葡萄牙墨西哥演進球騷

C朗閃左仲有「雙施華」

至於今晚較早時間舉行嘅洲際盃季軍戰，由葡萄牙迎戰墨西哥。雖然葡萄牙王牌C朗因為岩岩出世嘅孖B而提早離隊，但「雙施華」安達施華及貝拿度施華同樣具卡士；墨西哥亦有「小豌豆」查維亞靴南迪斯及杜斯山度士孭飛，加上季軍戰經常大手交易，隨時合演進球騷，捧中位數2.5球嘅1.59倍大盤。

（LeSports HK應用程式周日晚8時直播）

葡萄牙於4強出局，即傳嚟代母為C朗生一對龍鳳胎嘅喜訊，呢位葡軍隊長即慈父上身，申請提早離隊陪孖B。雖然葡軍冇左C朗，但今屆打起左「雙施華」安達施華及貝拿度施華，其中安達施華更被視為C朗接班人，嚟緊會轉投曼城嘅貝拿度施華，擅於喺前場穿針引線，連同兩大翼鋒拿尼及哥利斯馬，葡軍火力一樣咁勁。

分組賽碰頭激和2比2

另一邊廂，墨西哥向來重攻輕守，今屆踢左4場入7粒，至慘系後面唔穩陣，連同4強戰慘敗德國1比4在內，今屆已失左8粒，連弱旅紐西蘭都能轟破佢的大門，防線都幾脆弱。查實兩軍今屆曾喺分組賽交手，當時就激鬥打成2比2，加上近4屆洲際盃季軍戰，總進球至少都有3粒，大家喺冇曬心理包袱之下勢必斗攻，望搶季軍攞番個尾彩，揀進球大最好路。

喜歡這篇文章嗎？立刻分享出去讓更多人知道吧！