戀情告急？洪永城被曝傾情「翻版徐子淇」10年，唐詩詠發文引揣測！

娛樂 01-24

唐詩詠昨天拉埋兩屆視後胡定欣、梁烈唯和沈震軒齊齊睇韓國人氣男團Big Bang在啟德郵輪碼頭舉行的演唱會，不過現場未見男友洪永城（Tony）蹤影。而早前詩詠在網上發文稱「你生命中唯一需要的人，就是覺得你很重要的人」，疑暗示兩人陷入冷戰期，因此是次Tony缺席不難令人聯想到現時兩人「戰況」膠著，關係危危乎！

其實兩人拍拖兩年，雖然經常在受訪時從言語上「派糖」勁甜蜜，但最近有指感情生變，更經常影到詩詠一支公消磨時間，而兩人亦鮮見於社交網站上放閃，看似關係轉淡早已醞釀多時。

早前，唐詩詠在社交網留言：「 the only people you need in you life are the ones who need you in theirs.（生活中唯一需要你的人是他們需要你的人）」惹來外界的揣測。

洪永城（Tony）就被指與女友唐詩詠陷入冷戰，原因是女方覺得男友多緋聞，二人亦被拍得同車卻未有傾偈。有媒體致電Tony，他反應甚大的反問記者：「又做咗封面？咩事呀？（同詩詠冷戰？）冇呀，我哋好好，多謝關心！」談到Tony被指十年以來都鍾情一位貌似徐子淇、在銀行任職理財主任的索女Kanice Po！他解釋：「我都講過啦，系好耐冇聯絡嘅朋友，普通朋友，搞到個朋友我都唔好意思。」

談到詩詠獨自一人走勻全港，他認為每個人都應該擁有獨處的時間，沒什麼特別，至於談到詩詠放聲氣想結婚，他說：「佢都唔會特別去講呢樣嘢，不過我哋都系朝呢個方向行。」

雖然洪永城已就冷戰一事作澄清，並指他們會朝著結婚發展，可是詩詠就指不想回應太多，

她直認是女孩子都想結婚，不過目前先專註事業先。去年詩詠亦跟馬國明緋聞不斷，她認為在2016年講太多感情事，令大家忽略了她的工作，又謂：「都只系Share有意思嘅句子畀大家！」

不過，詩詠出席活動時明顯未與男友夾定口供，更直認兩人已有一段時間未有見面，

「有問題會同大家講。

（幾耐冇見面？）都一段時間

。」

當問到感情是否由濃轉淡時，她以為免外界忽略其工作為由，一律避談：「唔想回應咁多喇！」

相隔數日後的前晚，Tony在將軍澳電視廣播城錄影大年初一播映的無綫節目《保良善心全鳳獻》時，對於詩詠指雙方「好耐冇見」的言論，就明顯未有畀面附和，更說：「啱啱先喺Canteen見完！唔明點解佢咁講！」據知詩詠出席活動前一晚，在電視城的飯堂中被人目睹與Tony一齊出現，期間兩人笑臉迎人，完全沒有冷戰跡象，與詩詠說法有所矛盾，有口是心非之嫌，不但令事情顯得更加撲朔迷離，亦使人覺得有「絕世好女友」之稱的詩詠原來非常善變！

問到兩人盛傳的冷戰是否仍然持續？Tony說：「唔關啲花邊新聞事啦，唔會特別擔心，識得處理嘅。（女人成日口是心非?喎！）即系男人永遠唔明白嗰啲？咁就Keep住唔明白啦，但系我想明白！」除了用心意去克服「女人心海底針」外，Tony亦打算以行動去討好女友，當問到會否入場或包場支持女友有份演出的新戲，他直言會入場觀看，更笑說：「但未知要睇幾多場！」