罕有談小三關之琳霸氣：我冇主動就行張繼聰畀索女圍爽過做韋小寶

娛樂 02-25

每日歌曲

今日快報

孖住離巢！小方鄧麗欣「分手」劃清界線

方力申與鄧麗欣當年由黃柏高一手力捧並打造成熒幕情侶，促成兩人戲假情真，可惜去年3月突然宣布10年情玩完。分手一年後，兩人竟再度「分開」！

據知，兩人與黃柏高主理的太陽娛樂約滿，同樣決定不續約離開，由同事變情侶再變回同事，如今關係更告一段落，劃清界線！盛傳Stephy不續約是不想與舊愛小方再有任何瓜葛，盡量避免在公司碰頭，但有指兩人同樣希望有更大自由度，以及有機會作多方面發展，Stephy更一直獲幾間經理人公司斟過檔，而她仍在考慮中。

提到與小方再次巧合地「分開」，她坦言：「小方同我個約系差唔多時間，佢滿約我都知道，喺同事口中亦知道佢唔續約。」至於小方亦知道Stephy約滿離巢，又說：「雖然同柏高嘅公司約滿咗，但我同柏高、Alex（公司老闆）以及班同事關仲系好好，我嘅工作排到5月。」問到未來動向？他表示暫時未有任何決定。

女友唔喺身邊　林峯迷失中環

林峯與女友吳千語相戀四年以來一直愛得痴纏，並不時傳出婚訊，他早前撇下女友往內地拍劇，千語惟有不時找來形象指導好友馬天佑作伴。不過林峯近日難得回港，卻未有與女友爭取時間拍拖二人世界，日前下午四時許，見他獨自現身中環，當日戴上冷帽及口罩的他，一臉迷茫站於該處街邊頭嶽嶽，之後又拿出手機左撳右撳似在搵路，迷路的他於過馬路時發現記者在場，更向鏡頭手指指示意，之後便匆匆步入了附近的大廈。

包場撐霆鋒　泳兒孖粉絲整狗仔Cup Cake

歌手泳兒在尖沙咀一間戲院包場與粉絲舉行見面活動，與在場近半百粉絲互動大玩遊戲，一齊製作給予狗仔食用的Cup Cake，蛋糕形狀更以哥基外形為參考，圖案非常精美可愛，泳兒更將自己收藏在家中多年的CD簽名送贈予粉絲，活動後更一起欣賞師兄謝霆鋒主演的電影《決戰食神》，現場氣氛熱鬧。

泳兒表示每次與粉絲聚會均十分難忘，她說：「我啱啱先喺歐洲放假返嚟，依家仲適應緊時差，但今日好開心見到咁多位粉絲嚟到現場，更別出心裁製作狗仔形狀嘅Cup Cake，可能大家都知道我屋企有一隻好得意嘅哥基犬叫『辣妹』，所以見到大家成功整到好多好似『辣妹』嘅糖偶蛋糕出來，真系好開心。」

張繼聰畀索女圍　爽過做韋小寶

藝人張繼聰於無線新劇《誇世代》內除與「正印」邵美琪發展感情外，更周旋於「尚家七姐妹」包括龔嘉欣、庄思敏、譚凱琪、鄧佩儀及李佳芯等幾位靚女之間，可謂艷福無邊，難怪今午開鏡拜神儀式上，阿聰笑指自己似足韋小寶！問他今次可要「剝衫」，他說﹕「今次唔使，但要練大隻，起碼要增十磅，搞到啲登台衫要改，畀啲同事投訴囉。我諗我都脫離唔到艷星行列喇，個Body長期都有用。（老婆生仔攞咗假？）有配合喇！」

對於拍檔阿聰自誇似足韋小寶，龔嘉欣接受電話訪問笑謂﹕「佢話乜咪乜囉，最緊要佢開心啫。其實我都要周旋喺佢、胡鴻鈞同森美當中。我同監製提議畀多啲對手戲我同阿聰，同佢合作好過到戲癮，而森美就系我啱啱入行時，大家喺電影內扮演過男、女朋友，咁多年之後見番，感覺好得意。（同阿聰有親熱戲？）有浪漫場面，其他未知，不過我諗3個（男拍檔）點都中1個，而我唔介意拍親熱戲嘅。」

苟芸慧「愛的呼喚」　陸漢洋貼心接送