粉絲搞生日P示愛栢芝感動喊唔停朱茵曬腰襲紅地氈獲贊不老傳奇

娛樂 05-25

今日快報

紅隧意外！許靖韻心痛「PatPat」被撞花

英皇歌手許靖韻（Angela）傍晚時份，有讀者目擊其駕駛的白色私家車，在香港駛入九龍方向的紅隧入口被尾隨巴士碰撞，之後為免阻塞隧道入口，私家車及巴士駛到旁邊等候處理，而Angela看似未有受傷，隨後有隧道職員及警員到場處理。不過，見Angela一臉「愁曬」，雖然目測其「愛驅」尾部只系「輕傷」，但見Angela個樣好心痛。

媒體聯絡Angela，她驚魂未定憶述撞車過程：「等緊入隧道入口方向，可能當時落緊微微雨，路面濕滑，突然聽到『卡卡聲』好似碰咗一下，我都仲唔知發生乜事，系后座同事叫我停車話撞咗車先知。原來系巴士想轉線嗰下撞咗埋我右邊車尾，巴士司機都知系佢唔啱，有Say sorry。」Angela表示賠償問題會交由巴士公司處理，反而她最不好意思是對巴士乘客做成不便，因撞車地點不是可上落客地方，又要淋著雨。

問到是否「新手牌」？Angela即言：「我揸咗四年車，都系第一次畀車撞。（見你望住架車好肉痛？）架車系阿爸嘅，我哋系兩份用嘅，我都第一時間打畀阿爸『報案』，佢都冇心痛架車撞咗，都即刻問我有冇受傷。」

Angela稱車上除有同事外，其中一個乘客是洪卓立（Ken），阿Ken是坐「順風車」過海點知就撞車，她謂：「Ken話以後唔坐我嘅車，話同我八字唔夾喎。」而間接成為「受害者」的洪卓立亦笑言「後會無期」，他在私上facebook上載了一張圖，圖上寫住「經過生死一刻、半桶水漂移、超極速過彎、我決定以後都唔坐你車。後會無期」，看來阿Ken也怕了許靖韻呢！

粉絲搞生日P「示愛」　栢芝感動喊唔停

影星張栢芝將於5月24日生日，踏入人生第37個年頭，剛巧亦是栢芝入行18年！近年工作不斷的她，今年生日都要在內地工作中度過，不過，她的一班粉絲及工作人員都相當有心，特別於昨日為栢芝預祝生日，仲好有心思搞了一個神秘大型生日P！

由於栢芝全不知情，當日完成拍攝便被帶到精心安排的生日會場，眾粉絲一見偶像即高唱《任何天氣》，之後再道出感激栢芝一直陪伴他們成長的感人告白，令栢芝頓時「淚崩」，哭了好幾次，而跟她一起拍劇的拍檔吳建豪，亦代表劇組向栢芝送上鮮花，之後，眾人一起玩Bingo遊戲，最後栢芝更與粉絲們逐個Selfie，攬攬、錫頭，為生日會划上完美句號。

許廷鏗唔恨攞獎？吳業坤：樂迷會支持佢

歌手吳業坤和許廷鏗（Alfred）同是巨聲幫出身，出道後簽約不同唱片公司各有發展，吳業坤憑《原來她不夠愛我》爆紅，更助他成功登上紅館開個唱；至於Alfred一出道則被力捧成「劇集歌王」，惜因續約問題而被打入冷宮，歌曲無緣入選今次「優秀選」。

吳業坤的歌曲《演員》則在候選歌名單上，對於Alfred冇歌入圍，他說：「其實我對優秀選嘅制度唔系太清楚，點樣為之入選，點為之唔入選，都好根據個制度，咁我都開心有得入圍嘅，多謝大家支持。至於Alfred首《痛醒》，我認識嘅佢，入唔入圍佢都唔太介意，因入唔入圍都系樂迷投票，就算冇得投票，樂迷都會支持佢，其實有冇獎，所有歌手都唔會太介意嘅。」

勁感動！周柏豪為幫JUDE拍MV改機票

相隔一年多未推出個人作品的創作歌手JUDE，近日推出了跟T-Ma合作的型格新派台作《他他他》，以JUDE最喜愛亦最能夠代表她的Pop Rock曲風呈現。《他他他》內容描述JUDE初回香港追尋音樂夢的體會，當時曾有不少打擊她的意見，但憑著信心堅持下終於闖出自己的音樂路，證明了自己，也藉此鼓勵大家要為自己相信的事堅定。

早前她與師兄周柏豪前往英國進行拍攝期間，二人聊起數天後JUDE留在當地拍攝的MV，JUDE打趣說：「你唔系啱啱有一部新嘅航拍攝錄機咩？應該留低幫我拍MV啊！」想不到柏豪會真的改機票留下來幫她拍攝，讓JUDE感動萬分。

《他他他》MV取景於倫敦，在充滿英倫格調的天台上遊走，散發著自由氣息。JUDE看到成品也十分鐘滿意，並謂：「真系好感激柏豪喺百忙中為我改機票留低，仲為我親自操機拍攝。由出道到依家都好錫我好鼓勵我，好似親哥哥一樣，今次呢個人情都唔知點還??！」

朱茵曬腰襲紅地氈獲贊不老傳奇

《第70屆康城電影節》有驚喜嘉賓，於Netflix主競賽電影《The Meyerowitz Stories》的首映禮上，突然見到「紫霞仙子」朱茵！45歲的她完全唔系講笑，著上黑白露腰的貼身服飾示人，大曬胸湧上圍與纖腰俏臀，一身fit爆曲線現上招牌冧爆笑容，輕易突圍而出，不少網友與內地傳媒更大讚她為「不老傳奇」！

同場仲有主演荷里活星包括賓史迪拿（Ben Stiller）、阿當桑迪拿（Adam Sandler）、德斯汀荷夫曼（Dustin Hoffman）與愛瑪湯遜（Emma Thompson），唔知朱茵有冇集嚇郵？此外，內地男星楊洋連日亦於康城出席活動，都有現身紅地氈。