「月光光，照地堂……」細數正在遺失的粵語童謠！

那些年我們唱的童謠還記得嗎？

「落雨大，水浸街，阿媽擔柴上街賣」

GIF/490K

那些早已在成長中磨滅掉的集體回憶

希望還能留下一部分給你的孩子！

【月光光照地堂】

月光光，照地堂，

蝦仔你乖乖瞓落床，

聽朝阿媽要趕插秧咯，

阿爺睇牛佢上山岡。

蝦仔你快高長大，

幫手阿爺去睇牛羊。

月光光，照地堂，

蝦仔你乖乖瞓落床，

聽朝阿爸要捕魚蝦！

阿嫲織網要織到天光。

蝦仔你快高長大，

划艇撒網就更在行。

月光光，照地堂，

年卅晚，摘檳榔，

五穀豐登堆滿倉，

老老嫩嫩喜洋洋啊，

蝦仔你快啲眯埋眼，

一覺瞓到大天光啊。

【月光光照地堂】

月光光，照地堂，

年卅晚，摘檳榔，

檳榔香，摘子姜，

子姜辣，買菩達，

菩達苦，買豬肚，

豬肚肥，買牛皮，

牛皮薄，買菱角，

菱角尖，買馬鞭，

馬鞭長，起屋樑，

屋樑高，買張刀，

刀切菜，買籮蓋，

籮蓋圓，買只船，

船浸底，

浸親兩個番鬼仔！

一個浮頭（一個摸慈姑），

一個沉底（一個摸馬蹄）。

GIF/1729K

【打開蚊帳】

打開蚊帳，

打開蚊帳，

有隻蚊，

有隻蚊，

快啲攞把扇嚟，

快啲攞把扇嚟，

潑走佢，

潑走佢。

打開蚊帳，

打開蚊帳，

有隻貓，

有隻貓，

快啲攞支竹嚟，

快啲攞支竹嚟，

嚇走佢，

嚇走佢。

【落雨大，水浸街】

落雨大，水浸街，

阿哥擔柴上街賣，

阿嫂出街著花鞋。

花鞋花襪花腰帶，

珍珠蝴蝶兩邊排。

排排都有十二粒，

粒粒圓亮冇疵瑕。

【大笨象，揸支槍】

大笨象，

揸支槍（臭松香），

去打仗（揸支竹仔去打仗）。

打完仗，

返嚟食碗辣椒醬，

隔籬屋企燒炮仗，

問你響唔響，

唔響升你兩巴掌。

【醜醜丑】

醜醜丑，醜醜丑，

丑甩耳仔餸燒酒。

【肥婆跳舞頂第一】

一二三，三二一，

肥婆跳舞頂第一。

【氹氹轉，菊花園】

氹氹轉，菊花園，

炒米餅，糯米圓。

阿媽帶我睇龍船。

我唔睇，睇雞仔。

雞仔大，捉去賣。

賣得幾多錢？

賣得三百六十五個仙。

【初一人拜神】

初一人拜神，

初二人拜人，

初三是赤口，

初四人乞米，

初五初六正是年，

初七游花地，

初八八不歸，

初九九頭空，

初十打春去。

十一打仔回，

十二搭燈棚，

十三人開燈，

十四燈火明，

十五祈完燈，

采青走百病。

【排排坐，食粉果】

排排坐，食粉果，

豬拉柴，狗燒火，

貓兒擔凳姑婆坐，

坐爛個屎窟唔好賴我，

賴翻隔籬個二叔婆。

【賣懶】

(一)

賣懶，賣懶，

賣到年卅晚，

人懶我唔懶。

(二)

賣懶，賣懶，賣到年卅晚；

賣窮，賣窮，賣畀豬婆龍；

賣衰，賣衰，賣畀大頭龜。

【又喊又笑】

又喊又笑，

烏蠅打醮，

蠄蟧瀨尿，

老鼠行橋，

行到西門口，

畀人打啰柚。

【賣羊賣咩】

賣羊賣咩，

賣到老鼠擔遮。

狗仔忙住去拉蛇，

蛇擺尾，似風車，

風車氹氹轉，

番鬼扒龍船。

扒得快，好世界，

扒得摩，無鼻哥。

【我有幾文雞】

我有幾文雞，

過年買只雞。

只雞好好食，

夾畀阿媽食。

阿媽話我乖，

帶我行花街。

【食嘢唔做嘢】

食嘢唔做嘢，

做嘢打爛嘢。

【肥佬肥揗揗】

肥佬肥揗揗，

買舊豬肉去拜神，

行到半路屎窟痕，

返到屋企瓜老襯。

【拍大髀，唱山歌】

拍大髀，唱山歌。

人人都欺我冇老婆，

嘀起個心肝娶幾個。

有錢娶個嬌嬌女，

無錢娶個痘皮婆。

痘皮婆，

食飯食得多，

屙屎屙幾籮，

屙尿沖大海啰，

屙屁打銅鑼。

【蘿蔔頭】

蘿蔔頭，點豉油，

點得多，咸過頭，

點得少，淡茂茂。

【伏匿匿】

一就預備，

二就匿埋，

三就開盤，

四就嚟到，

砰到算數。

【姑丈擔凳】

姑丈擔凳孩兒坐，

孩兒坐落就劏雞。

雞會劏門前喔喔啼，

不如劏只鴨；

鴨又嫌鴨毛多，

不如劏只鵝；

鵝又嫌鵝頸長，

不如劏只羊；

羊又嫌羊腳叉，

不如劏只馬；

馬會送君出埗頭，

不如劏只牛；

牛會耕田養人口，

不如劏只狗；

狗會東西方有人嚟都知，

不如劏只大貓兒；

貓兒又會捉老鼠，

不如劏只大肥豬；

肥豬會食主人三斗祿，

主人食佢三舊肥豬肉。

【點指兵兵】

點指兵兵，

點著誰人做大兵，

點指賊賊，

點著誰人做大賊。

【猜呈尋】

呈尋剪，呈尋包，

呈尋糯米叉燒包。

老鼠唔食炸藥包，

執到糧票買麵包。

【點蟲蟲】

點蟲蟲,

蟲蟲飛。

飛到荔枝基。

荔枝熟，

摘滿屋，

屋滿紅，

伴住個細蚊公。

【河邊有隻羊】

河邊有隻羊，

羊邊有隻象，

象邊有隻馬騮仔，

好似你咁樣。

【豬婆婆】

豬婆婆，

賣菠蘿，

賣畀地主做老婆。

地主唔要佢，

一腳將佢踢落河。

執翻上嚟暈酡酡。

【攋尿蝦】

攋尿蝦，

煲冬瓜，

煮唔熟，

賴亞媽。

GIF/530K

80後90後的「童謠」

怎麼能少得了

TVB動漫粵語主歌曲

最後，來重溫一下你的童年吧

（建議在WiFi環境下觀看）

你小時候最愛哪首歌？

右下角偷偷告訴小編吧~

喜歡這篇文章嗎？立刻分享出去讓更多人知道吧！