楊怡親手整蛋糕冧謙仔 馮德倫贊舒淇好文采冇鬧交 準備好生B

每日歌曲

她她

《她剪她發》

今日快報

全部都系女！馬國明慶祝生日黃心穎避席

2月13日情人節前夕，是圈中筍盤馬國明（馬明）的43歲生日，不過正忙拍新劇《深宮計》的馬明，就要在錄像廠度過！日前同劇演員馬浚偉、張文慈，以及前女友胡定欣等就為馬明慶生，唯獨緋聞正盛的黃心穎偏偏冇影！

當晚，一眾劇中拍檔為他切蛋糕慶祝，除了馬浚偉外，全部都是女仔，不過有份拍此劇的黃心穎就不在場，馬明接受訪問時謂：「好開心，成班同事陪我慶祝生日，生日喺工作中度過都慣咗，雖然唔系開咗好多日工，但嗰班演員都好熟，好多以前都合作過，好似馬浚偉、謝雪心、康華。」

問到心穎BB有否表示時，他笑言：「冇呀！今年凈系收過嗰個蛋糕禮物，冇收到其他禮物！（心穎？）都冇喎！我又冇乜所謂，我十幾歲開始已經冇慶祝生日，對我嚟講冇乜所謂，希望大家都身體健康。」問到為何當日心穎BB不在場，他謂：「好簡單，因為嗰日場戲冇佢，咁佢咪唔喺度囉！就系咁簡單。」問到二人「情人節」場戲又甚樣時，馬明又扮懵謂：「我冇呀！我都系工作中度過，我尋日場戲都冇佢?！」

至於心穎BB被問到是否知道馬明生日時，她笑言：「知呀，我嗰日要開《千奇百趣》，見到劇組個Group啲相。（你又有冇表示？）我有短訊祝佢Happy Birthday。（咁情人節快樂呢？）冇喎！點解要特登同佢講呀？我有喺社交網出Post同大家講囉！」心穎指昨日的情人節另有工作，各有各忙。

孖苟芸慧慶祝？陸漢洋情人節親自下廚

「處女黨」最後一員苟芸慧（苟姑娘）與緋聞男友陸漢洋嘅戀情疑幻似真，兩人都唔認拍拖，不過經常隔空大讚對方！陸漢洋昨日就喺Facebook上載咗幾張相，佢留言：「Soooo happy to see the person I love to have such a sweet smile on her face ! Happy Valentine"s Day !」（見到心愛嘅人露出甜蜜嘅笑容，真系太開心！）

相中見到一個相信系陸漢洋嘅男人著住條圍裙，不過就用emoji遮住對眼，應該系佢尋日情人節親自下廚，其中仲有一個心形蛋糕，咁鬼有心思仲唔系同愛人一齊慶祝？雖然喺相就見唔到苟姑娘喇，但同佢共度情人節唔系苟姑娘嘅話，仲有邊個先，不如快啲公開戀情啦！

贊舒淇好文采冇鬧交　馮德倫準備好生B

導演馮德倫出席品牌活動，婚後首次亮相公開活動的他隨即被記者恭喜太太舒淇懷孕，他笑說：「咁嘅謠言都好信，有嘅會話畀大家聽，依家應該唔系。（有冇計劃生小朋友？）我希望有。（商量咗幾時？）呢啲順其自然，我ready。（太太呢？）順其自然。」

談及日前舒淇在社交網發表長文抒發感情，當中講到「退讓總是會有極限的」身為老公的馮德倫即被問到二人是否吵架？他說：「我太太非常有文采，有時睇完本書有感而發，大家唔使諗太多，我冇理由制止佢嘅文采，佢才華洋溢。（咁佢情人節有冇寫卡或詩畀你？）呢樣要做多啲嘅佢又冇喎。（咁點慶祝？）食飯，喺屋企睇電視。（太太下廚？）叫外賣。（點解唔叫太太下廚？）其實佢好叻煮嘢食，不過嗰日冇煮。（放佢假？）佢鍾意做咩就做咩。（互相送咗咩禮物？）唔需要啦，冇送。」再問到太太不染髮是否為「順其自然」計劃做準備？他即笑稱：「我仲多白頭髮啦。（有冇調理身體？）調理身體不嬲有做，最緊要順其自然。」

他續表示現忙為電影《俠盜聯盟》做後期製作，及為美劇《荒原》剪片，美劇將於三月十九日於美國上映，屆時便會忙宣傳工作。

母親離世瞓唔好　陳法蓉爆全靠2隻狗陪伴

藝人陳法蓉（Monica）出席珠寶品牌與香港愛護動物協會聯手推出的慈善首飾系列發布會，身穿低胸服飾的她攜同兩隻愛犬「囡囡」及「妹妹」到來，笑言愛犬的髮型是出自同一位髮型師，故經常被人誤會是兩姊妹：「佢哋冇親戚關係，囡囡系買番嚟，有長期肝K型，本身話養唔大，但依家九歲啦，另一隻妹妹系人哋唔要，我執番嚟養大咗，依家7歲，我當佢哋系自己小朋友咁樣。（使好多錢幫佢哋做美容？）好普通，我唔系怪獸家長，正常自己做唔到，好似剪指甲，我驚流血，就定期帶佢哋修剪儀容。」

問到情人節有何慶祝節目？她說：「我

9

點鐘就上床瞓覺，攬住兩個囡囡（狗），所以今日好精神。（唔寂寞咩？）舊年

5

月媽媽離世後個段時間我成日發惡夢，一紮醒好驚就會摸嚇只狗，之後就唔驚，所以啲朋友話咁咪累咗你，冇嘢畀你攬住就嫁咗啦，其實我冇特別覺得有呢個需要，但如果真系遇到，我唔抗拒，好歡迎，呢啲系緣份嚟嘅。」又謂佳節沒有人邀約：「啲朋友問我系真冇拍拖定靜雞雞冇拍拖，佢哋話知有人想追我，但唔相信我冇拍拖，其實我呢排真系冇拍拖。（即系早排有？）早排？依家系冇。」至於新年願望是否想少些是非或爭執，她表示開心和健康最重要。

婚後首個情人節！楊怡親手整蛋糕冧謙仔

藝人楊怡同羅仲謙拍咗拖咁多年，上年仲結埋婚，但佢哋依然Sweet到爆呀！前日系佢哋婚後第一個情人節，楊怡梗系要趁機凼嚇老公啦，佢第一次親手整芝士蛋糕，仲喺微博甫埋相，留言話：「第一次整cheesecake，賣相不錯吧，還有親自弄的士多啤梨玫瑰@羅仲謙 送給你Happy Valentine"s Day 」實行要閃死咁多位。

睇番個蛋糕，賣相幾好喎，楊怡仲將啲士多啤梨切到玫瑰花咁，認真細心呀！唔少網民都留言贊羅太好厲害，又話佢系賢妻良母，亦有話「娶到你好幸福」，唔知羅仲謙收到呢份情人節禮物有冇冧到暈呢？

紐約時裝周：謝婷婷情人節前蜜會鷹眼

謝婷婷出席紐約時間15日於當地舉行的Michael Kors 2017秋冬時裝騷，婷婷上年年底傳出暗撻荷里活型男「鷹眼」謝洛美維拿（Jeremy Renner），問到二人的關係，是否發展中，定已經是男女朋友？她甜笑說：「唔答，哈哈。（飛去搵佢？）我啱啱L.A.返。（去咗搵佢？）系呀。（過情人節？）冇，情人節已經喺度。」問到保持Long Distance（異地戀）會否好難？她直言：「又唔會，因為我拍緊套戲，好專心做嘢，冇咁多時間，細個拍拖為主，一定要愛情第一，依家唔知系咪大個，愈來愈愛我嘅工作，做嘢想放曬啲心機同時間落去。」問到有沒有見哥哥謝霆鋒？她表示去年12月先見過，自己忙於拍電影《歐洲攻略》，到義大利及上海拍攝。提到已經拍了很久？她笑而不語。

提到霆鋒因這3年來長期拋鑊及快速切菜而患上筋膜炎，她表示：「我知有排佢好痛，成日見醫生，我近排鍾意用essential oil（天然精油），自己整咗啲葯畀佢，我問佢信唔信我，佢話梗系信，佢就食咗葯，唔知佢返北京識唔識調。佢食完媽咪同身邊朋友都問我畀咩佢食，因為有好啲，只要令到佢唔痛，佢乜都肯做。」提到傳爸爸謝賢快做人父？她表示：「傳咗半秒，唔系真。」她表示會在當地逗留五日，除了出席品牌騷，更會到演藝學校學做戲。她更大讚品牌的設計永不過時，十分喜歡品牌設計師的風格。另外，分別有名模Kendall Jenner 及Joan Small行騷。

?轉載授權微信：lama129

? 商務QQ：1900556960

?投稿郵箱：tghkchannel@163.com