罕有曬恩愛　鍾嘉欣有老公陪住跳水被Foul後回港歐陽靖睇網民留言睇到喊

娛樂 08-16

今日快報

呂慧儀囝囝3歲生日P　謝天華攜子到場

藝人呂慧儀（阿蟹）同黃文迪嘅仔仔Anton昨日3歲生日，阿蟹特別為Anton舉辦咗個生日派對，請咗好多小朋友到場玩，咁都唔只呀，現場仲有唔少星級嘉賓，包括謝天華同仔仔，連腹大

便便嘅林盛斌太太阿

Pearl

都有帶埋細女林機兒參加呢個生日

Party

，真系好熱鬧！

事後阿蟹將大家嘅合照放上社交網，睇相見到現場仲掛咗個「Anton」字樣嘅氣球，阿蟹留言話：「A Happy kids party today! Happy birthday to my lovely little man! （今天有一個快樂的小孩派對！生日快樂給我可愛的小男人！）」

有一個咁錫自己嘅媽咪，Anton一定玩得好開心！

罕有曬恩愛　鍾嘉欣有老公陪住跳水

藝人鍾嘉欣2015年下嫁圈外脊醫男友Jeremy Leung後，誕下一女Kelly專心相夫教子，真系幸福滿瀉。婚後鍾嘉欣在加拿大居住，間中返港出席公開活動，亦甚少上載丈夫的相片到社交網。

不過鍾嘉欣今日就罕有咁上載同老公嘅合照，見到嘉欣著住救生衣高舉V字，同著住沙灘褲嘅老公一齊跳落水，真系夫唱婦隨好有愛呀。雖然只得背面但都感受到二人濃濃的愛，但就未見囡囡KELLY露面。

鍾嘉欣留言：「我不懂游泳，但是沒關係，有愛的人在身邊和美好的風景。我覺得十分安全。我決定跳落水。很爽！」嘩，網友睇完都大叫嘉欣好幸福呀。

童心未泯！43歲蔡少芬嘟嘴賣萌似少女

育有兩女的藝人蔡少芬（Ada）不時於社交網站分享生活點滴，與粉絲們能一睹她最真實的一面，而近日她就上載四張素顏自拍照，時而對著鏡頭做鬼臉，時而嘟嘴賣萌，十分可愛。Ada留言說：「有時…獃滯、發傻、裝美！也不錯的！」

Ada皮膚依然白滑，而且童心未泯，看不出她已屆43歲之齡。

被Foul後回港　歐陽靖睇網民留言睇到喊

饒舌歌手歐陽靖（MC Jin），早前以「Hip Hop Man」身份參加內地音樂節目《中國有嘻哈》而人氣急升，表現出色成為熱話。點知喺新一輯《中》入面，佢最終都系12強止步，唔止粉絲傷心呀，連佢喺台下見到一班戰友及隊友送上祝福時，都咬曬唇忍唔住留下男兒淚，場面好感人。

不過有實力又使乜驚呀，可能歐陽靖都明白呢個道理，好快就收拾好心情仲嚟咗香港。今日佢就喺微博發言，表示：「剛下飛機看見香港的藍天白雲自然就想喝一杯我最喜歡的飲料。」

網友見佢精神唔錯，都話佢睇嚟已經平伏咗個心情。

不過，

MC Jin

話當佢重溫網上消息時，見到有粉絲嘅留言，又再觸動到佢條「情感線」，又喊咗出嚟，

MC Jin

留言話「看了三次，哭了三次。有些時候也會選一些你們的留言，把他在

Google

翻譯讀。突然都會眼濕濕。」

Taylor告前DJ非禮勝訴　獲賠1美元

27歲天后Taylor Swift控告前DJ David Mueller偷摸其籮柚一案，終於有結果，陪審團周一裁定Taylor勝訴，獲象徵式賠償1美元。Taylor指DJ David Mueller於2013年丹佛音樂會前合照時，伸手入裙下偷摸其籮柚。

Taylor的代表律師在結案陳詞中表示，Taylor無意令DJ David Mueller破產，只想說明「說不就是不」，令婦女知道自己的身體可接受甚麼由自己決定。

黎燕珊爆方中信百厭　莫可欣談李珊珊近況

藝人莫可欣於旺角一間酒店拍攝奇妙電視節目《潮拜傲媽》最後一集，與主持黎燕珊分享育兒心得。

黎燕珊透露與莫可欣老公方中信早年拍攝電影時認識，更大爆當年方中信的百厭史：「嗰日平安夜佢嚟我度，我一開門佢成桶冰倒入嚟。」莫可欣則表示方中信從未整蠱過她：「我識佢嗰時已經好Cool，都冇同我講過笑。」

但女兒就遺傳了方中信的蠱惑：「我個女都貪玩，佢依家好鍾意搵啲整蠱片。佢聽日開學，佢睇咗啲可樂溝鼓油嘅片，唔知佢會唔會整畀同學飲。（擔心學校投訴？）希望唔會。（有乜似你？）冇嘢似我，我比較硬朗，佢讀書叻唔叻仲未知。師傅話佢讀書叻，9歲會開竅。但佢都似佢老竇有幽默感。」而黎燕珊指方中信娶了莫可欣是福氣。

提到日前與無線劇集《鑒證實錄》一班演員飯局，莫可欣坦言20年後相聚感到好開心，這是由林保怡及陳慧珊提議的：「好開心見番李珊珊，知佢之前好多新聞，佢精神幾好。拍劇嗰時我同陳慧珊多啲對手戲，同佢熟啲。但經過20年洗禮，大家成熟咗同互相欣賞，珊珊系一個好細心同有深度嘅女仔。今次20周年聚會有好多話題，好珍惜呢份友誼。都要多謝德哥（監製潘嘉德）。」