洗米華和正室複合？送2.6億安撫小三Mandy 鄭欣宜獲賞識拍電影

娛樂 02-25

今日快報

驚畀人影相　黃心穎嗌忙冇時間搵馬明

無線劇集《雜警奇兵》在灣仔開工拍攝，黃智賢、黃心穎、C君與蔣家旻在街頭拍攝查案戲份。黃智賢與C君一見黃心穎就一唱一和取笑她與馬國明的緋聞，黃心穎受訪笑說：習慣曬啦，佢哋唔玩反而唔慣。

C君透露完成《雜警奇兵》後會與終極偶像黃子華拍電影，但卻有心理障礙，他說：「心裏面好崇拜佢，但做戲又要鬧佢喎，我問佢點做呢，子華話到時就得?喇，自己抱住睇明星嘅心態去拍。」

洗米嫂曬全家福　拒複合當周焯華系家人

太陽城集團行政總裁周焯華（洗米華）因為戀上名模Mandy Lieu兼生B，而激怒正印洗米嫂陳慧玲（Heidi），洗米嫂當初堅決要離婚，事件擾攘逾一年，一直有指洗米華多番出招箍煲，欲凼番Heidi。

而前晚在澳門新濠影滙舉行的《太陽城集團10周年傳奇之夜》，洗米華全晚表現風騷，洗米嫂雖然無出席，但慶功就有現身，之後她更於社交網上載一家四口的開心合照，因而傳出兩人複合的消息。但據知他們並無複合，而據洗米嫂身邊人透露，Heidi好享受目前的生活，與洗米華關係反而變得舒服咗，大家好似朋友般看待，最緊要她不需要再理會洗米華同邊個一齊，而同對方保持良好關係亦都是為了小朋友著想。

對於被問到與洗米華複合，洗米嫂回覆：「我一直當佢系屋企人，依家生活好開心，其他冇回應。」顯然與洗米華還未和好。而另邊廂，有傳洗米華為了安撫身在英國的Mandy，送豪宅兼送幾億生活費，實行叫女友留在英國，避免返港刺激到洗米嫂，向Mandy Lieu的經理人求證此事，經理人回覆：「唔知道，冇同Mandy聯絡好耐，唔清楚，你要問番佢。」

為生B乜都肯制　杜汶澤努力戒酒做準備

杜汶澤近年因敏感言論和網友對罵而遭封殺，令工作量大幅下跌，早前阿澤被拍得飲至酩酊大醉，離開時由四名大漢抬上車，事後阿田即寸爆要送解酒丸給老公。自此阿澤減少出外應酬，盡量戒酒以免激怒愛妻，並將工作搬回家中處理，終於打動阿田為他生B，兩公婆更到日本旅行乘機造人。

昨日阿澤又在微博上載拍攝飲食節目花絮，心情大好的他面對兩籠燒賣，搞鬼地留言：「知忍（豬潤）燒賣，同埋燒賣。」

努力有回報　鄭欣宜獲賞識拍電影

歌手鄭欣宜去年成績很好，講到今年工作大計，她表示稍後會到上海拍戲：「系個資深演員做導演，佢上年年尾親自約我出嚟食飯，原來喺我初初入行時佢已經有留意我，我嗰陣系做啲好小嘅嘢佢都留意到，仲記到依家，所以搵我，我好感動，亦話畀我聽，我哋做嘅每一樣嘢千祈唔好以為冇人睇到，有心做嘅一定會有人留意，可能會喺你唔知幾時先會有回報。而我嚟緊都會造歌，依家造

緊兩首歌。」

（擔心拍劇拍戲會分薄唱歌時間？）會，其實我哋其中一首歌系由上年12月開始想錄，但一直未有時間齊人去做，但唔緊要嘅，系你就系你架啦，未系嘅時候點勉強都冇用。（驚食唔住上年個勢？）唔使心急嘅，自己唔系懶惰就得。

暗戀十幾年　鄭世豪巴士出招抱得美人歸

歌手鄭世豪接受電台訪問時，分享他與太太的故事：「我同佢認識咗20年有多，我哋住同一個公屋屋苑嘅同一層。讀中學嘅時候，返學出去撳咁啱佢走出嚟，我先知原來有個女同學幾靚，呢樣嘢我好記得，但細個點會咁叻識得追求？只會默默喜歡。」

直至3、4年前，二人於巴士上重遇，世豪就鼓起勇氣問：「我哋系街坊，你認唔認得我？」由此開始他們的愛情故事。他透過自己的歌曲《逐格回味》鼓勵大家向心儀對象表白：「你去嘗試就有50%成功，如果唔嘗試，得零?咋，只可以變成傷心嘅回味。如果有問到，就可能變成開心嘅回味，希望大家努力啲、放膽啲問嚇。」

他很感激太太一直的支持，又大讚對方旺夫：「13年6月我喺巴士上面求婚，想重現我喺巴士再遇到佢嘅一幕，之後就有《星夢傳奇》，令我開展人生新嘅一頁。」他答應太太會努力工作，令她成為少奶奶，日後可以專心照顧BB。

陳敏之有仔萬事足　返工拍劇輕鬆為上

陳敏之於上年「冬至」誕下兒子雷子樂，提到她在播映中的新劇《親親我好媽》中，飾演名校教師，更是單親媽媽，拍此劇尾聲時，敏之才發現自己剛懷孕。她接受專訪時謂：「嗰陣系有計劃生BB，但冇話好勤力，就喺拍呢個劇臨尾個月知道自己有咗，真系緣份嚟！不過嗰陣未夠三個月，又唔同人講得，唯有自己小心啲。」

說到拍劇要捱更抵夜，老公當時是否很擔心、緊張時，她謂：「佢都唔系好識處理，頭三個月自己都好緊張，驚佗唔穩，之後自己就好輕鬆，到依家做咗人媽媽，湊住一個初生嬰兒，真系好有難度。」敏之向來是緊張大師，湊自己的骨肉當然親力親為，她笑言：「媽咪都成日幫我，畀時間我休息，老公就負責夜更，換片、餵奶一腳踢，佢算有耐性，比我想像中表現好，佢都好錫個仔，個仔唔單止系我情人，仲系我老公個情人。」

敏之即將開拍監製劉家豪的新劇《溏心風暴3》，更要一拍便拍至七月，問敏之會否不捨得經常離開兒子時，她謂：「呢套劇系剛剛懷孕時家豪哥mark咗我個期，我都好想拍家豪哥嘅劇，（有否要求拍劇時間？）冇乜，只系惆悵點樣Pump奶，身體方面我覺得仲比以前強壯，補咗身好潤，之後都會去做機修身，因為生完暫時都未可以做劇烈運動，不過而家胸同PatPat都大咗，都唔想減，好開心。」敏之坦言拍完《溏3》後，就會停一停拍劇，專心湊仔，她謂：「做啲輕鬆啲嘅工作，時間唔太長嘅，司儀都OK，總之乜都個仔行先。」