陳茵媺撇陳豪一拖三返加國完美Body任睇！33歲李彩樺出處女寫真

娛樂 07-11

今日快報

【重口味】袁偉豪啜爆許家傑勁HeHe

無線新一代男神袁偉豪正忙於為無線新劇《棟仁的時光》開工，佢為咗呢套劇真系付出唔少心血，呢日佢就喺社交網上載咗一條幕後片段，片中佢同拍檔許家傑一齊睇play back，原來佢哋啱啱好「情深」一吻完，許家傑仲要一邊睇一邊慘叫，相反幕後工作人員就睇到哈哈大笑！

袁偉豪留言：「亂過亂世佳人，已經數不清我吻了多少個男人，PS 其實我已麻木了」認真搞笑！

43歲楊恭如曬自拍　同楊怡撞樣？

43歲嘅「玉女掌門人」楊恭如近年主力喺大陸發展，搞到唔少香港觀眾都好掛住佢。不過楊恭如都好識做嘅，不時喺微博曬嚇靚相慰藉粉絲。呢日佢又上載一張自拍照，仲留言自爆系電視劇迷：「等不到電視劇更新了，夜貓今晚得早點休息啦！」

照片中，著上黑色衫嘅楊恭如身材纖細，眼大大好靚女，真系一啲都唔似43歲！網友睇完後都紛紛激贊索，不過亦有人覺得佢好面善，仲話冇見楊恭如一排個樣幾似視後楊怡。望真啲，兩人又真系幾鬼似，不如下次影個合照相認嚇吖！

陳茵媺撇陳豪一拖三返加國

前港姐陳茵媺（Aimee）同老公陳豪育有二子一女，一家五口樂也融融，暫時專心照顧小朋友嘅陳茵媺，呢日帶埋小朋友返娘家多倫多，不過就未見陳豪同行，似乎因為佢要近日為劇集《誇世代》拍攝而行唔開。

雖然Aimee今次以一對三，仲話事前曾經擔心過，但依家終算願望達成，見佢啲相小朋友玩得開心，佢又笑得開心，就知道呢個多倫多之旅系幾咁成功，她在微博留言：「願望終於達成，獨個兒帶三個 3歲半以下小朋友回到home sweet home多倫多。第一次帶小朋友坐長途16小時飛機，非常刺激，非常擔心，但亦十分享受。畢竟作為一個母親，實在不容易！10 months of planning wasn"t wasted！」

【識叫媽媽】鍾嘉欣大搞囡囡一歲生日會

女星鍾嘉欣為代言的補身食品田原香活動擔任剪綵嘉賓，她表示女兒下月便一歲，非常精靈及很喜歡說話，她說：「佢好鍾意笑，我最幸福就系見到佢笑，佢瞓得好好，我養到佢肥肥白白、皮膚又靚，依家已經有21磅。」

至於如何慶祝女兒一歲生日？嘉欣稱早已構思好：「我已經買咗好多汽球，個主題系happy face，連埋家人、朋友、新識嘅媽咪朋友同BB，大概會請70至80人一齊慶祝，因為之前滿月同百日宴都冇慶祝，所以想BB一歲生日時大搞。（會送咩禮物畀囡囡？）佢依家會食固體食物，所以我會買張高櫈畀佢。」

嘉欣透露女兒愛說話，第一個字先講媽媽，三日後識講dada，她笑言：「我一離開返香港，佢就叫媽媽，老公依家忙啲，成日返診所，佢就叫dada，佢好黐我哋兩個，我依家仲喂緊人奶，喂到佢一歲就唔喂，到時就可以放佢喺爺爺嫲嫲屋企過夜。」

新劇如期播　袁澧林遭經理人公司告違約

「文青女神」袁澧林被經理人公司（種星堂(香港)有限公司）入稟控告違反合約，未經經理人安排下自行接工作，現要求禁止袁澧林進行非由經理人公司安排之工作，並交出其他工作得來的收入。

入稟狀指，原告種星堂與被告袁澧林在2015年5月簽訂經理人合約，合約訂明直至2018年8月，原告均是袁澧林的唯一經理人，負責替其接洽及安排她所有關於作模特兒、電視、電影、雜誌拍攝等工作。但入稟狀指袁澧林違反合約，故要求法庭聲明合約仍然有效，並頒下禁制令，禁止袁澧林直至合約完結時私下接洽工作。原告亦要求袁澧林向公司交代帳目，並交出私下接工作所獲得的利潤及作出賠償。

東網記者就此事致電袁澧林經理人公司的何小姐，她指袁澧林今日剛完成ViuTV電視劇《瑪嘉烈與大衛系列　前度》的後期工作，問她究竟官司會否影響該電視劇的播放？現在袁澧林同經理人公司之關係？何小姐則一概不回應，只說：「因為件事已經進入司法程序，我唔方便答任何問題。」至於Viutv方面，則表示劇集將於7月17日播放，冇任何影響。

完美Body任睇！33歲李彩樺出處女寫真

現年33歲李彩樺（Rain）入行多年走型格路線，早前卻秘密練兵操胸收身，密謀推出處女寫真殺入書展搶Fo。入行17年的她失驚無神豁然開朗來個「大解放」，挾著34C、25、35的身段和42吋長腿，在寫真中以十多個不同造型示人，施展渾身解數滿足各方喜好。當中「中門大開」將衫前鈕扣解開最為「煞食」，令34C洶湧上圍「奪衫而出」，成功凸顯澎湃效果，再配上一個「高潮眼」，足以顛倒眾生。