅噹噹，好有新年氣氛，佢仲戴住閃爆婚戒，sweet到爆呀！香香做開籠雀，大家問咩佢就答咩，勁nice呀！一開波香香就話：「好開心喺度見到大家，今次婚後第一次同大家直播，好多人送祝福畀我，今次想喺度同大家講聲多謝，同埋祝大家新年快樂！」有網友問幾時帶強強出嚟？香香話：「未必一齊出嚟喇，佢始終唔系藝人，但耐唔中，佢都會出嚟支持我嘅！到時大家咪可以見到佢囉！」有網友話香香太瘦，香香都話：「我都覺得香港太瘦，我新年會食多啲嘢，食多啲蘿蔔糕！」

香香公主出嫁，好人都問佢幾時生b同想幾多個，香香話：「想生嘅，都想生多啲！生咗一個先算！」又有人問強強其實真名系咩？香香話：「得架喇，咁樣叫佢就得！佢始終唔系圈內人！」之後佢又自爆點解會公開婚事，佢話：「原本想偷偷地搞就算，私下同屋企人、朋友低調咁搞，但見到有新聞開始報道話我大肚，都想做個澄清，咁我哋又冇咩嘢，所以就公開話畀大家知！」

?轉載授權微信：lama129

? 商務QQ：1900556960

?投稿郵箱：tghkchannel@163.com