96歲母親入院！周潤發話冇事：循例檢查霆鋒想喺香港開騷

娛樂 04-23

今日快報

捉錯用神！馬浚偉以為周秀娜對佢放電

藝人馬浚偉近日忙於拍攝無線新劇《宮心計2深宮計》，因為要黐頭套關係，天生髮線較密的他，自行將側額兩邊頭髮剃掉少許，以免「穿崩」，搞到平日穿回時裝便要戴帽作遮掩﹕「如果冇gel頭嘅話，都系要笠返頂帽先冇咁奇怪，呢兩日我都買多咗兩頂帽，當系奬勵嚇自己啰。」

今次拍劇能夠與舊雨新知如蕭正楠、馬國明及周秀娜等打成一片，馬浚偉揚言合作相當愉快，且謂﹕「大家都會自動自覺『萬歲』，好似胡定欣會請食消夜、劉心悠會請大家食餅乾咁，如果唔做運動嘅話，我分分鐘變肥仔。我畀周秀娜笑死，事關有場戲講佢電我嘅，佢一『出手』全場尖叫，導演仲話收貨，點知佢話﹕『咩呀？頭先我對眼乾得滯，我眨眼咋喎。』呢個女仔真系好可愛。」

冇個大場點「反」？霆鋒想喺香港開騷

藝人謝霆鋒昨日現身機場，戴上黑超的他透露剛從北京工作回來，問到可會趁復活節與兩個兒子慶祝？他謂：「過幾日啦！其實我唔系咁慶祝復活節嘅人（你條彈結他片，最尾用腳熄mon好多網友畀like!）用唔用腳趾呢樣嘢，我主要系唔想個結他掂到地下（網友同時話你由頭chok到尾呢！）佢哋鍾意乜就乜，我系唔想個咁罕有嘅結他碰到地下。」

對於開演唱會的計劃，霆鋒承諾會儘快，問到是否在港開騷？他謂：「未諗，我冇話唔想開，只系近年好多其他嘢做，同埋想搵個地方大家玩得開心啲，香港有個大球場又唔用，就不如喺嗰度啦！（抽唔到時間？）每個階段都有唔同嘢做！」

96歲母親入院！周潤發話冇事：循例檢查

國際影星周潤發於昨日下午一時五十分步出養和醫院，戴上黑超及Cap帽的他以一身行山Look現身。問探望誰？他說：「媽咪（冇事嗎？）冇事，循例身體檢查。（之後去行山？）咁熱，唔行啦，今朝行咗喇！」及後周潤發友善地向記者道別，然後往停車場取車。

此時，一對剛誕下初新嬰兒的夫婦認出周潤發，第一時間要求selfie，在醫院被捕獲的周潤發以一貫親民作風，手拿相機自拍了多張照片，還對著初生嬰兒說「小春雞」，冧爆！

據悉，發媽陳麗芳已經96歲，一向身體很好，說話依然鏗鏘有力。周潤發是出名孝順仔，早前他接受訪問時曾表白：「媽咪生你系佢最危險嘅時候，其實你生日系應該同媽咪去慶祝，唔應該你慶祝，幸運地你媽咪生咗你而佢冇死到，你應該同媽咪分享，唔應該媽咪拎個蛋糕叫你吹蠟燭，應該系你感謝媽咪，多謝你咁辛苦生咗我！」

古天樂自

爆拍戲為只貓用盡片酬

藝人古天樂主演，陳木勝導演的合家歡電影在北京舉行發布會，戲中演員古天樂、劉楚恬、黃星羱及陳木勝與「犀犀利」等，現身布置成「喵星人」主題樂園的場地，與媒體見面，場面溫馨又有趣。

陳木勝與古天樂第六次合作，他直言製作費絕大部分都不是去了古仔口袋，他說：「記得與古仔合作時，他跟我說：「你可以拍喜劇！」，我也覺得平時很Cool的古仔，骨子裡也充滿笑料，是喜劇演員的材料！但這部戲的錢都花在喵星人『犀犀利』身上，『犀犀利』這樣可愛，背後代價很大！一共動用了三家最好的特效公司，1000多個特效鏡頭，花了很多錢來製作！但『喵』超所值，因為這隻喵星人，一點也不麻煩，它會帶給大家很多歡樂！

『犀犀利』原本是位身材很好的『喵星人戰士』，只不過最後變得很胖。」古仔聞言搞笑的搶著說：「因為要照顧那麼大一隻貓，我所有的錢都給它買吃的了，結果吃到它這麼胖。」

太可惜！鄧健泓簽新公司同女友分道揚鑣

藝人鄧健泓去年初約滿無線後，近日正式落實加盟蕭定一公司。原本新人事新展望，不過他卻婉拒公司舉行加盟記者會﹕「我份人比較低調，同埋覺得應該辦咗實事先，做到嘢出嚟先同大家講會好啲啰。」問到日後是否與女友石詠莉攞正牌合作，他即答﹕「咁又錯喇，事關佢已經約滿咗，嚟緊要加盟一間大型唱片公司，我哋繼續分道揚鑣。（簽新公司有咩願望？）都系想日後工作順順利利，作為藝人點都有間公司配合嚇好啲嘅，況且阿一好好，佢答應咗以後喺我project製作上嘅事情，會盡量支持。」談到他與女友的婚事令人等到頸長，他坦言﹕「多謝大家關心，（結婚）點都會系今年內嘅事，有新消息一定會公布嘅，唔會忍瞞。」

童年照勁可愛！蘇韻姿自認系管家婆

應屆香港小姐蘇韻姿在無線處境劇《愛．回家之開心速遞》中飾演劉丹細女「紅衫魚」，現實中的她卻是家姐，有個比她細一歲的弟弟。在多倫多長大的她與弟弟感情要好，小時候因媽媽經常為他們襯衫出街，不時被誤為龍鳳胎。

蘇韻姿在家中是個「霸氣」姐姐，細路仔自己當大人，她笑說：「聽媽咪講，我兩、三歲已經好鍾意扮大人，見父母做咩就有樣學樣，見爸爸睇報紙食早餐，又學一餐，但就掉轉咗份報紙嚟睇啰！」

年幼蘇韻姿以為自己已長大，當弟弟是她的BB去照顧，就算媽媽喂完弟弟食奶，她也去廚房攞奶樽喂弟弟，令媽媽笑個不停。蘇韻姿說：「有次去高級酒店食飯，媽咪同我哋講去到要乖，我就當咗自己系大人，好惡話細佬，叫佢記得唔好嘈、唔好失禮我。嗰陣我其實得三歲咋，可能系由細到大對屋企嘅責任感好重，媽咪就笑我成個管家婆咁！」