15歲沈月情竇初開撻著「吳亦凡」曾志偉遠東電影節獲終身成就獎

娛樂 04-29

今日快報

15歲沈月情竇初開撻著「吳亦凡」

邱淑貞現年15歲的仙氣女兒沈月，近年愈大愈靚，成為最索星二代，雖然沈月只得15歲，但人細鬼大，今日戴住口罩和Cap帽，相約目測5尺10吋貌似吳亦凡嘅混血靚仔男朋友於中環拍拖，其間被記者撞破，沈月和小男友嚇到於商場「雞飛狗走」，兩人疾奔避記者，跑上又跑落，當被問到媽咪知唔知拍拖，一臉驚慌的沈月隻字不答，和小男友走入戲院，火速由後門逃離，跳上的士走人。

14年冇拍戲　39歲發哥「仔仔」：過得好

出身自台灣嘅童星黃坤玄，曾經同過周潤發（發哥）合作拍電影《阿郎的故事》，飾演發哥嘅仔仔「波仔」、佢又同過劉松仁合作過電影《愛的世界》，由於當時佢個樣勁得意，令人留下深刻印象。唔經唔覺黃坤玄依家已經39歲，佢喺2014年嗰陣罕有咁喺社交網甫文話：「03年拍完電視劇《金劍鵰翎》後，演藝生涯也就基本到此結束了。」並表示感謝大家對佢一路嘅支持，及後黃坤玄都只系間唔中喺社交網更新近況。

直至前日，黃坤玄罕有喺社交網甫文留言話：「每次登上微博，總能看見大家給我許多的留言，令我剛到非常驚喜。謝謝你們，沒有忘記我。你們的每條信息，都讓我覺得如此溫馨。這些年來，我過得很好，希望你們也要健康快樂下去。心懷感恩！」有好多網民都表示好掛住佢呀。

曾志偉烏甸尼遠東電影節獲終身成就獎

表揚亞洲電影的19屆義大利烏甸尼遠東電影節將於明日閉幕，而繼日前中國名導演馮小剛獲頒終身成就金桑獎之後，曾志偉亦於義大利時間昨晚獲頒終身成就金桑獎，而身在匈牙利布達佩斯拍攝新片的他專誠飛抵領獎，曾志偉上台領獎時用英文表示想以廣東話致謝，因為可以表達心底說話。

他笑言年紀有點太輕獲得金桑獎，但仍感到榮幸，並且感謝烏甸尼遠東電影節與觀眾對香港電影的支持。獲獎後，現場亦播映他獲香港金像獎最佳男配角的《一念無明》。而出席前一晚，曾志偉亦有出席酒會並現場high爆唱K與友人一同唱《朋友》。

王卓淇爆同圈外男友分手：唔覺得可惜

前港姐王卓淇（Erin）卸任之後演出機會不斷，之前有份喺劇集《我瞞結婚了》做個恨嫁嘅女孩仔，同另一半何君誠積極儲錢搞婚禮。問到Erin自己同戲中似唔似？她說：「我諗都系同大家想有一個浪漫嘅婚禮，我會想喺一個小島舉行，劇入面嘅我系即使冇錢都想將個婚禮搞得好好睇睇，但如果現實嘅我呢，如果冇錢嘅會留番喺香港搞。（秘密結婚？）一定唔會，會話畀大家！」劇中嘅Erin帶點任性，不時蝦家姐同男朋友，不過Erin話同現實中嘅佢相反：「現實我系一個小女人，多數都系畀人恰多啲。」

近日Erin在另一劇集《全職沒女》中演出，劇接劇曝光率甚高！那感情狀況又如何？早前在社交網宣布已與圈外男友黃巨榮（Ken）分手的她坦言：「其實我哋屋企人介紹下咁去相體，屋企人好想我哋一齊，但我覺得啱系最緊要，所以冇再進一步發展，我哋都覺得唔可惜。（邊個講分手？）大家都有講，不過其實都唔算系拍拖，都系約會嚇，見面次數都唔系好多，因為佢喺大陸做生意，大家都冇咩時間了解。」

佢又話如果下次拍拖唔想再異地戀：「一定唔得啦，同埋我想幫佢（指前男友）澄清番佢只系一個創業嘅年輕人，並唔系傳聞中所講嘅富二代，有時我都覺得自己零用錢多過佢！」

陳佩華離世　陳百祥贊能幹望走得安詳