黎明30秒講一輪嘴嘢勁到爆鄧麗欣飛台灣為小牛慶生

娛樂 02-12

今日快報

急口令咁快！黎明30秒講一輪嘴嘢勁到爆

天王黎明（Leon）一向系社交網站嘅活躍份子，不時都會上載搞笑嘅片都網友開心Share，令唔少網民大讚。

昨日Leon又出動喇，佢就喺社交平台同網友分享咗段佢喺30秒內一輪嘴嘅片，喺片中佢同急口令嘅講曬要推廣嘅訊息，不過唔好以為Leon講得快就會講得唔清楚，大批網友都紛紛留言大讚Leon講得好清晰，唔使睇字幕都聽到佢講咩，真系好叻豬呀！仲話估唔到佢可以講得咁快，簡直型到爆呀！Leon一出動喎，當然吸引好多網民關注啦，段片唔夠一個鍾，觀看次數已經超過7萬次瀏覽，可見Leon嘅威力系幾咁強勁呀！

柳岩與「梁朝偉」親密合照　遭網友炮轟

大陸女星柳岩自小就是梁朝偉的粉絲，並多次公開表示好想擁抱偶像，這個願望終於在2009年03月的晚會上達成，當時偉仔在眾目睽睽下擁抱粉絲。啱啱柳岩又放咗一張與「梁朝偉」的合照上微博，冇留言，只有一個奸笑公仔，實時惹來網民揣測。

照片中，柳岩收起性感穿上黑色皮褸、戴上鴨嘴帽，而呢位「梁朝偉」則穿上招牌黑色羽絨，親密搭實佢膊頭，笑容甜美可愛。網民提出質疑，「這是……是梁朝偉？」、「難道不是梁朝偉？」事件好快就得到查證，其實與柳岩合照的是梁朝偉的御用替身，系咪好似樣呢？柳岩連翻版梁朝偉都要曬一番！

嫁人喇！梁麗翹美國結婚做幸福人妻

無線《東張西望》主持人藝人32歲梁麗翹（Nicole）早前先表示會到美國與圈外男友拉埋天窗，話咁快已經嫁咗人喇！

昨日佢上載咗幾張婚照去社交網，雖然老公都系唔見樣，不過就見到Nicole嘅幸福樣都已經夠曬Sweet，加上佢嘅婚紗Look簡單而隆重，難怪佢都話自己夢想成真，擁有一個勁浪漫嘅婚禮：「The dreams of that nice romantic weddingcame true ... ??」另外佢又開心Share自己對婚鞋，原來佢鞋底寫住「Wifey for livey（一生一世的老婆）」嘩，簡直甜到爆曬燈！！

唔留言避嫌　鄧麗欣飛台灣為小牛慶生

藝人鄧麗欣（Stephy）去年公開與方力申十年情玩完後，曾與同性密友台灣女排教練鄧衍敏（小牛）傳緋聞，更有指是小牛介入令她與小方情變，不過Stephy已經第一時間否認，強調與小牛是朋友，兩人關係亦師亦友，其排球隊Loey需要對方指導。事隔近一年，Stephy與小牛沉寂了的緋聞再次復燃，盛傳Stephy近日專程到台灣為小牛慶生。

Stephy前日率領其排球隊飛抵台灣集訓，巧合地正是小牛生日，穿上紅色球衣的小牛在社交網上載捧著蛋糕照留言：「33生日在工作中度過，希望這365天能一天比一天進步並平安，祝福我們大家都是（紅心圖案），謝謝你們感動著。」即引來網民猜測Stephy今次台灣之旅，是專程為密友小牛慶生，Stephy也不避嫌贊好小牛的照片，但未有留言，而她的兩位好姊妹楊愛瑾、區文詩則有留言祝小牛生日快樂。

雖然Stephy在網上公開球隊抵埗後，眾人即換上運動服進行第一課操練，還透露此行將會與台北巿立大學排球隊的隊員一齊集訓，之後也會與當地排球隊進行友誼賽，但Loey隊員練完波，大伙兒結伴去逛夜巿，上載的照片卻未見Stephy蹤影，不知是否跟小牛食生日飯，即惹來網民無限聯想，並因而再次傳出兩人的緋聞。

前英皇高層直擊港鐵縱火事件　驚險萬分

港鐵昨晚7時許發生火警，尖沙站一列列車的車廂內冒出大量濃煙，尖沙咀站內乘客需緊急疏散，原來前英皇經理人公司高層Kitty媽（鄭燕玲）當時亦在出事列車上，她在facebook也有上載照片。

在接受訪問時Kitty媽說：「我7點左右喺中環上車，我嗰卡列車喺中間位置，好似系車頭出事，其實架車開咗冇耐就停嚇開嚇，突然聽到車長問：『咩事？咩事？』我身邊啲人仲以為系咪有人亂撳掣，但之後我就聞到??味，開始有煙。有乘客就打開車窗，空氣系清新咗少少，但好快再聞到??味，之後再聽到車長廣播：『列車將會直駛去尖沙咀。』完全冇停過金鐘站。」