瞞老婆去時鐘酒店！張繼聰淆曬底陳凱琳要鄭嘉穎做一世「柴可夫」

娛樂 07-02

今日快報

瞞老婆去時鐘酒店！張繼聰淆曬底

藝人張繼聰日前為新片《西謊極落之太爆太子太空艙》拍攝宣傳片，並踩入佐敦的時鐘酒店，玩轉主題情趣房間！阿聰走入以車廂及婦科診所為主題的房間，笑指連時鐘酒店都想法多多，並即興扮搭車及拿起房內的電話把玩，記者笑問車廂何解有電話，他笑說：「咁加鍾都要打電話畀櫃枱！」未幾又走入以婦科診所主題房間，拿起聽筒扮醫生，認真搞鬼！

阿聰與鄭欣宜在片中飾演年輕情侶，因「土地供應」問題致性生活不愉快，所以阿聰戴口罩喬裝，實地走訪各區時鐘酒店，期望解決需要。問到是否第一次去時鐘酒店，趁機大開眼界？他笑說：「梗系第一次嚟啦，當見識嚇！做演員幾好吖，可以睇到啲平時睇唔到嘅嘢！」見識過後可會向太太謝安琪「彙報」？他說：「唔使喇啩！收咗工就唔好帶工作返屋企啦，我哋覺得好笑，但老婆未必覺得好笑，唔好多口啦！」

化妝用六個鍾！羅仲謙拍戲挑戰耐性極限

藝人羅仲謙日前接受電台訪問宣傳電影《西遊記女兒國》，他坦言最大挑戰是耐性，羅仲謙說：「化妝系需要好大耐性，套戲拍咗四個月，每日化妝都要睇化妝師狀況，最多要六個鐘頭，過程唔辛苦，但考驗一個人嘅耐性，除要坐幾個鍾，仲要系面上噴唔同顏料，又要著肌肉服，挑戰性好大。」對於戲中的郭富城已榮升人父，羅仲謙說：「佢系我偶像，最欣賞佢

遊戲時遊戲，工作時工作，同埋鍾意佢挑戰一啲自己未試過嘅嘢，去發掘更多自己可能性。」

羅仲謙提醒入場觀眾要睇到尾，他說：「最難忘一場，放喺電影播完嘅幕後花絮，所以大家睇完唔好即刻離場，睇埋我古裝造型。」問到何時做爸爸？羅仲謙說：「隨緣啦，唔可以強求，我同阿怡（楊怡）一啲都唔心急。」

王浩信否認曾戀陳法拉：Yoyo知唔系事實

藝人王浩信出席新劇《踩過界》宣傳活動，即場公布上周末最高收視21.7點（約一千四百一十萬觀眾收看），截至前日累積視頻流量達58萬次，而網上點擊率直至今日更破億。他坦言完全是意料之外，故感恩及鼓舞，又感謝內地觀眾的支持。

提到有報道指陳法拉與前夫Neway大少薛世恆離婚後使凸贍養費，近日回港頻頻出席活動撲水，更指找舊愛王浩信幫忙拍攝微電影。浩信解釋說：「話以前一齊唔系事實，佢系我喺TVB第一個認識嘅朋友。（太太陳自瑤唔開心？）冇，佢都知唔系事實。（法拉經濟上有困難？）唔知道，大家各有各忙。上次同佢見面系去睇《前度》舞台劇，佢去外國學咗咁多新嘢，可以返嚟香港影視平台分享。」

對於另外有指法拉有意回無線拍劇搵銀，但開價六萬，比楊怡還要高而嚇塞高層，浩信說：「我唔知道，但之前合作非常開心。」此外，有指其妻陳自瑤投訴少見他，浩信坦言過去一年經常拍劇少陪家人，希望他們體諒，望拍完《溏心風暴3》後可以陪家人去旅行

舊愛同場零尷尬　劉浩龍搵祖兒幫手開聲

歌手劉浩龍與舊愛鄭融前後腳為活動任表演嘉賓，提到二人同場，是否要與女朋友容祖兒備案？他直言：「唔使，咁耐仲講，我哋系朋友，冇問題，做嘢，咁耐冇嘢，佢唱歌都好。」他表示入行20周年，1997年參與新秀歌唱大賽，笑言20年後仍有得唱歌好開心。他透露已年半沒有錄歌，而且把聲「生鏽」所以不開心：「前日把聲壞咗。（搵女友訓練？）有叫佢幫手，佢系好老師，今日下午好彩開到聲，走音大家幫幫手。（會唔會同女友合唱？）唔會喇。」

陳凱琳要鄭嘉穎做一世「柴可夫」

藝人陳凱琳（Grace）和黎諾懿到九龍塘出席活動，Grace被問到與男友鄭嘉穎有甚麼暑假節目，她說：「佢依家喺內地工作，遲啲會返嚟，都會去睇嚇戲。（會約埋游車河兜風？）我鍾意游車河，不過我鍾意做乘客，因為可以睇風景同埋用電話。」擺明叫嘉穎做一世柴可夫，冧爆呀！

「新手爸爸」黎諾懿則表示：「我依家已經可以從我個仔嘅喊聲中，分得出佢系肚餓、眼瞓，定系屙咗臭臭！（點睇近日網上流傳一段虐待兒童片段？）無論系對小朋友、大人，抑或對動物，用暴力都系唔好，先郁手嗰個都系唔啱，冇嘢系唔可以解決嘅。（第時教仔會體罰？）我諗個仔唔會曳得過我，同埋小朋友其實根本唔識，所以我會慢慢同佢講，好似我老婆教狗一樣，我老婆對我都系咁，用『煩』字訣，哦只狗一個鍾，哦我兩個鍾，唔畀我瞓就系折磨，依家我學識都系唔好駁嘴、唔好同佢頂！」