張雄濤:夫妻相愛莫猜疑
山歌愛好確痴迷,
雄濤才疏筆難提,
有心想把文章作,
奈何腹中無墨棲;
一晃之間人將老,
白紙鋪開黑字擠,
歲月蹉跎無情嘆,
聲聲入耳誰相依?
夫妻相愛莫猜疑
作詞:張雄濤
妻
人生路上苦嘆嗟,
嫁只老公唔顧家,
日日出去到處耍,
日日出去到處野,
家無寧日象散沙!
夫
老婆怨言莫恁多,
老公日日苦奔波,
你莫抱怨嫁涯錯,
你莫心裡受折磨,
貧賤夫妻兩手拖!
妻
貧賤夫妻嘆悲哀,
一日不和百日衰,
你若真心把涯愛,
日日出去愛轉來,
飲杯小酒猜猜枚!
夫
妻莫嫌夫命生歪,
日日心裡胡亂猜,
野花柬好涯唔采,
荒田恁好涯唔犁,
只想同你共肩揩!
妻
夫莫日日到處跑,
你愛緊記紅塵囂,
紅顏知已對你笑,
紅顏知已對你騷,
喜歡也系你錢包!
夫
紅顏知已涯唔求,
野花恁好涯唔偷,
只願與你情長久,
只願與你共枕頭,
貧賤夫妻志相謀!
妻
貧賤夫妻共相扶,
人生路上展宏圖,
一間瓦房夫妻住,
有商有量也唔孤,
夫若心野涯在乎!
夫
夫勸妻來心莫慌,
大小事情多商量,
凡事看開互相讓,
夫妻感情占久長,
勝過晚晚共張床!
妻
妻愛夫來心相纏,
日日想夫手相牽,
日日想夫共相伴,
日日開心舞翩翩,
日日開心笑連連!
夫
夫也愛妻肩並肩,
千條繩子一股擰,
夫妻恩愛互勤勉,
夫妻恩愛共破冰,
大鵬展翅曉飛騰!
妻
聽夫言語涯心暖,
心裡猶似火一團,
夫妻同心迎頭趕,
夫妻同心其利斷,
恁大石頭水滴穿!
夫
夫妻同心莫相爭,
日日相見笑相迎,
夫妻心中無雜念,
有情飲水似蜜甜,
一坵良田慢慢耕!
妻
一坵良田勤耕耘,
上坵耕哩下坵巡,
夫愛做人有分寸,
夫愛做人莫發瘟,
半夜莫去亂敲門!
夫
妻嘅說話涯記心,
只願涯妻能共鳴,
夫妻之間言不盡,
有說有笑樂吟吟,
日日恩愛夜夜親!
妻
日日恩愛情意濃,
夫嘅春心莫亂動,
紅塵囂器情誰共?
鴛鴦戲水誰湊雙?
撥開秀髮見真容!
夫
撥開秀髮見涯妻,
撥開秀髮來畫眉,
人生知已何處覓?
夫妻相愛莫猜疑,
一生一世愛共題!
TAG:小眾驛站 |