鄭俊弘拋棄未婚妻暗交何雁詩，「受害人」何雁詩否認系小三！

今年33歲的鄭俊弘（Fred），2002年參加訓練班入行後，一直在大台做閑角，直至13年在《星夢傳奇》勝出後，事業先開始有曙光。

一直予人乖仔形象嘅佢，人紅咗之後，緋聞亦接踵而嚟，先後傳過佢暗媾蔡思貝、王君馨、姜麗文，不過原來佢3年前已經收埋咗個富家女友Beebs，鄭俊弘仲在15年7月尾向女友求婚成功。

鄭俊弘與姜麗文

明明可以做乘龍快婿，點知今日有報道指鄭俊弘，兩個月前瞞住未婚妻Beebs，偷嗒何雁詩（Stephanie）。

據悉兩人去年10月，一同出埠拍攝旅遊節目《這個冬天不太冷》時，朝夕相對下擦出愛火，早前合拍劇集《我瞞結婚了》主題曲《真心真意》MV時，更愛得極為高調，頻頻當著工作人員面前打情罵俏，Fred亦全不避嫌，不時往Stephanie位於大埔的豪宅度春宵，更曾因為太過嘈吵而被鄰居投訴。

目前在橫店拍攝《天命》的Stephanie，早前因身體不適而辭演《誇世代》，但愛得痴纏的她近日則秘密回港。

日前她又趁機偷會男友，當日下午二時許Fred駕駛其銀色座駕，接載女友返回大埔寓所，表示身體不適的Stephanie竟一直於車內吞雲吐霧吸食電子煙，兩人及後於家中短聚四個多小時才離開。

不過今次則是由Stephanie駕駛其白色座駕接男友去附近的林村，溫馨過後的Fred，明顯一臉疲累，見他無里神氣兼眼腫腫，及後二人於路旁談情，Stephanie還甜甜笑以手指篤男友的胸膛，當女友又抽煙時，Fred實時擰歪面避食二手煙。

未幾，好友賴慰玲前來會合二人，他們便往友人於村內的寓所，期間Stephanie與Fred於門外撐枱腳嘆茶，當發現記者時即急急返回屋內。

直至晚上七時許，Stephanie與Fred及賴慰玲步出，有備而來的Fred更未敢坐回女友的座駕離開，Call定租車於村口等待。

問到兩人拍拖一事時，Stephanie一度含情脈脈望著男友，她風騷說：「畀啲時間我哋諗嚇點答先！（點解同Fred同車嚟又分車走？）你哋又知？（Fred由你屋企出嚟喎？）佢要去做嘢嘛。」當再追問與Fred是否拍拖時，她一臉含春甜笑說：「你哋覺得系咪系囉....唔系咪唔系囉。」說罷便匆匆驅車離開。

何雁詩被鄭俊弘富貴未婚妻揭發是第三者，跟准人夫暗交2個月，問到她是否第三者，她表示：「No。」知道他有未婚妻？她表示不清楚，她說：「希望佢ok，冇聽過佢有未婚妻。」又謂跟鄭俊弘只是好朋友。

問到鄭俊弘有同你解釋嗎？何雁詩力撐對方：「朋友唔需要解釋啦，佢系好男仔，過去嘅嘢唔需要向任何人解釋。」過去嘅嘢？鄭俊弘同未婚妻分咗手？何雁詩卻避答。

問到有冇遇過愛情騙子？系咪相信鄭俊弘嘅為人？何雁詩代「普通好朋友」求情：「當然相信，謝謝你關心，佢都系一個好男人，畀少少時間佢，我相信佢一定會對大家有個交代。」

問到可敢發誓不會做第三者？她避談：「呢啲唔答。」覺得不開心？她說：「我覺得佢為人正直，系有責任感佢會交代清楚。」何雁詩透露正在返大陸工作。

對於「三角戀」事件，鄭俊弘目前「潛水」不作回應。

喜歡這篇文章嗎？立刻分享出去讓更多人知道吧！