女神封盤了？阿嬌勁冧：老公Sweet到爆 周志文強調同蔡思貝冇嘢

今日快報

《歌手》出局　杜莉薩憶亡母掩面痛哭

天后林憶蓮、杜莉薩等參與的內地歌唱比賽《歌手》周六晚播出了第四集，今集杜莉薩演唱《真的愛你》加《魯冰花》送給亡母及三位女兒，她在事前錄製片段中，提到小時候因在家中排最大，要出去工作幫補生計，所以很少時間陪母親：「到我做咗大人，有自己嘅家，我一路同我阿媽都冇乜溝通，間中先有少少會通電話或者見嚇面，但好多嘢都收埋喺心入面。」之後她眼濕濕提到當年未能見到母親的最後一面：「我喺多倫多3月30號飛，3月31號到香港嘅時候，我收到短訊話我阿媽走咗...所以有時我覺得無論同屋企人說話多唔多，講一句我愛你、你好嗎、你需唔需要我幫，呢幾句說話我覺得好重要。」節目中又播放了她之前曾在綵排期間，因憶起亡母而放聲痛哭的片段，她哭著說：「first time I cry for my mum，I don"t know why，I didn"t want to，maybe my mum was with me.」到真正比賽時，杜莉薩一直強忍淚水，到唱畢後才落淚，而同為參賽者的憶蓮及譚晶亦被她的歌聲感動到忍不住哭。

正如上周報道的賽果一樣，因第三集的成績累積到第四集，雖然杜莉薩今集成功打動觀眾，在七位歌手中排第四名，但上集她排尾二，綜合兩集成績排名最低的她最後慘被淘汰出局，令人大跌眼鏡！在得知被淘汰一刻，杜莉薩依然面帶笑容，其他參賽歌手則露出不舍的表情。杜莉薩說：「觀眾真系好幸福有呢個節目，我都好開心可以喺呢個節目唱歌，我下次返嚟唱歌（被淘汰的歌手下集會作表演嘉賓）都會好開心。」她事後亦在微博寫道：「我愛音樂！我愛唱歌！很感激電視台導演給我這個平台，讓我結識一群愛音樂的小朋友！希望以後還能有機會在這麼專業的平台上唱歌，謝謝你們喜歡我這個愛哭愛笑愛唱歌的杜奶奶。Each and everyone of you are veryspecial，to me！」她又在節目導演的文章上留言：「我們突圍賽見！」預告之後會參與突圍賽，即仍有機會重返節目。不少網民都對賽果表示不服，又指期待杜莉薩在突圍賽中再回來。

旅遊王子出動　洪永城地中海過情人節

藝人洪永城日前出發到地中海，以及中亞北部的小國做旅遊節目，他表示會用30日到訪3個國家，探討當地人的生活模式、醫療、工作環境、發展機會，以至空氣質素等。

對於情人節未能與女友唐詩詠一同度過，他笑說：「要喺嗰邊過。（但情人唔喺嗰邊嘛？）系啊，為工作，Facetime過。（有冇買定禮物或畀驚喜？）都有，但唔講得。（下次帶埋女友去？）有同公司講?，不過佢拍緊劇，唔知下一次會唔會一齊做旅遊節目呢？佢都想去多啲旅行，我知佢想去倫敦，啱啱先同我講完布拉格好靚，希望下次可以一齊去倫敦或布拉格。（影埋結婚相？）有消息再同大家講。」

女神封盤了？阿嬌勁冧：老公Sweet到爆

昨日系元宵節加上過幾日就系2月14日情人節，街里外人就一對對，而36歲嘅鍾欣潼（阿嬌）都收到份情人節禮物，仲話老公好Sweet，唔通女神封盤有拖拍？

阿嬌喺Instagram上載咗段片，佢就tag住「情人節」、「我老公sweet到爆炸」、「你地（哋）恨唔到架（?）啦」！「老公」系邊個？？？唔系男人，仲系女人，放心！系佢好姊妹蔡卓妍（阿Sa）呀！

原來阿Sa收到一盒情人節禮物，所以佢就借花敬佛送畀阿嬌一齊分享，當佢親手送畀阿嬌時，阿嬌開心不得了，仲話：「我收到情人節禮物呀！」打開份禮物，仲有阿Sa嘅錄音：「小嬌嬌，祝你情人節快樂呀！」真系sweet都爆呀！而份禮物系一盒Macaroon，阿Sa好想食用只手去拎之際，阿嬌系咁問佢：「你得唔得?？」阿Sa就系咁話：「得?！得?！」真系好搞笑！所以情人節都唔一定有拖拍先開心嘅！

小花做到悶！劉佩玥踩過界想做歌手

藝人劉佩玥（Moon）出席元宵節活動，她還即席大唱情歌給觀眾聽，齊慶賀中國情人節。問到是否有興趣當歌手？她說：「等公司安排，我系好鐘意唱歌，由細到大都有彈琴，中學有寫歌，依家努力學唱得再好啲，我對做歌手系有興趣。」她又表示歌手好友張彥博及何雁詩均有傳受唱歌秘訣給自己，教其如何運氣和收尾音靚啲。

至於西方情人節有何約會，Moon即表示已佳人有約：「我約咗另一個姊妹去旅行，依家仲計劃緊，我哋系好即興睇嚇去邊，上次都系好即興同陳瀅、何雁詩去大阪，今次就同王子涵去，睇嚇佢畀咩驚喜我，我每次去旅行都唔睇旅遊書，鐘意捐窿捐罅去搵嘢食，今次會跟佢嘅行程。（咁有冇男仔約你？）冇呀，連我細佬都唔約我，好慘，我嗲哋媽咪就自己去拍拖，所以好lonely，我除咗兩個「老婆」陳瀅、何雁詩，就得王子涵，佢成都話佢先系皇后Queen，佢哋兩個只不過系娘娘。」更謂現時沒有拍拖應多陪好姊妹。

強調同蔡思貝冇嘢　周志文尷爆認單身

藝人周志文早前到加拿大登台搵銀，回港即出席元宵活動密密賺，即場獲女歌迷催拍拖：「快啲搵個女朋友。」搞到緋聞多多的周志文一臉尷尬，問到元宵及情人節如何慶祝？周志文說：「冇約人又冇人約。」屢次被影到與藝人蔡思貝過夜的周志文再次澄清與對方只是好朋友，他說：「我依家仲系單身。」由於對方早前生日，問到有否送生日禮物？周志文說：「佢拍梗劇冇乜時間，只系喺大圍Group同佢講生日快樂。（私下冇講生日快樂？）冇呀。」

?轉載授權微信：lama129

? 商務QQ：1900556960

?投稿郵箱：tghkchannel@163.com