事隔10年再開紅館個唱 70歲汪明荃邀老公羅家英講「汪小妹」故事

今日70歲生日的汪明荃昨日於紅館舉行入行50周年《The Timeless Concert 2017》個唱頭場，一眾「明荃之友」已十分雀躍，高舉燈牌及吹哨子打氣。趙世曾、高永文、鄺美雲、莫華倫、胡楓、蓋鳴暉、鄧萃雯、王祖藍、李亞男、王君馨與老公等人都有現身支持。

汪明荃每次提到羅家英總是笑笑口，二人關係是「兩公婆」，sweet sweet果只。

事隔10年再開紅館個唱，汪阿姐昨晚沒有請嘉賓，只邀請老公羅家英於間場做MC講「汪小妹」的故事。汪阿姐身為八和會館主席，當然要唱粵曲一展功架，唱出《帝女花》中〈庵遇〉、〈香夭〉兩個經典劇目，更邀得年輕男演員演駙馬一角。汪阿姐一唱拿手的粵曲頓時判若兩人，造手、拂水袖、抬腿等等完全沒有難度，整段演出展現傳統粵劇與現代舞蹈的結合。

汪阿姐返回後台換裝時，熒幕播出她與家英哥鬥嘴耍花槍的片段，汪阿姐形容二人關係是「兩公婆」，家英哥則文采爆發形容二人關係是「魚水和諧、相濡以沫、婦唱夫隨」;家英哥覺得有時汪阿姐好長氣，但汪阿姐忽然Sweet爆說：「咁都想老公長命啲陪自己?嘛!」

然後汪阿姐返回台上唱出多首快歌，繞場一周與歌迷握手，歌迷紛紛涌到台前送花，工作人員替阿姐收花都收到手軟。又邀請御用髮型師Kim Robinson上台，Kim賣口乖以廣東話說出「我愛你」。

汪阿姐開紅館穿上多套靚衫。

在汪阿姐的紅館騷，粵曲也是重要一環。

隨後趙增熹現身，說出對汪阿姐的感覺：「老實講阿姐嘅唱腔唔係我最鍾意，但係佢好肯試新嘢!我好鍾意同肯試新嘢嘅人玩!」唱出《自由女神》汪阿姐的確一改以往遭網民取笑的粵劇腔，頓時聲線溫柔悅耳得多，也證明汪阿姐的確是敢於求變。汪阿姐又講到做人要「自信、自強、自愛」，才能照顧自己所愛的人，又提到要珍惜自己的國家，愛惜祖先留下的財產，大家要「環保啲」。

汪阿姐非常親民，繞場一周與歌迷握手。

70歲汪阿姐與一眾dancer又唱又跳，充滿活力

來到重頭戲《熱咖啡》、《凍咖啡》、《迷人Pink Lady》等曲目，汪阿姐換上型格黑色禮服，歌曲重新編曲，加入電音元素節拍強勁，汪阿姐絕不欺場，與一眾dancer又唱又跳，充滿活力。汪阿姐話：「真係唔覺攰，愈唱愈精神!」然後唱出《今日的我》及《勇敢內地人》。

到encore環節，汪阿姐換上黑色為主調的戰衣，盡顯貴氣，台上LED小燈串營造出星空的效果，襯托汪阿姐唱出《銀河》、《閃爍登場》、《華麗轉身》，眾dancer亦穿上銀色珠片斗蓬，現場一片星光璀璨。本以為演唱會就此完結，但汪阿姐話：「邊捨得走啫!」再次返回台上說：「多謝香港俾咗咁多愛同包容，雖然有人笑我唱歌係『汪明荃Style』，但我相信盡咗力都有少少大家可以欣賞嘅地方!」最後唱出《美麗娛樂世界》，汪阿姐貫徹準時作風，演唱會於晚上11時20分圓滿結束。

昨晚汪明荃唱罷第一場演唱會，High爆的氣氛繼續充滿整個後台，因為8月28日(今日)就是汪阿姐的70歲正日生日。完騷後，一眾到場捧場的好友，馬不停蹄到後台為阿姐歡呼，並與台前幕後的工作人員一齊大合唱生日歌，阿姐眼見咁多人「sing援」，也忍不住感動眼濕濕。

喜歡這篇文章嗎？立刻分享出去讓更多人知道吧！