【醫院過年】劉德華親述受傷病情張敬軒發文：掌聲和批評都是鞭策

娛樂 01-24

今日快報

【醫院過年】劉德華親述病情住院8星期

劉德華早前在泰國拍廣告受傷，有指他拍策騎鏡頭時從馬背摔下來，19號凌晨劉德華搭飛機返港，乘醫療專車直入醫院接受治療。住院期間病情一直有很多揣測，亦有指劉德華想過年前出院，而譚詠麟昨日探病後預告劉德華會親自交代病情。

今日早上時間，劉德華親自發文，首次詳細披露病情及住院時間為兩個月，情況頗為嚴重：「受傷地方是盆骨，多處骨折，筋腱肌肉嚴重拉傷......這幾天有完整的醫務團隊努力下，情況穩定下來！醫院估計，住院時間約6至8星期。醫生估計，恢復的時間約6到9個月，我會完全遵從醫務團隊會診的建議！我知道你們的痛不會比我的小和少！我會靜靜的休養，快快的好起來！」住院加治療期接近一年，劉德華將會在醫院度過農曆新年，而他的電影及演唱會工作也會受到影響。就劉德華工作受影響的情況向其公司查詢，劉德華公司表示：「工作有待進一步討論，目前僅回答這些。再次謝謝媒體朋友。」

撼達明一派！容祖兒個唱加場飛火速售罄

天后容祖兒演唱會加開4月12至15日四場，而達明一派的演唱會亦系今日開售。早上9時半，有超過50歌迷在尖沙咀通利琴行門外排隊買飛，排頭為的十幾人都是南亞裔。不過到10時半，有工作人員出來宣布容祖兒演唱會所有場次及日子都只剩下單人座位，有近十名歌迷離開現場。據知祖兒演唱會每人限買4張飛，而達明一派就每人限買6張飛，但售票速度就比平時慢好多。十分鐘後，有工作人員在出來張貼通告指祖兒演唱會已經爆滿，現場約三分二歌迷離開琴行。

記者訪問了現場歌迷，戴眼鏡的曾先生就表示自己想買容祖兒的門票，但就入唔到網站，當工作人員勸退仍死不心息要上網睇啲飛系咪真系賣曬，曾先生表示：「排咗十幾分鐘，都買唔到飛。（感到失望？）有少少失望。（會買達明一派？）我凈系想睇祖兒。」

而達明一派的歌迷林小姐則表示早上9點15分來排隊，成功買了兩張$580港元嘅飛。提到達明一派早前指很難找到贊助商，林小姐坦言有擔心過偶像開唔騷。問到喜歡哪一位成員？林小姐笑言：「明哥（劉以達）啦，由第一隻EP開始就支持佢哋。（有冇說話想同佢哋講？）繼續努力，唔使驚有冇贊助，有fans支持。」而早上11點，達明一派最貴的$900港元門票已經售罄。

張敬軒發文講感受：掌聲和批評都是鞭策

近日無辜捲入「是非漩渦」的張敬軒，遭內地歌唱節目《歌手》撤走後傳言不斷，不過軒仔未有理會是非堅持做好歌手本份。於凌晨時段，軒仔在微博發文，表示可以享受音樂已夠幸福：「能有幸與專業頂尖的班底交流學習，一起享受過音樂，已夠幸福。感謝所有工作人員對於音樂不計回報的努力。音樂如此美好，不該被紛擾到。感恩人生的風雨和陽光，掌聲和批評都是鞭策。」

入馬場贏錢！吳若希佗B五個月照跳

懷孕五個月嘅吳若希，雖然決定生完BB先同男朋友AlexHo辦理結婚手續，但唔好以為佢哋感情有乜嘢阻滯，反而Sweet到漏黐身黐勢。

吳若希昨日孖住Alex入沙田馬場，先排佢先話準備做馬主，梗系要把握機會入馬場學嘢！落注考嚇自己眼光當然唔少得，吳若希睇跑馬時仲投入到跳嚇跳嚇，仲七情上面狂笑，佗B仲跳跳扎，真系要小心啲好喎！吳若希話第一次入馬場，當然要落注試嚇手氣，結果真系畀佢中咗冷門，派彩有成1賠34，唔怪得佢興奮到不記得自己佗緊B啦！