吳綺莉控訴成龍：佢話一毫子都唔會幫胡杏兒停工全力造人

娛樂 04-06

今日快報

「聶風」冇女埋身　謝天華夜蒲得個飲字

藝人謝天華近日忙於為《風雲5D音樂劇》綵排，在音樂劇中飾演聶風的他，自從兒子出生後，不時於社交網分享湊仔趣事，他更為了仔仔減少現身夜場，多留家中陪伴仔仔。日前深夜十二時許天華難得與一大班朋友往中環夜蒲，全男班聚會邊飲邊傾，席間天華心情甚好，不時開懷暢飲杯杯清，又和大家影相留念，玩足成晚完全冇女埋身。

吳綺莉控訴成龍：佢話一毫子都唔會幫

44歲的吳綺莉（Elaine）近日在香港涉刑事恐嚇17歲女兒吳卓林被捕，獲暫准保釋候查。事件發生後，吳卓林離家逾一星期，除了吳綺莉受訪時承認為了卓林的交友問題母女有衝突，吳卓林一直沒有回應事件，今日她終於在網上留言：「Leaving HK for a bit tmr～I "m Still alive for those who are wondering」，預告明天會離開香港，又向關心她的人說自己仍活著。

自從吳綺莉被捕後，連日來都有很多傳聞，昨日更有港媒報道指卓林同父異母哥哥房祖名出錢買豪宅給吳綺莉母女。吳綺莉今晚突然召開記者會，交代被捕事件並澄清有關報道。吳綺莉在好友翁靜晶陪同下開記者會，翁靜晶代吳綺莉鄭重澄清：「卓林從沒拿過生理父親一毫子，由她出生到現在都沒，希望大家給尊嚴兩母女。」

翁靜晶更爆料：「卓林由出世開始，沒拿過成龍一毫子。2015年出事（指卓林第一次報警告媽媽），當時吳綺莉沒事做，卓林學費都要一萬七，還有其他生活費雜費，

沒錢了。我們通過中間人問過成龍，對方說我任何一毫子都不會幫你。」

吳綺莉最初表現平靜，稱：「我家中發生了事，希望大家不要作無謂揣測，我做幕前，好多事放到好大，希望大家給點空間。」之後吳綺莉說自己壓力好大時更忍不住哭了：「我沒家人，我只有一個女。」

胡杏兒停工全力造人：暫時唔接長job

藝人胡杏兒出席時裝活動，透露活動後會出席好友陳敏之BB的百日宴，問她送甚麼禮物？她說：「都系利是，呢樣最實際。（咁你有好消息未？）努力中，最開心系套劇終於拍完可以休息，暫時長job唔會接住，努力造人。（復活節出埠？）都想出去，好耐冇去玩。（又影輯比堅尼相？）依家唔夠fit，唔敢keep得太瘦，因為要調理身體，真系肥咗幾磅。（要畀比堅尼？）留畀自己睇啰！（老公鍾意你肥啲定瘦啲？）我哋兩個一齊肥，佢話大家都結咗婚冇所謂。（做肥師奶？）咁又唔得，我要對工作客戶負責任，不過都希望儘快有好消息啦！（想生幾多個？）希望生多幾個，但自己年紀唔細，唔知會唔會好辛苦，都希望可以有大家庭！」

丟咗洪卓立新人獎　湯怡喊曬超內疚

歌手洪卓立到接受電台訪問時透露近日忙於搬屋，更自爆慘遭女友湯怡將其新人獎當垃圾拋到垃圾房，湯怡透過電話回應東網，坦言感內疚，期間一度講到嗚咽，她說：「一講起就想喊，超內疚同瞓唔著。」

問到為何如此大懵？湯怡說：「佢話啲嘢擺咗幾年冇郁過就唔要，我又冇細心拆開個箱嚟睇，當我知道就好緊張，喊住去垃圾房都搵，第二日再去搵，啲姐姐已經話車曬去堆田區。」問到拋了多少個獎座？湯怡表示不想再提，隨即自責說：「對佢嚟講好重要，唔知點彌補，內心知佢好唔開心，但唔想我唔開心，所以扮冇嘢，都系自己唔小心。」湯怡希望籍今次機會鞭策男友，她說：「令我個心好過啲，希望佢攞其他獎代替。」

鍾意小朋友　陳凱琳爆嘉穎好有Energy

藝人陳凱琳出席寵物活動，她透露家中也有養狗，由嫲嫲幫忙照顧，她說：「因為我工作時間太長，其實男友鄭嘉穎都好鍾意小動物，成日喺街見到都話想養，不過佢成日唔喺香港，狗仔系好需要人陪。」

提到嘉穎的舞台劇快將公演，她笑言男友已踏入正式綵排階段，並告訴她自己做自己事。問她會否打算養小動物而不生小朋友？她續說：「生小朋友同樣養動物可以平衡，有小動物仲可以令小朋友更加有愛心！（郭富城都結婚喎，你哋都系時候？）唔同人有唔同嘅時間，慢慢來，我哋兩方面都冇壓力。（唔擔心佢年紀大同BB有距離？）唔擔心，每個人都有自己Ready嘅時候，以前佢忙建立事業，依家仲未穩定。（會唔會冇精力？）唔會，佢好鍾意小朋友，喺街見到都會跟住啲小朋友玩。（系咪同你暗示？）唔會，我驚我唔喺度佢都跟住啲小朋友。（你證明佢精力充沛？）系呀，佢好有Energy。」記者問嘉穎是否仍然有心有力？她則笑而不答。

42歲郭羨妮去敏之囝囝百日宴：追多個OK