王祖藍 李亞男11年愛情路曾經分手最後還是沒放下

曾分手又放唔低 王祖藍 李亞男11年愛情路

有著「最萌」身高差距嘅 王祖藍 同李亞男呢對恩愛夫妻，近日結婚兩周年去咗馬爾地夫慶祝兼拍甜蜜寫真。期間不斷放閃相，仲分別喺對方微博留言：「老公／老婆，情人節快樂，結婚兩周年快樂」，sweet 到爆呀！婚後依然甜蜜嘅兩人，但原來兩個都經歷唔少風雨

王祖藍 李亞男11年「長短腳之戀」

2月14日對呢對夫妻嚟講，唔單止系情人節咁簡單，更系佢地嘅結婚周年紀念，最近系社交平台上都見到佢地兩人早前喺馬爾地夫影嘅寫真，除咗風景靚，兩人真摯嘅笑容為寫真添上不少幸福感。婚後依然甜蜜嘅兩人，原來背後都有一條好長嘅愛情路。

曾自卑而導致分手

王祖藍 同亞男喺06年已在教會秘密撻著，當時祖藍寂寂無名，又怕俾唔對幸福對方，自卑之下，與亞男分手。祖藍曾經講過：「我嗰時系咩啫？兒童節目主持，冇人識，身高又……而佢，華姐喎，又高又靚，我唔敢高攀。佢哋由細到大都覺得系咪要搵個好啲嘅呢？所以亞男都有啲驚。我哋05 年認識，06年決定喺埋一齊，但好快又冇喺埋一齊。」

分手後，祖藍的工作機會接踵而來，事業不斷發展，歌影視三邊忙。09年，祖藍始終都放唔低亞男，之後寫咗一封情信加一隻自己寫嘅歌《跌落凡間的天使》送俾亞男，終於佢哋又走番埋一齊。

台慶求婚成佳話

兩人於2010年11月爆岀戀情，亞男大讚祖藍有責任感，又夠勇表白，而祖藍覺得亞男系好女仔，其後五年中他們愛得甜蜜。呢對「長短腳之戀」終於喺兩年前開花結果，祖藍喺無線節目《萬千星輝賀台慶》中，當著全港700萬觀眾面前，跪地向亞男求婚，最後亞男喜極而泣，仲未講我願意就等唔切想戴戒指，場面感動又搞笑。

情人節舉行婚禮

最後祖藍求婚成功，並喺2015年2月14日情人節當日舉行婚禮，邀請咗親友及圈中好友為佢哋簽紙見證，之後喺迪斯尼擺酒，真系甜上加甜。

老婆入院 自責自己沒陪伴左右

祖藍曾經因爲亞男入院，自己又唔系老婆身邊而感到。佢覺得點解老婆最需要自己嘅時候唔喺度，佢又因呢件事而好決絕咁推曬半年嘅job。並因呢件事，祖藍先覺得都系屋企緊要，錢搵唔曬嘅！

亞男爆祖藍中意放屁

婚後兩人夫妻檔岀席活動又做節目主持例如《蜜月到訪》，亞男仲大爆最唔鍾意祖藍放屁：「佢會喺我面前，扮啲好Cute嘅姿勢，我要放啦！一、二、三！仲要將個Pat Pat放喺我塊面前面放！」祖藍就笑住咁話：「我系教佢咩叫俾人噴到一面屁咋！」

計劃生BB

祖藍同亞男婚後都有共識，有兩，三年嘅計劃生小朋友！數數手指，佢哋都結婚2年啦，喺時候要計劃下啦！另外祖藍話未必可以買到好勁嘅豪宅，但養到一家人唔成問題。祖藍真系一個有責任感嘅人，亞男真系冇揀錯！最近，祖藍同亞男一齊演岀《1+1的幸福》，分享相處之道及少為人知的愛情故事，又甜蜜又窩心，不知不覺成為圈中的模範夫妻。