同盟大結局睇到勁多黑人問號？羅樂林今次竟然唔使死！

劇力萬鈞的《同盟》終於大結局，網上其後有不少聲音，直指劇情完得

太倉促

與此同時，網民覺得《同盟》結局有某些情節做得不夠細緻，甚至有點兒戲，充滿犯駁位，難有緊張感，睇到充滿不少黑人問號的地方，就此為大家數一數《同盟》幾個「膠」位！

陳展鵬一分鐘自薦做Rainman

一分鐘要說服到人相信自己又真系幾緊急，但系如果一分鐘內講得不夠說服力而又過到關，就會畀人覺得系趕收工囉！陳展鵬有著特別的談判技巧，佢話：「如果你可以放過我阿媽，我願意成為你哋魔鬼傀儡。就憑我系令家學到埋嘅不擇手段…」唔知大家聽完，想唔想畀陳展鵬做Rainman？如果真系咁容易，啲cold call、推銷呀都唔使咁頭痕喇。

一個USB KO四大富豪勁兒戲

陳展鵬做咗Rainman之後，就自閉咗兩年。一個過鏡就變咗兩年後，見到佢直接到四大富豪個度踩場，就話自己有隻USB有曬所有罪證…但完住冇交代過陳展鵬呢兩年做過啲咩去搜集罪證，就連幾個用下計算機搵證據，講下電話嘅鏡頭都冇！有網民就講笑：「你估你系《Lucy》咩？一隻USB就可以無處不在？」直指劇情太趕時間，突顯不到陳展鵬的勇謀。

疑似抄《竊聽風雲2》？

兩者的背景都大同小異，《同盟》講緊君主會，《竊聽風雲2》就圍繞地主會，就算咩會都好，故事模式都好似差唔多。只不過《同盟》就被網友再一次立下「太倉卒」罪名，就算跟都跟唔足。

羅樂林竟然唔使死

結局入面見到易先生死咗，大家都覺得佢死得好型，點解死後冇人理咁慘。另外，本來嘅Rainman江美儀去咗邊，畀人搞掂僅用畫外音交代，又系太趕。不過呢兩樣都唔系重點，重點系身為副警處處長的羅樂林，身為江美儀的天敵，但戲得幾場，點詳細對付Rainman又系冇講過…而且，最後一集見唔到羅樂林，網民對於佢今次唔使死直接失蹤，有啲唔慣。

鮑姐最後終於做返自己

記得劇集播出開頭，見到鮑姐的惡形惡聲，有網民覺得佢好似唔系太carry到，都系做返慈母吧喇。來到最後一集，鮑姐個Look好似變返正常，唔使再做令家揸fit人，放下身段後打扮都樸素啲…有網民睇到鮑姐嘅慈母Look，自然地就諗起佢系《肥貓正傳》所做嘅媽媽角色…唔通系向佢致敬？

?轉載授權微信：lama129

? 商務QQ：

443317765

喜歡這篇文章嗎？立刻分享出去讓更多人知道吧！