陳法拉唔介意同薛世恆演情侶：要睇劇本古天樂雪兒隔17年再合作

娛樂 08-11

今日快報

廖碧兒新加坡開工燒到入「廠」

藝人廖碧兒（Bernice）接受電台訪問，提到早前在新加坡拍劇發高燒搞到入醫院，她說：「開拍時撞啱當地啲菌好勁，好多演員都病咗，我拍到第9日就發高燒要住院兩日，之後咁啱返香港工作，所以喺香港再睇醫生。」

她透露難得返港，會相約好友食飯。提到年初被拍得密會神秘富豪，問到會否相約對方？Bernice澄清大家只是朋友，更表示不心急拍拖：「之前心急啲。（父母已經放棄？）唔系放棄，冇催啰，佢已經有5個孫，其實拍拖、結婚要講Timing。（會閃婚？）又唔會。」

自嘲似亂倫　連詩雅孖周柏豪滾梳化

演員張繼聰、蔡瀚億、林敏驄、雨僑、連詩雅等在尖沙咀天星碼頭為電影《西謊極落：太爆?太子?太空艙》宣傳。

連詩雅片中與周柏豪飾演一對離別情侶，問到是否有不少床戲？她笑說：「床戲就冇，反而有場梳化戲，喺梳化度滾嚟滾去，有少少咀戲，因為講我哋離別前最後一次見面，所以唔算好激烈嘅。（同周柏豪咀尷尬？）拍咀戲要睇對手，同周柏豪好friend，所以冇尷尬，但系一向當佢系哥哥，就有少少亂倫feel，哈哈。」

食咗防腐劑？古天樂雪兒隔17年合作冇老過

藝人古天樂（古仔）、雪兒及陳漢娜忙於為新戲《殺破狼·貪狼》宣傳。入行以來未試過「打得咁甘」的古仔，笑指自己其實拍了部電影叫《太甘》：「呢啲打法以為只會出現喺洪金寶身上，起初睇到劇本對眼都跌咗落嚟，惟有逐步逐步嚟，每日訓練、現場又練，要記招式，系好玩嘅，只系拍攝時要顧及節奏，打出去又驚冇力。今次都算應付到，掌握咗一啲指引，依家我都拍緊另一套打戲，只手瘀咗。」

古仔又謙稱拍檔Tony Jaa練兩次打戲，自己卻足足練出半天！提到再與雪兒合作，古仔表示：「我哋去泰國外景，要搵一位女角做我囡囡童年回憶嘅媽媽，咁啱嗰時電視播緊《創世紀》（雪兒有份演），我同雪兒對上一次合作已經系17年前拍《尋秦記》嗰陣，而我同佢依家都有聯絡嘅，咪提議搵佢啰。」

據悉今次雪兒占戲不多，她形容與古仔合作舒服：「自然啰，大家old friend嘛。」

陳法拉唔介意同薛世恆演情侶：要睇劇本

女星陳法拉出席GIVENCHY Beauty唇膏活動，她透露剛從法國拍攝微電影返港，今晚又要飛往紐約繼續讀書，她說：「今年系最後一個學期，出年五月就畢業，依家以排戲演出為主，喺畢業嗰陣演出。」

談到其前度薛世恆入娛樂圈，陳法拉稱有留意報道，問到是否支持對方入行？她笑言：「支持佢。（會唔會年紀太大先入行？）男藝人壽命好長，有排做。（有冇畀意見佢？）冇，佢咁大個仔識?啦。（你哋仲有冇聯絡？）間中都有聯絡，佢都有同我講。（介唔介意合作拍戲？）將來要睇劇本，有啱將來先算。（如果劇本啱？）如果有啱都唔會介意。將來嘅事將來先知。（喺戲中做情侶呢？）邊個寫劇本寫到咁啱。（為你度身訂造？）咁酬勞要高啲。（酬勞高就得？）到時先算。（男友會唔會呷醋？）唔會，做嘢還做嘢。」

法拉表示從來未有在公開場合跟前度見面，就算見到也不會尷尬，而且兩人也有聯絡：「我哋對上一次見面，系佢去美國參加王君馨婚禮，我哋一齊食咗餐飯，大家關係都OK。」

張柏芝早起湊仔返學　仔仔校服Look搶焦

8月8號系咩日子？咪就系張柏芝兩個仔Lucas同Quintus嘅開學日啰！

由於呢個日子對

柏芝

嚟講好重要，所以佢早幾日喺社交網同粉絲玩直播時都不自覺系咁提呢日。

時間過得好快，呢日眨嚇眼就殺到，而栢芝亦一早就起身做足準備。見到佢頭戴Cap帽、孭埋手挽袋，身邊仲帶住兩個仔，似乎一切準備就緒！佢喺Instagram曬出三人合照，並留言：「退學啦，放咗兩舊肥豬仔，現在去街市買多兩舊肥豬肉。」退學？網民都好奇怪點解栢芝會咁講，不過相信佢都系同大家講嚇笑，刻意將「返學」打成「退學」啫！

有網友留言大讚Lucas同Quintus著上校服真系好靚仔呀！