和好如初！溫碧霞生日晒全家福感謝老公「胡說八道會」澳洲Trip正式出發

娛樂 08-01

今日快報

和好如初！溫碧霞生日晒全家福感謝老公

昨日51歲生日嘅「美魔女」溫碧霞（Irene），早前同老公何祖光鬧「婚變」，Irene就去咗美國散心，但連日都有喺網上曬靚相，心情非常唔錯！

而尋日就有消息指何祖光都好想挽救呢段婚姻，所以遠赴當地箍煲，睇嚟「行動」好成功，昨日Irene就大曬一家三口照，感謝老公包容佢嘅一切任性同自我！

相中嘅Irene笑得非常開心，同老公玩自拍，又影全家福，何祖光又搭住Irene膊頭，之後就齊齊切蛋糕，感覺非常幸福！Irene留言：「謝謝你這些日子裡（里）帶給我的快樂和幸福，我們一起笑過哭過以後，原來愛已經成為了我的習慣：）[心][心][心]Ps謝謝你包容我的一切任性和自我：） love u always」雖然今年冇大型生日派對慶祝，不過相信對Irene嚟講，別有一番意義！

而Irene接受訪問時，就承認「複合」同老公和好如初，佢話：「經過分開以後，我更加知道他真的非常愛我，而現在我們之間感情也更加深厚了！謝謝大家關心！」

母愛真偉大！Bob嫂患妊娠糖尿挨980針

藝人林盛斌（Bob）出名系圈中好老公同好爸爸，太太Pearl先後為佢生咗三個可愛寶貝女，林霏兒（Faye）、林熹兒（Haye）同林機兒（Kaye），依家仲懷有第四胎，母愛真系偉大。原來Pearl一直有妊娠糖尿問題，仲要定期睇醫生接受治療，佢日前喺社交網就道出睇病嘅情況：「嚴格來講可能我唔系妊娠糖尿咁簡單，我平時嘅糖尿指數都系高嘅，所以去到第四個BB，已經好識得處理。而我嘅處理方法就系要去到每餐打胰島素控制血糖。」

pearl仲透露「由第二個懷孕時第23周開始打胰島素針；第三個由第九周開始打胰島素；第四個時第四至五周就已經開始要打啦！其實咁樣每日打四針，整個懷孕嘅過程系40周，第五周開始打即系我打咗35×7×4=980針，仲未計餐前餐後要篤手指驗血。

雖然我依家好習慣點樣處理糖尿病，但系其實我都經過一個掙扎嘅過程。講起當時嘅心情真系一匹布咁長，應該可以另開一篇來寫。但系我最終學習到嘅就系既然已成事實，就順其自然！可以做嘅就做曬佢，總之對得住自己；對得住個小朋友就OK啦！」好多網友睇完都大為感動，指母愛嘅付出真系好大。

唐詩詠願意拍裸跑戲：劇情好正會想試

藝人唐詩詠（Natalie）、岑麗香（香香）及胡諾言（胡仔）到屯門出席「V city 4周年誕生祭」，與新鴻基地產代理租務副總經理孫雅茵小姐，齊賀V city 4歲生日快樂！

Natalie在台上獻唱《陪著你走》，並由張彥博負責結他伴奏，Natalie大讚對方有音樂才華，她說：「我哋拍《棟仁的時光》，得閑就會唱歌，佢好有音樂才華，識編曲，又靚仔又年輕。（有冇機會發展？）我想發展我哋嘅『歌路』，希望做多啲啱我唱嘅歌！（想做歌手？）冇，依家有big big channel，可能會做啲直播！」

Natalie又笑言西裝示人的胡諾言著太多衫，她說：「我有睇佢拍劇裸跑嘅新聞，正！今日咁熱佢著得太多啦！我之前同佢喺內地拍劇嘅時候，啲戲服都系好厚，冇諗到佢除咗衫，身形咁好！不過佢好勤力，每日都堅持運動。（你接受到著住打底衫裸跑？）依家好難講，但如果個劇情系好正嘅，為咗效果，作為演員，我都想試！」

胡說八道會被瞞騙　黃智雯驚喜現身澳洲

「胡說八道會」一班好姊妹胡定欣、胡蓓蔚、姚子羚、胡杏兒等，去咗澳洲為無線拍攝特輯，雖然各人早前都有上載喺香港機場出發嘅相片，但就未見成員黃智雯同行。不過原來黃智雯已經靜雞雞去咗當地會合一班「好姊妹」。

姚子羚同胡定欣都有上載齊人嘅合照，姚子羚被黃智雯瞞騙仲叫佢做死婆，佢話見到佢嘅出現感到自己都眼濕濕，佢發文話：「正當我地（哋）以為黃智雯有好大機會去唔到澳洲嘅時候～呢個死婆原來欺騙我地（哋）感情～喺Qantas Lounge出現～搞到人地（哋）眼濕濕～雖然你呃左（咗）我地成個禮拜！但你呢個surprise好正啰！Yeah～～～我地（哋）胡說八道終於冇六缺一…真真正正可以胡說八道去旅行啦！一個都不知道少。」而胡定欣就表示「有人呃咗我地（哋）成個星期話去唔到，搞到我地（哋）好唔開心，原來....你....黃智雯，你好嘢！！！」

黃智雯都有喺社交網站發文，佢留言：「為左（咗）比（畀）呢個surprise班姊妹，失眠左（咗）好幾日！sorry gals，搞到你地（哋）變喊包，唔齊腳點叫胡說八道去旅行。。」。

歐陽珮珊出殯　郭鋒撫亡妻遺照傷心痛哭

資深藝人郭鋒妻子歐陽珮珊（原名陳潔英）於7月9日因肺腺癌病逝，終年63歲，今日假九龍殯儀館東海堂出殯。郭鋒一早到達靈堂，而黃浩然、劉江、林敬剛及陳美琪等自早上8時起陸續到達靈堂。

歐陽珮珊靈柩於早上九時三十分被送上靈車，然後移送葵涌火葬場，郭鋒捧著亡妻的遺照慢慢步上靈車，神情悲傷。登上靈車後，郭鋒不時輕撫亡妻的遺照，更忍不住痛哭。

而藝人林建明（大姐明）大約9時到達靈堂，提起歐陽珮珊，她嗚咽說：「今日嚟送歐陽珮珊一程，佢同郭鋒都系大好人，我同郭鋒就有喺Facebook聯絡，同歐陽珮珊對上一次見系十幾年前，嗰陣時佢有開美容店。今日嚟都想睇嚇郭鋒心情點樣，睇嚇使唔使畀啲心靈輔導。（郭鋒同歐陽珮珊系咪有仔女？）呢啲系佢哋嘅私事，我唔知道。」