隔18年後再合作！林文龍宣萱開工斗早到 蘇永康開騷鍾嘉欣抱女捧場

今日快報

隔18年後再合作林文龍宣萱開工斗早到

分別離巢九年及五年的林文龍和宣萱，合作拍攝無線首部4K全實景拍攝劇集《不懂撒嬌的女人》，二人拍劇無數，經常捱更抵夜開工，問到目前接工作的心態？二人不約而同地說：「Quality！」

今次再為無線拍劇，二人都表示是因遇上好劇本而答應。《不》劇以4K技術及全實景拍攝，林文龍坦言是很大的進步：「感覺好唔同，全實景好花錢，一套28集嘅劇集通常拍三個月，我哋就拍咗五個月，攝製隊當系一部電影咁拍，最重要每日都有十個鍾休息時間！」宣萱則指對手是令她決定是否接拍劇集的重要因素，笑說與林文龍拍劇時，二人不是準時到達，而是「斗早到」，變相令其他演員都不敢遲到。

《不》劇首周播出雖撞正假期，收視不跌反升，加上劇集金句連連，又有不少高顏值演員包括：唐詩詠、高海寧和王浩信等參演，成功打響頭炮！林文龍與宣萱坦言沒想過碰上假期，收視亦如此理想。二人上次合作是18年前的《洗冤錄》，不過群戲居多，而《不》劇可說是首部正式合作的劇集。林文龍笑言再次見宣萱就覺得對方沒有變過，宣萱則表示拍攝期間全程投入，林文龍亦助她入戲，令她發揮更好。

【老公操刀？】熊黛林游澳門喪影靚相

名模熊黛林（Lynn）自從同郭可盈細佬郭可頌結婚之後，似乎放慢咗工作嘅步伐，反而多咗享受生活，周不時跟住老公周圍去玩。呢日阿Lynn就去咗澳門玩，仲去到邊影到邊，見佢去到新濠天地睇水舞間，都興奮到影埋現場相，之後仲一次過上載到微博同大家開心share

阿Lynn開心留言：「去看看不一樣的澳門 #新濠天地# #水舞間#」，仲配埋心心圖案同直豎手指公圖案，就知佢睇得有幾開心啦，其中幾張相阿Lynn仲擺曬靚靚甫士，莫非系老公仔負責影相？

愛買靚車！黃宗澤咩車都Like

近年狂賺「人仔」的黃宗澤（Bosco）近日凌晨在司機駕駛價值250多萬元名貴房車的接載下，到中環開工拍新劇，派頭十足！其實，黃宗澤鍾情靚車，除了喜以名車代步，亦愛收藏保值的古董車，去年更同一時間擁有五部靚車，可謂不惜一擲千金買心頭好。

外婆母親節病逝方力申感慨結婚睇緣分

藝人方力申現身淺水灣出席慈善步行活動，他表示帶同父母前來，與家人一同做運動兼共享親子樂，方力申還憶述外婆於2014年母親節當日在北京因患肺癌病逝，故特別紀念此節日：「婆婆系一家之主，系全家嘅重要人物。當日全家都喺婆婆身邊，咁大個仔未試過見住親人離開。（媽咪會唔會唔想慶祝母親節？）唔會，生老病死一定有，婆婆挨到呢日，選擇喺呢日離開有佢嘅意義，希望大家記得呢一日。」

方力申又表示兒時婆婆曾照顧他，特別有感情。問到可有定期有身體檢查？他自言會，還督促父母每半年做一次：「上年爹哋有病做手術，以前叫佢哋做體檢都唔逃避，但系病向淺中醫，預早知道對治療有幫助。」至於會否因而儘早成家立室？他說：「唔會因為咁加快成家立室，要睇緣分，要有合適嘅人，我啱佢、佢啱我。結婚唔難，維繫家庭難，身邊有朋友婚姻失敗，所以唔一定咁快行到呢一步。」

【他鄉遇故知】蘇永康開騷鍾嘉欣抱女捧場

最近榮升做爸爸的蘇永康（蘇康）去咗溫哥華開騷，而身在溫哥華湊女的鍾嘉欣（Linda）就抱埋囡囡去後台支持蘇康，估唔到兩人系咁Friend喎，唔知系咪見面交流育兒經呢？8個月大嘅Kelly眼仔睩睩，又好多頭髮，好似媽媽一樣咁靚女，蘇康喺ig上載合照，然後留言話：「是日驚喜，他鄉遇故之（知）感謝您特別到來加油打氣，幸福滿瀉的嘉欣帶同真正的嘉欣bb唻（來）探班，在這裡長大的bb笑容特別多。」

點擊播放 GIF/21K

喜歡這篇文章嗎？立刻分享出去讓更多人知道吧！