趙哲妤抱女返港 經手人人間蒸發

趙哲妤抱女返港 經手人人間蒸發

前中國小姐趙哲妤（Uny）去年未婚懷孕，去年底飛到馬來西亞工作期間突然作動於當地誕下女嬰。昨日她由好友筱靖陪同返港，據知B女出世後經手人就如人間蒸發，Uny一直未能聯絡對方，難怪她揚言要母兼父職，不放BB爸爸在眼內；外表看似瀟洒，卻是有苦自己知！

趙哲妤去年聖誕前到馬來西亞工作期間，在當地突然早產誕下只有4磅多的女嬰Natalie，並於當地坐月及休養，闊別兩個半月，現時BB已重約11磅，她才安心帶女兒回港。

出生文件缺父名

昨日Uny抱著女兒由馬來西亞返港，好友筱靖專程飛往當地接兩母女回來，同行還有作曲人張佳添，但BB經手人完全冇影。Uny曾透露多年來只有一個男友，是做金融的生意人，十分低調，因此她不敢多提BB的經手人。一直表現瀟洒、完全不介意母兼父職的Uny，原來有苦自己知，據知她臨盆至今一直未能與對方聯絡上，經手人恍如人間蒸發，對Uny與BB的事不聞不問，更遑論到馬來西亞探望母女，故Uny無奈之下，BB的出生文件上亦沒有填寫爸爸的數據。

昨午2時許，抱著囡囡的Uny流露一臉母愛出閘，身旁的筱靖則幫忙拿著BB衫及一些隨身用品。Uny說：「我會同囡囡定居香港，趕住返嚟見婆婆。（BB第一次搭飛機有冇問題？）佢好乖，我準備曬奶同奶嘴，但佢全程瞓覺唔使用。」談及榮升人母的感受？她笑說：「依家佢系我工作嘅原動力，不過我生B之前好努力工作，依家想留多啲時間陪囡囡成長。（BB見咗爸爸未？）我就系BB嘅爸爸同媽咪。」Uny明顯收身成功，她謂因喂母乳，自然有S形身材，希望能喂一年。問到囡囡的中文名及跟誰姓？她只說：「秘密。」

不排除再生

至於逗留在馬來西亞的感受？Uny眼泛淚光說：「我由一個朋友都冇，到依家有二十幾個，月子中心啲人好好，頭先都系流住淚送我，好感動！」她又笑說：「有時明明好飽都會食曬啲嘢，因為想身體強壯啲，將最好嘅畀囡囡。（想唔想搵個另一半照顧你哋？）依家唔諗呢啲，只要BB開心健康就得。」問到會否再生？她說：「將來遇到合適嘅人都會，想BB有個細佬妹。」又指女兒是最美麗的一份「意外」禮物。問到會否擺百日宴？她謂仍未決定，但一班朋友就很鼓勵表示要慶祝。

當問到BB爸爸是否有幫手撫養或有否探望時？Uny一概不答，只說：「我系母兼父職，BB爸爸系點唔系重點，我唔放在眼內，最重要唔好影響我心肝寶貝嘅成長，前面嘅路好長，我會令佢好幸福。」

喜歡這篇文章嗎？立刻分享出去讓更多人知道吧！