撞車後首現身！余香凝：捽鼻有嘞嘞聲成龍搵奧斯卡團隊幫手，特訓新進電影人

娛樂 03-30

今日快報

成龍搵奧斯卡團隊幫手　特訓新進電影人

影壇大哥成龍一向喜歡提攜新一代，以他為首的「成龍電影A計劃」新進電影人實戰特訓營第二期，近日已展開招募行動，準備於全國招募甄選100位電影人，於下月18日至22日在北京展開為期5天的實戰特訓課程，過程間更會與奧斯卡團隊有互動環節，了解荷里活導演的拍攝技巧，屆時還會請來內地著名編劇分享經驗。

點認到你呀？舒淇包到冚現身中環

藝人舒淇去年九月下嫁導演馮德倫後，雖然多次傳出懷孕，但早前馮德倫已代妻否認有喜。而身為人妻的舒淇經常與老公分隔兩地，日前老公又不在港，舒淇惟有相約友人作伴，齊齊前往中環晚膳。當晚大約七時，舒淇由司機接載下乘七人車前往中環，全身包到冚的她，除身穿大褸外，更戴上鴨舌帽和口罩，見她下車後即會合早已在附近等待的友人，急急腳步入該處食肆，逗留約兩小時才離開。

撞車後首現身　余香凝：捽鼻有嘞嘞聲

有份入圍今屆金像獎最佳新演員的余香凝（Jennifer）於本月13日晚上在吐露港公路發生嚴重車禍，面部受傷鼻骨爆裂，經過多日休養後，Jennifer昨晚到旺角出席化妝品活動，是她受傷後首度見人，見Jennifer化妝後明艷照人精神甚佳，臉上疤痕不明顯，康復進度理想。

講到現時傷勢，Jennifer說：「好好彩，皮膚表面傷勢已經好番，但右邊面頰，仲好似有胭脂咁紅咗一撻，依家生緊啲新皮膚，醫生嚇我叫我唔好曬，否則就深色過胎記！我個鼻骨之前裂咗，最衰我有個壞習慣會捽鼻，有時唔記得都會輕輕力捽一下，自己就會聽到『嘞嘞』聲！（痛唔痛？）仲有少少痛！（有冇歪到？）應該冇啩！（之後仲使唔使微調或者做小手術？）應該唔使，但就要好好保護佢，唔好再大力撞到。（幾耐先好番？）醫生話六星期至兩個月，原本下月頭要玩個障礙賽，都唔去喇！（對工作有冇影響？）少少，但啲客戶好好，話遲啲再做番。」

Jennifer透露這次的工作是意外後才接洽，因公司覺得她能夠應付，她又透露男友陳家樂在這段期間不停施冧功，最感動是家樂煲有去瘀功效的中藥給她飲：「佢擔心我有內傷，啲葯苦，但系甜嘅。（佢話照顧你一世！）好冧！（嫁得過喇喎！）哎呀！唔諗呢啲住，但大家系認真嘅，工作先，依家最驚塊面打燈會一撻撻，醫生話可能要做laser。」

張栢芝陪Lucas挑戰高空繩索

女星張栢芝為了湊仔推掉很多工作，近日她又被網民「捕獲」帶囝囝出外遊玩，享受天倫之樂！相中所見，栢芝以便服上陣，戴上墨鏡曬素顏，但依然星味十足。期間，她陪同大仔Lucas挑戰高空繩索，帶上保護裝備的Lucas表現膽大心細，未有教練的陪同下亦成功完成挑戰，而緊隨的栢芝全程微笑注視，為愛兒感到驕傲。

首次開騷場地　古巨基唔捨得大學會堂拆

歌手古巨基早前在浸會大學會堂舉行向張國榮致敬音樂會，對於這個曾是巨星張國榮、梅艷芳、鄧麗君及殿堂級樂隊Beyond舉行音樂會的場館面臨重建，他和無線娛樂新聞台主持王鎮泉重遊大學會堂時說：「我94年啱啱出道時，就喺呢度開第一個音樂會，所以對呢度感情好深，如果真系要拆會覺得好可惜，因為一個咁有歷史性、咁多回憶嘅地方，可以保留就最好啦。」