李彩華宣佈回歸香港樂壇開個唱 演唱會海報80年代口味極重

近年將重心轉移內地發展的李彩華（Rain）做得有聲有色，主攻電視劇的她劇接劇在內地已經站穩腳步，成績相當不錯。 近來更非常活躍於香港娛樂圈，繼以33歲之齡第一次出寫真集引來關注之外，事隔多年之後再次亮相公仔箱唱出首本名曲《你唔愛我啦》引來討論，搞到大家回憶返曬嚟。

李彩華回歸樂壇，今年開辦入行以來最大型演唱會。（資料圖片）

成功歌手出身的李彩華，有感香港觀眾依然熱情非常，就下定決心宣佈回歸香港樂壇，在今年十月舉辦入行以來最大型的演唱會，於麥花臣場館舉辦「十月的雨演唱會」，屆時除了唱出自己經典作品之外，更會唱出其他歌曲，望觀眾聽得過癮。

33歲之齡出寫真集引人關注。（資料圖片）

距離演唱會不到兩個月時間，近來演唱會海報亦已率先出爐，不過睇真啲呢張海報風塵味好似濃厚咗少少。見Rain用桃紅色作主打，上衣穿著洞洞裝大玩性感，大頭相擺出自以為好時尚的Pose，其實MK味好濃。另一張比較細的照片穿著黑色皮做的 bra top ，露出纖細小蠻腰，腳踩十幾公分的高跟鞋，擺出一個S形的Pose，雖然是想以性感為主打，不過性感同風塵味其實只有一線之差，今次Rain就好似失敗了。不少網友見到Rain的宣傳海報都紛紛表示油麻地歡場味十足，不講不知還差一點認唔到她，皆因她與徐子珊十分相似，令人傻傻分不清。

演唱會海報風塵味好重啊！（網上圖片）

除了海報令人覺得劣質之外，演唱會名「十月的雨演唱會」亦令人議論紛紛。「十月的雨」睇起上來似足言情小說，不講不知還以為是「情深深雨雨濛濛」啲friend，十分搞笑。大家覺得用英文去表達相對看起來會有質感一點。其實外形只是其次，開得演唱會歌聲就最重要，屆時睇睇Rain給甚麽驚喜大家喇！

為演唱會健身（微博圖片）

作為入行以來最大型演唱會，Rain當然十分重視。見她近來在社交網站上貼多張運動照，看似為演唱會好好備戰。仲不時上貼自己練歌的片段，聽真啲歌聲依舊令人聽出耳油啊！我們就拭目以待她的演唱會喇！

好勤力下喔！

跑得火都出埋黎！！

點擊展開全文

喜歡這篇文章嗎？立刻分享出去讓更多人知道吧！