被羅天宇拉落水 劉佩玥即閂閘嗌咪搞

藝人羅天宇及劉佩玥等，於觀塘出席無綫節目《建造業議會呈獻：築．動．愛》外景探班。當中與湯洛雯傳緋聞的羅天宇，被問到日前女方出活動時表示有了解中對象，更不排除閃婚，甚至被同場黎諾懿踢爆對象可能姓羅，暗指羅天宇？天宇笑指黎諾懿「亂噏」，問他已向緋聞女友湯洛雯求婚了嗎？他即怕丑否認：「梗系唔系啦！（了解中？）了解咗好耐啦，佢一路唔畀我了解。（今次人哋開綠燈？）佢點講？我收到嘅意思唔系咁。（拖過手仔？）冇呀。我諗諾懿都是想幫嚇手。（幫你手追湯洛雯？）佢好難追。」

轉移目標

之後，天宇又扯開話題，想拉旁邊劉佩玥落水：「我都差不多轉目標，放棄。Moon都幾好呀，又單身。」Moon聞言高呼：「你唔好拉我落水！」但她透露與天宇會於新劇合作。問到天宇會否擔心與Moon日久生情？Moon就拉好友陳瀅落水：「咁對象一定唔系我，因為佢劇中對手系陳瀅。（你想撮合佢哋？）我諗住迴避，咪拉佢落水。」

贊湯洛雯supportive

問天宇覺得湯洛雯、劉佩玥及陳瀅邊個最好？他稱唔識答。問他幾時開始追求湯洛雯？天宇透露拍攝劇集《愛·回家》時首次認識對方，害羞盛讚湯洛雯：「拍劇識。（鍾意佢咩？）她好supportive，當時我們系新人，應付重要場口時會鼓勵對方，我記性唔好，NG時佢會叫我加油。」

問到天宇與女方之間尚欠甚麼？天宇直言要等事業有成：「我都唔知我差啲咩。（約過會？）有食過飯。（表白咗？）冇咁白，等事業有成先。（屋企人催你結婚？）催我事業有成。」

同場Moon講到今日於工地拍攝，大讚從事地盤的異性夠Man：「肯用勞力同心機做嘢嘅男仔有上進心，有工作熱誠已經好吸引。」

喜歡這篇文章嗎？立刻分享出去讓更多人知道吧！