林峯吳千語戀情告急？ 7.2結婚！陳柏宇爆符曉薇造人要計星座

娛樂 04-27

今日快報

7.2結婚！陳柏宇爆符曉薇造人要計星座

歌手陳柏宇出席護膚品活動，他透露7月2日結婚，現在不緊張：「視對方為終身伴侶，而且系對下一代嘅交代。（系咪有好消息？）暫時未有。（系咪造人？）有傾過，有諗住結婚都未見肚，但after party又冇得玩，度蜜月又會嘔，而且佢（未婚妻符曉薇Leanne）要計星座。我覺得最緊要健康。」他直言婚後不設防造人。

當林峯冇到！千語同猛男拖手：冇咩特別

最近甚少在港蒲頭的藝人林峯經常身處內地，以前同女友吳千語十足黐頭芒的他，因為拍劇關係，在這段時間甚少陪伴女友。不過千語BB亦不愁寂寞，日前她被影到背住男友跟其他男士約會，身邊還有位高大的猛男黐住，原來兩人孖住在蘭桂坊夜蒲。

當兩人轉場行落樓梯時，對方還拖住千語BB手仔。事後東網聯絡到吳千語，她回應指：「朋友gentleman扶一扶，冇咩特別！（同林峯依家嘅關係點？）一切正常，多謝關心。」

曾守明猝死台上片段曝光

藝人曾守明日前在廣州登台期間，突然暈倒失去知覺，經搶救後證實不治，終年58歲。近日有讀者向媒體提供一條片段，拍到曾守明在登台時突然暈倒的一刻，片段中見到曾守明唱歌期間，突然身體乏力放軟有點左右搖晃，然後身體向前傾，隨即倒地失去知覺，現場人士均感到相當愕然。

張達倫自爆老婆大肚　群星拍片賀有喜

憑無線處境劇《愛．回家》中「嚴謹」一角成功入屋嘅張達倫，去年六月與太太陳鳳玲舉行婚禮，當時已經開口１話想儘快造個人仔，不過最後都系畀老友兄弟黎諾懿爬頭做咗老竇先，不過，今日張達倫都狼好消息宣布啵，就系佢都成功追B喇！！

今日佢就喺社交網上載咗條短片，片中一開頭就系張達倫圈中多位好友系咁恭喜佢，當中有楊明、庄思明、黎諾懿、徐榮、高海寧等，之後張達倫就Cut咗去超聲波畫面，再肉緊宣布佢終於做老竇喇：「系呀！我就嚟做爸爸喇！多謝大家嘅支持，唔使再擔心我喇！雖然大家到今時今日都仲催緊我生BB咁，依家9使催啦！性別呢樣嘢就賣住關子先啦！」

之後佢抵死地話唔知到時系佢嘅BB同「小春雞」（黎諾懿囝囝）爭「包包」（徐榮），定系佢BB同包包爭小春雞，仲問埋黎諾懿同徐榮意見，呢個准爸爸真系大唔透！

落力宣傳！宣萱望新劇有25點收視

藝人宣萱出席有關預防乳癌活動，她指希望利用自己知名度去提高社會關注健康，而自己平時也有自我檢查，每年亦有做婦科檢查。而最近她忙為無線新劇《不懂撒嬌的女人》宣傳：「五年冇拍劇喇，所以會落力啲宣傳，系改革後第一部實境拍攝。（以前有冇試過通宵拍攝？）有，後生唔瞓兩三晚好少事，依家會好辛苦，樣都頂唔住，唔同以前，要錫嚇自己。」提到收視，她直言：「聽人講依家收視20幾，以前30幾系正常，40點系放煙花，都幾心酸。（希望有幾多點？）25點都開心喇。」

愛貓離世　張敬軒親自處理身後事

歌手張敬軒上年宣布加入「貓奴」行列，養有兩隻可愛嘅小貓咪。不過，昨日張敬軒突然喺社交網發文，稱其中一隻貓因染上傳染性腹膜炎而離世，心情悲痛嘅佢親自處理愛貓嘅身後事，並留言悼念愛貓：「手指從火爐電掣上按下的一刻，我崩潰了。這個步驟，真的要了我的命。今天，我懷著（著）萬般不舍爲我的這個女兒送別，她的乖巧，她的溫柔，她的高雅讓她成為我家的小公主。我會永永遠遠地挂念著（著）她。帶走她的，是#FIP #傳染性腹膜炎，但願獸醫學家早日能研發出治療該症的藥物，令更多貓兒獲得生還的機會 #再見natasha」