七月結婚？王君馨自曝已簽字！ 仔仔娶老婆 薛家燕豪送二千萬豪宅

今日快報

仔仔娶老婆！薛家燕豪送二千萬豪宅

藝人薛家燕榮升奶奶，其30歲兒子石耀庭（Jackson）前晚在九龍灣國際展貿中心為女友Zoe炮製驚喜，將演唱會綵排改造成求婚騷，成功感動女友首肯答應求婚。薛家燕在現場直擊求婚過程，透露自己亦睇得眼濕濕。眼見二人將成家立室，身為媽咪的家燕姐相當大手筆，準備厚禮送上市值2千萬單位，供二人組織家庭，快快造人抱孫，她笑說：「我會將手上其中一個半山物業送畀佢哋，等佢哋安居樂業。」

適逢《世紀好歌金曲演唱會2》在九龍灣舉行，薛家燕與有份演出的圈中好友青山、張帝、森森、斑斑，以及做嘉賓的徐小鳳下午齊齊飯聚，一班前輩知道「世侄」求婚成功，都戥薛家燕開心。

講到家燕姐正物色能夠擺上百圍的婚宴場地，一班老友記出計提議在同一場地（九展）舉行婚宴，並自薦做表演嘉賓，免收歌酬當給世侄做賀禮，等於送上達2百萬禮金！一班好友盛情難卻，令薛家燕相然開心，笑言希望能儘快定好大日子，與好友分享喜悅！

許志安買外賣返歸「喂」妻

歌手許志安（安仔）最近雖然忙於籌備國語歌，但身為「愛妻號」的他，日前晚上仍化身外賣仔買晚餐予老婆。當晚約八時許，安仔獨自驅車前往大坑，下車後急急腳步往附近茶餐廳買外賣，見他落單後隨即返回車上等待，當發現記者在場時，安仔笑笑口揮手打招呼，等了約十多分鐘後店員便拿外賣給他，安仔即匆匆驅車走人返歸餵飽老婆。

張頴康復活節帶女碌齡享天倫樂

藝人張頴康同太太麥雅緻生咗個可愛囡囡小豆，佢哋兩公婆一有時間就會陪個女周圍去玩。呢日趁住復活節假期，張氏夫婦就帶埋小豆、林奕匡同未婚妻Rikko等人去咗碌保齡球，張頴康仲留言話：「復活節假期，和朋友聚會，小豆第一次打保齡！好開心！」

睇相見到小豆著住件黑色T-Shirt，件T-Shirt背面仲寫住：「阿公超愛我」，真系好得意!不過可能小豆仲系細嘅關係，見唔到佢親自「碌齡」，只系企喺度觀戰，不過見佢哋大合照時，小豆笑到眯曬眼，仲舉曬V咁，就知佢呢個假期玩得好開心啦！

挨住嗰位系？朱韻韻露線頭網民嗌Sexy

模特兒朱韻韻（Angel）曾被指與余文樂拍拖，不過自從樂仔與王棠雲公開戀情後，Angel就終於可以擺脫嫌疑，樂得清閑！

Angel近日就趁天氣好去野餐，當然唔少得甫番幾張靚相派福利益嚇粉絲，Angel著住弔帶衫悠閑瞓喺草地，打出一截心口微露線頭唔少網民都話好SEXY，不過有眼利嘅網民就話，Angel挨住個位可能系男士，唔知Angel系咪想暗示佢拍緊拖？

七月結婚？王君馨自爆已簽字！

藝人王君馨於中午時分現身機場，她透露剛從馬來西亞返港，出席其第四間分店開張儀式及檳城時裝周。

對於姊妹苟芸慧踢爆她將於今年夏天結婚，君馨則扮傻謂：「夏天幾好，依家仲諗緊，book緊地方，都驚啲人見到咁熱會鬧我。（姊妹團著泳衣？）你哋想囉！如果我著嘅話，爸爸同未婚夫都會唔系咁開心，到時會喺兩地搞，依家都籌備得幾好，就嚟決定到地方。」

王君馨表示香港場地預計要容納到400人，故在揀場地方面也相當頭痕：「今年入行10年，有好多想多謝嘅人，因為佢哋喺唔同階段幫咗我好多，所以好想邀請佢哋一齊慶祝。」

問到苟芸慧指的夏天會是七月還是八月？君馨終忍不住漏口風：「八月會唔會好熱？你哋到時會唔會著泳衣嚟？外地嗰個婚宴應該會系細型嘅私人派對，所以要準備得充足啲。（美國再搞婚宴？）諗緊，未必系三地，個budget容納唔到。（依家同未婚夫一齊住？）佢依家住緊第二個地方，到結婚後先至一齊住。」

現場所見未見君馨她戴上婚戒，她自言大頭蝦怕整唔見，故暫擺放家中，更謂：「我簽咗字啦，依家爭行禮同擺酒。」

恭喜恭喜！

?轉載授權微信：lama129

? 商務QQ：1900556960

?投稿郵箱：tghkchannel@163.com

喜歡這篇文章嗎？立刻分享出去讓更多人知道吧！