吳千語戒夜蒲搬入林峯八千萬新居文頌嫻生日晒合照阿佘：真正友誼勝愛情

最新 07-20

今日快報

李彩華透「股」惑袁嘉敏「裸」你命

書展正式開波，今年有李彩華同袁嘉敏等索女加入寫真戰！依家就等東網為大家睇睇佢哋兩本寫真有咩靚相睇啦！

李彩華佢以33歲之齡推出處女寫真，睇番啲相，真系靚到不得了，見佢大騷34C好Body！有幾輯相李彩華都以黑絲上陣，睇嚟佢真系好like著黑絲，半裸上陣，齋著黑絲透「股」惑！仲有一輯系格仔水著，扎埋孖辮仔，真系少女味極濃！

睇完李彩華，再去睇睇袁嘉敏！袁嘉敏出名樣靚身材正，佢以性感內衣上陣，34D雙峰突圍而出！仲有佢全裸上陣攤喺度，性感程度爆曬燈！

文頌嫻生日晒合照阿佘：真正友誼勝愛情

今日系女星文頌嫻41歲生日，雖然佢近年主力湊女好少公開露面，不過生日呢啲大日子梗系要同班Friendsss一齊慶祝啦！身為娛樂圈「七姊妹」成員嘅佢，昨晚就約咗佘詩曼（阿佘）、姚樂怡、梁靖琪、周家蔚、鍾麗淇等閨密食晚飯傾心事。

之後，阿佘喺社交網站曬出合照，仲留言：「我們的＠文頌嫻Annie生日快樂！今晚實在讓我感動…我想說的是…真正的友情，是比愛情更純潔更美好。真正的朋友，會打擊你，會幫助你，但永遠是形影不離，互相扶持信任，需要的時候會第一個站出來！這種真摯的友誼是通過互相的努力而造就的成果，我…很感恩有你們。Our lives are full of change，but our friendship has never changed. Thanks for enduring with me through the seasons. I am wishing you the best birthday ever！Love you so much文女（雖然我哋嘅生命充滿變數，但我哋嘅友誼從不改變。感激你哋多年來嘅支持。祝你生日快樂！愛你文女）

而梁靖琪亦表示：「Happy Birthday To A Dear Friend. You ll Be Special To Me Until The End. Celebrate Today And Know This Is True， My Life Has Been Blessed， Because Of You. 謝謝你一直系（喺）我人生中支持我、鼓勵我！永遠愛你 #HBD #文女 #七姊妹 #ForeverFriendsForeverItWillBe #LoveYouAll #BFF」

文頌嫻收到姊妹嘅祝福後，亦窩心地表示：「幸運是我，因有著（著）您們。」網友見到後都紛紛嗌曬感動，仲話喺娛樂圈中可以搵到咁多真心知己真系好難得！另外亦有人大讚相中嘅佢哋位位都咁索，就算素顏影相都好省鏡添！

Twins槍頭對外對足16年懶嗌交

蔡卓妍（阿Sa）及鍾欣潼（阿嬌）組成的Twins在樂壇寫下光輝16年，兩人由互不相識，到今日成為好姊妹，一凹一凸非常合拍，兩人互補不足，阿嬌深受阿Sa影響，整個人都變得有色彩，阿Sa視阿嬌如公主般呵護，從不拗撬、爭仔，更加不會搞是非，兩人目標一致，槍頭對外！

樂壇很多組合總是合久必分，或者意見不合鬧不和，她們笑說：「好彩我哋組合得兩個人啫！」阿嬌笑言人少分錢都有好處：「人多分走曬啲錢。」阿Sa表示她與阿嬌個性都比較男仔：「有啲人好姿整、又搞小圈子，又講是非，我哋兩個講嘅是非都系向外。」阿嬌即說：「所有人問我關於阿Sa嘅嘢，我都唔會講。」阿Sa也和應：「我哋從來唔會講對方，亦都唔會judge對方任何嘢。」她們的槍頭永遠一致對外，最難得兩人由相遇至今，一起走過這麼多個年頭，大家的目標都是一致。

Twins各具美態，身邊一直不乏追求者，兩人可有試過爭仔不和？她們稱絕對不會，阿嬌說：「大家鍾意嘅都唔系同一Type嘅人，勁冇可能。」她的擇偶條件，首先外形不要太丑，阿嬌笑說：「因為希望我生個BB出嚟系靚，如果生個仔出嚟似爹哋，個爹哋唔靚仔咁點算？」

至於阿Sa一心只想追求平凡的愛情，有感在這行經常拍戲、拍MV、拍廣告，好多故事都好戲劇性，所謂戲如人生，但她說：「我嘅人生唔系好想咁戲劇化，想正常，平凡唔等於平淡，我想平凡啲。」阿Sa更直認是戀愛大過天的女仔，很喜歡黐住男友，她完全不掩飾說：「我直頭會好容易冇咗自己，不過我依家學識咗愛自己多啲。」阿嬌表示戀愛時都會迷失自己，知道是不應該，故要努力學習，希望另一半夠風趣，可以每日令她笑一笑。

Twins已經長大成人，回想以前好多事情都感迷茫，阿Sa說：「可能自己未有能力去解決一啲嘢，亦都冇能力去幫對方解決問題，好多時要靠公司指引，即使唔系太喜歡都要硬住頭皮去做，但依家會有智慧去解決問題。」阿嬌指過去增值不少，如今擁有自主權，雖然忙都忙得開心，心態也覺得舒服。

邵仲衡拍內地廣告要均真：唔想得不償失

藝人邵仲衡到元朗出席電影首映禮，他坦言有留意該片導演基斯杜化路蘭，加上題材和卡士強勁，他說：「自己又住得近，所以同好友到場欣賞。」

談及工作，邵仲衡表示正忙於睇內地劇本，揀選後才會接拍：「我又唔係為咗生活，八月中先會接拍本地劇集。（系唔系ViuTV《詭探》續集？）籌備緊。等佢哋公布啦！」他又透露早前接拍了內地地產項目及財務、家品廣告：「我覺得（拍內地廣告）要好小心，以免惹麻煩，免得同人勞氣，得不償失就唔好。」

《金枝欲孽》成轉折點鄧萃雯推劇無數

藝人鄧萃雯到書展為好友張崇德的新書撐場，提到書中有她的經歷，她表示對方問到自己就答，又笑言：「可能佢跟蹤咗我好多年，98年系我人生最低潮，開始返藝人之家，崇德都喺度，我哋嗰時識，佢間中就Check嚇我，問我點解要拍某套戲，話我唔覺得有問題咩？之後佢問我可唔可以幫手做呢本書，佢話因為睇到我有咩唔同。」

接戲方面，她坦言由劇集《金枝欲孽》後開始多了很多考慮：「即使角色如妃娘娘咁成功，但之後我冇拍宮斗片，我接到內地起碼一半劇本都系。（因為辛苦所以唔接？）辛苦就唔夠TVB，同埋錢多啲，唔好話我凈係為人仔（人民幣），其實我推咗好多。」她認為不少宮斗片都是為鬥爭而鬥爭，別人覺得只要她演最奸的一角就會好看：「你叫我藐嘴藐舌咁害人，或者好有魅力咁害人，我都唔會做，因為會令人學壞。」

她指如妃很受小朋友歡迎，但這角色一出場就殺人，很擔心影響到小朋友：「我去學校做分享，佢哋話依家中學都已經好《金枝欲孽》，唔只Office，啲學生斗到爭0.2分都唔會同人講讀咗書。」她覺得這世代很可怕，如果觀眾看電視時也要看鬥爭就不是太好。

問到推了多少戲或劇？她笑言：「冇計，一計就『赤』。」她解釋當年接拍《師奶兵團》就是因為很正面，讚揚師奶的無私精神。提到早年為無線拍攝電視電影，她形容是電視尺度上的性感極限，結果接到張崇德電話問她為何要拍：「我嗰時有好大堆專業演員嘅理由，佢後來見到我冇再拍，又嚟問我。（避佢電話？）冇，佢喺重要時刻先出現，好感激佢，2016年我畀傳媒話我批評《金枝欲孽》冇劇本，佢好撐我，呢啲真系朋友。」

吳千語戒夜蒲搬入林峯八千萬新居