宣萱想結婚做媽媽朋友曾建議雪藏卵子 8.27完婚樂基兒拒請前夫黎明

最新 07-20

今日快報

《超時空男臣》首播吸175萬觀眾

由無線藝員蕭正楠、曹永廉、何廣沛、王君馨等主演的劇集《超時空男臣》昨晚（17日）首播，平均收視25點（逾162萬人收看），最高收27點（逾175萬人收看），暫時成為今年首播錄得最高收視的劇集。

由李家鼎及譚玉瑛主持的新一輯《阿爺廚房》，首集平均收視19點（逾123萬人收看），最高收20點（逾129萬人收看）。

8.27完婚樂基兒拒請前夫黎明

名模樂基兒公開婚訊後首次亮相出席活動。問到婚禮籌備情況，她表示：「其實仲未，啱啱先喺泰國返嚟，場地好早book咗，條裙、化妝同打扮就仲未諗，但布置同賓客就已經知，依家先開始決定。（心情緊張？）呢一刻未，可能返到美國會緊張啲，返到嚟香港都想習慣工作，之前又做瑜伽訓練一個月，個人都好calm同peaceful。

問到會請甚麼嘉賓出席婚禮？樂基兒表示不會邀請太多，加埋曬50個，同埋唔系一個大嘅宴會，想同家人同密友，個心就好多人想請，好多謝好多朋友支持我哋結婚。（幾多號結婚？）8月27號。（會唔會再著婚紗？）應該會嘅，揀到咪著囉。因為我個朋友都幫我造咗條裙，今星期先去睇婚紗。（未婚夫畀唔畀你性感？)佢冇所謂，因為以前都喺美國讀書，都好西方化。」

問到前夫黎明有否祝賀她，樂基兒說：「冇呀，大家都各有各忙，唔知佢知唔知。（會唔會請佢？）唔會啦，香港好多人我都冇請。」

Angelababy托腮微笑網友：狗狗也心動！

藝人Angelababy（楊穎）近日正拍攝新戲，更在戲中與兩隻狗狗有不少對手戲。最近，有網友就轉發內地一個馴犬師的微博貼圖，相中的Baby就與兩隻「汪星人」合照，其中一隻狗狗就勁交戲對住鏡頭露齒咧嘴而笑，而Baby亦非常配合狗狗的高度蹲起來托腮微笑。

網友見此紛紛留言，大讚Baby個樣靚到「汪星人」都心動：「太美了，狗狗看到你都開心地止不住笑起來。」

何超蓮甘願受網民懲罰

一年一度嘅書展開始了，唔少靚模都推出寫真殺入書展，連賭王三房嘅千金何超蓮都去埋一份，不過佢就唔系加入寫真戰，而系去大派愛心。

平時超蓮都好鍾意做善事，之前就試過落區派糖同派嘢飲，超蓮就喺社交網站上載咗一段片，透露明天（7月19日）一落機就會去派扇，認真唔話得。超蓮話自己系「Little Miss Sunshine」只要佢一返到香港就會天晴。

不過超蓮都話萬一真系落雨，派扇嘅活動就會取消，不過大家都唔使失望，因為超蓮就叫一班網友留言寫低想佢做嘅懲罰，之後佢就會揀一個最好笑嘅懲罰去做，仲話會拍埋片放上網當系做補償添！

46歲宣萱想結婚做媽媽朋友曾建議雪藏卵子

藝人宣萱（Jessica）和新鴻基地產（中國）董事馮秀炎在大埔超級城出席《新地夏日冰涼雪糕節》活動。身穿黑色露肩開衩裙的Jessica坦言最愛吃雪糕和朱古力等甜品，更試過拍朱古力廣告時食到爆瘡生痱滋：「靚仔都仲抗拒到，但嘢食真系唔得。」

聲沙沙的她亦在訪問中表示最近染流感，病足三個禮拜，期間有11日是發燒落唔到床，最後搞到瘦咗五磅。

當好番少少，宣萱就同方中信一家三口仲有鮑起靜去台灣遊玩三日，期間更破戒食牛肉：「第一次一個人拖住個九歲大細路女行書店，行咗三個幾鍾，佢（方中信）個女好乖，我唔系好夾小朋友，但佢系另類，人夾人。（想組織家庭？）唔好玩啦，我好急咩？應該結婚先嘅，結咗婚先再生，遇唔到都唔會生。（會雪卵？）有朋友都幫我問過，怕我遲婚，原來香港雪卵系唔合法，要結咗婚先。（台灣有艷遇？）唔見到彭于晏！（見過真人未？）之前喺首映見過真人，高大靚仔又健康！（鍾意小鮮肉？）睇嚇啫！」

GIF/21K