有線電視玩完？曾開創亞洲首個24小時新聞頻道，捧紅多個主播，如今都成歷史！

香港有線電視（前稱九倉有線電視）於1993年成立，至今已經營23年，有十多個頻道，是香港最多觀眾收看的收費電視平台，除收費電視外，還有上網寬頻業務，公司員工約二千多名，原本以為即將啟播的免費電視台奇妙電視，能為有線寬頻帶來新的收益，豈料現時有線和奇妙電視雙雙都可能不保！

據悉如今有線告急，有線收費電視有機會最快於今年5月底結束。公司前景未明，九倉主席吳天海都表示：「依家冇時間表，冇既定終點，可能到最後咩唔做，冇更多消息同大家講。」

吳天海本人亦答不上公司前境，何況員工。有線旗下員工繼續如常開工，今晚中環交易廣場將舉行大陸藝術家任哲雕塑展揭幕禮，近日因為捐錢予「敬言仁」基金而大出風頭的向華強夫婦都有出席，故有線派出兩隊crew來採訪。對於有線前景，拍攝隊拒絕受訪，稱公司已下令封嘴，「因為未知確實情況。」

有線電視18周年

對於九倉考慮終止有線收費電視業務，前台柱陳貝兒回應傳媒：「如果系真嘅就真系好可惜，有線系我第一間服務嘅電視台、有好多回憶。」

昔日王牌節目《怪談》《肥媽私房菜》

曾經系有線中流砥柱嘅司徒法正，2001年加入有線主持電視節目《怪談》，結果節目大受歡迎，成為有線王牌節目。

司徒法正

雖然有線電視早期唔系免費電視，論收視點都唔及免費台咁高，但系歷年嚟推出過唔少充滿話題嘅節目，當中必數靈異節目《怪談》。

《怪談》系有線娛樂台長壽直播靈異節目，於1996年首播，播到2010年暫停過，後來喺2011年8月復播，至前年年底再停播。節目主持人換過11代，包括初代嘅雷宇揚，後來仲有施明、梁思浩、余思敏、張學潤（Nel Nel）、雲海同關寶慧等，人才濟濟。

節目中有熱線畀觀眾phone in，直接同主持及嘉賓對話，講述靈異經歷等，直接互動。後來節目革新，每集邀請一名玄學嘉賓為觀眾分析，或解答對方疑問，當時常任嘉賓有司徒法正、林千博等。另外，於06年至09年播出嘅《不思議手記》環節，由有線派拍攝隊到亞洲各國探究靈異事件，分別到過台日泰等地。

對於今日有消息指有線電視因有可能搵唔到買家注資，而要喺5月尾結束營運，司徒法正接受訪問時，指自己一直有留意新聞，更指有線系自己嘅發跡地，所以知道有線有機會面臨倒閉，都覺得好可惜。

司徒法正仲講：「真系覺得好可惜，始終系因為喺有線做《怪談》，我先多人識，所以對有線一直有情意結，我都做咗成13年，算系有線半個老臣子，雖然入面啲人o依家都轉曬，但我都好唔捨得，希望佢哋可以喺呢段時間搵到新買家啦，始終都仲有好多人想睇。」

除咗《怪談》，有線娛樂台另一王牌節目為《肥媽私房菜》，由肥媽Maria Cordero主持，長達7年，亦奠定咗肥媽「廚神」形象，令佢喺其他電視台都繼續以教人煮餸搵食。

首條24小時娛樂新聞台 捧紅6號黃翠如

除了王牌節目，最可惜的還是新聞部。

當初，有線電視推出全亞洲首個24小時報道娛樂新聞電視頻道有線娛樂新聞台，系全球首條以中文播放嘅同類頻道，啟播典禮當日，搵到成龍、吳君如等紅星撐場，星光及得上大型電影頒獎禮。

娛樂新聞台亦捧紅咗主播，包括陸浩明（6號）、陳貝兒、黃翠如、區永權、梁嘉琪、衛志豪同李潤庭等，而鄭中基太太余思敏亦系有線娛樂台主播出身，當中有唔少人現時仲有喺娛樂圈發展，亦有人已經「蟬過別枝」，過檔去其他電視台或媒體發展。

曾任有線電視高層，當年一手創辦有線娛樂台及24小時播娛樂新聞的徐小明，今日接受訪問，得知有線電視前景告急之後，直言傷感，他稱：「當年負責衛星台、到新姿台，之後就系香港嘅娛樂、電影等頻道，大家都好勇猛，得到觀眾認同。今日聽到呢個消息，喺我感情嚟講系遺憾。」

徐小明表示，現身在外地，返港後會聯絡舊同事，了解最新情況，兼為他們打氣。「暫時都未知有乜嘢可以幫到佢哋，首先都系安慰大家情緒先。」

徐小明

徐小明系2003年加入有線電視，幾年間業績都有盈餘。對於香港電視業近年面對困境，有亞視倒閉，如果有線再交出收費電視頻道牌照，徐小明認為系對電視業界系一個打擊，亦覺得政府應該喺呢方面多加支持。

至於有線娛樂執行董事曾展章則拒絕受訪，表示一切由公關部回應。

黃金年代真是一去不復返

?轉載授權微信：lama129

? 商務QQ：1900556960

?投稿郵箱：tghkchannel@163.com

推薦幾款又污又好玩的小遊戲給大家

無需下載

點擊「HKChannel」菜單欄就能玩！

Mr.H每天也偷偷的在玩哦！

2017讓我們一起闖關吧！

↓↓↓戳閱讀原文無需下載，點擊即玩更多好玩的遊戲！

喜歡這篇文章嗎？立刻分享出去讓更多人知道吧！