黃心穎傳派對姣溝周志文：冇向馬明交代又出動！欣宜化身「胸」猛小兔兔

娛樂 07-19

今日快報

激罕！胡定欣黑色三點式上船引「跑友」

藝人胡定欣同陳山聰、謝東閔一向都老友鬼鬼，佢哋仲組成「Crazy Runner」一齊相約跑步做運動，認真健康。雖然定欣啱啱就同屋企人去咗旅遊，放鬆嚇，不過話咁快旅程已經結束，已經返咗嚟香港喇！

呢日定欣就同山聰、東閔去咗遊船河，佢仲喺社交網上載咗遊船河嘅照片，並留言表示：「太掛住你哋。」去得遊船河就梗系要著泳衣啦，相中定欣就以黑色三點式上陣，雖然定欣嘅上圍唔算澎湃，不過就勝在身材夠曬平均，佢仲曬出纖腰同香肩，獲網友大讚相當養眼，身材fit到漏，有網友仲叫定欣分享多啲靚相添！

唔收兵？陳法蓉否認Dry爆：好多人想要我

藝人陳法蓉（Monica）出席無線新劇《賭城群英會》宣傳，對於與陳百祥在劇中連場接吻戲，Monica預告稍後亦陸續有來，談到網民不太接受這一對，她卻謂：「任何年紀都需要愛，如果尋日拍拖嘅話今日都會錫，有乜咁奇怪呢？」

對於有指Monica感情生活Dry爆，又指她曾介入錢小豪的婚姻，Monica謂：「呢8年嚟我不嬲都好滋潤，雖然冇拍拖，但一啲都唔dry，朋友話羨慕我可以自由自在去食魚生。其實食嘢系好簡單嘅事，咁我呢幾年有冇拖拍，大家都唔知啦！」她亦主動提及被指介入錢小豪的婚姻之說，Monica無奈地表示其拍拖列表中，她根本與很多人也沒有相戀過，更謂：「我同錢小豪、佢太太都系好朋友，知道咩事嘅人就覺得搞笑囉！」

問到現時可有拍拖？Monica斬釘截鐵謂：「冇，我唔鍾意收觀音兵，系就系，唔適合就會打沉佢，免得人哋有錯覺，有冇拖拍唔重要，搵到真命天子先叫威。我唔想畀人以為我冇人要囉！事實好多人想要，系我唔畀啫！就算唔結婚都唔代表唔好，每段婚姻都有艱難嘅時候，總之遇到合眼緣嘅人都會試。」

【一哥地位】吳業坤沖繩拍MV有女陪食陪玩

歌手吳業坤（坤坤）簽約星娛樂後，過去兩年為配合其屋邨仔形象，所拍過的新歌MV圍繞於香港的天台、學校及公園取景，全是數萬元的「平民化」製作，但隨著周柏豪、許廷鏗（Alfred）大執位，兩人現分別升格為「星夢娛樂」及「華納」唱片公司一哥後，坤坤的唱片公司高層Tommy為幫坤坤在明年頒獎禮中，連續第三年奪得人氣大獎「我最喜愛的男歌手」而施銀彈造勢。

早前唱片公司首次讓坤坤衝出香港，花30萬製作費安排他到沖繩拍新歌《傷心到變形》MV，還租用「宅男最愛」大黃蜂跑車，實行以靚景、靚車襯托其「一哥」地位吸引歌迷眼球，十足拍旅遊特輯一樣，而在三日兩夜行程中，坤坤有10位工作人員跟隨拍攝外，還有女陪食、陪玩、陪開工，幫他噴太陽油護膚，受寵程度爆燈。

坤坤接受訪問被指「升呢」成「一哥」時，他謙稱：「唔關我『升呢』事，只系呢首歌喺沖繩創作，況且系講正能量，有時傷心都有用?，覺得好啱去沖繩拍MV。（全程有女陪喎？）系呀，佢仲早一日去沖繩機場接我機添，好鬼Sweet！（新女友？）佢系我阿媽。」他又說媽媽是首次正式跟他開工，望將來有機會出埠工作時，照樣帶媽媽在身邊，讓媽媽有更多機會旅遊。問到坤坤今次在MV中揸大黃蜂跑車是否好開心？坤坤大讚：「鍾意揸車嘅男仔都想揸嚇呢款車，不過我差啲炒埋，因為太大架，同埋系左軚車。」

談及好友Alfred同樣推出以正能量為主題的新歌《根》，坤坤自言有聽過，但覺得兩首歌難比較，他認為：「佢首感性啲，我首快樂啲，兩首都好聽，不過我首歌喺香港暫時系幾獨特嘅題目嚟！」

帶愛犬睇醫生遭無禮對待　熊黛林憤怒了

名模熊黛林（Lynn）一向十分疼愛家中嘅愛犬，呢日兩隻狗狗病咗，Lynn於是就帶佢哋去睇醫生，點知喺等待就診嘅過程中，竟遇著兩個無禮嘅女人，搞到佢好嬲！

熊黛林喺微博發文憶述：「今天帶著（著）我的兩隻小公主去看醫生，因為早到我們就坐在沙發上等候。這時又進來了兩位女士也帶著（著）兩隻狗，一位坐在了我的旁邊，一坐下來就掏出個迷你風扇開始吹，剛好也是沖著（著）我的方向，我是很怕冷的，本來室內的空調溫度已經打得很低了，再加上一把風扇就更吃不消了。想換位子可是沙發（梳化）滿了沒地方換了，於是我小聲的很有禮貌的說：不好意思我比較怕冷，你能把風扇對著（著）另外一邊吹嗎？誰知那女的看都不看我一眼，突然跳起身沖向她的那位朋友，很生氣的把風扇丟給了那人，說：人家說怕冷喔～～～她的那位朋友聽完氣沖沖的走過來，很用力的把包摔在了我旁邊的沙發上，然後一屁股坐在了我旁邊。我當時真想問她屁股疼嗎？最近總是遇到這樣的人，你對他客氣，他當是福氣，然後蹬鼻子上臉。做人吶是要有禮貌，但是不能太過忍讓，要會適當的保護自己。」

又再出動！欣宜化身「胸」猛小兔兔