點解嘅？吳千語自爆好少同林峯咀何猷亨追麥明詩？陳瀅祝舊愛好運

娛樂 09-22

今日快報

猷亨追麥明詩？陳瀅祝舊愛好運

藝人陳瀅到尖沙咀出席活動，提到賭王何鴻燊四太梁安琪早前表示想兒子何猷亨與麥明詩拍拖，曾與猷亨拍拖的陳瀅笑言：「系咩？祝佢好運啦咁。（祝邊個？）梗系男方，佢追女仔吖嘛。（你唔介意？）點會介意？（有冇酸嘅感覺？）唔會，冇乜感覺。（會唔會教佢追？）如果佢問咪教。」

談到劉佩玥（Moon）被指秘撻有米新歡，陳瀅反問記者男方是哪位：「以我所知就唔系，佢仲系單身。我哋一齊拍劇，如果有嘅我會知。（個富商追佢？）我未聽過有富商。」她澄清Moon並非與她一起住，而Moon有否搬家就屬於私人問題，留待Moon自己答。

問到她感情生活如何？她嘆氣說：「好彩工作都忙，寄情工作都好開心。（有冇人追？）冇，話冇你都唔信?啦！」

陳凱琳素顏現真身　殘爆熊貓眼嚇親人！

貴為港姐冠軍的陳凱琳（Grace），日前以素顏真面目相約朋友到銅鑼灣High Tea！當日下午4時許，戴住Cap帽及口罩遮素顏、穿熱褲騷長腿的Grace，進入Cafe會合女友人後，即大解放除去口罩抖抖氣，發現她一雙極度深色的熊貓眼，個樣殘到爆兼跌曬watt！難怪有途人經過都不禁眼望望。席上兩人邊食邊傾，逗留約半小時，Grace臨走前去買蛋糕，期間又咬手指，之後便與女友人離開。

嘆完茶，Grace為免「真面目」嚇親人，即急急戴回口罩，與女友人一起進入了附近一幢商廈，約5分鐘左右Grace單拖離開，然後步往另一幢設有美容院的商廈做facial。約個多小時後，做完facial的她依然戴住帽及口罩，邊行邊發語音短訊，未知是否向男友鄭嘉穎報告行蹤呢？之後她到附近小巴站，搭小巴返回男友於大坑的寓所。看來嘉穎今次真系執到「寶」，執到一隻國寶返屋企喇！

張智霖幫手搵學校　胡杏兒唔做怪獸家長

藝人張智霖（Chilam）、胡杏兒等到尖沙咀出席腕錶活動，受訪時Chilam坦言有儲表，亦買了放表的夾萬：「有幾隻，男士盡量搵精緻嘅嘢儲。」身穿銀色長裙及吋半高跟鞋的杏兒亦表示喜歡買表獎勵自己，最多用過6位數，Chilam即笑她是小富婆，很有錢。

Chilam指腹大便便的杏兒令他覺得似曾相識：「我太太（袁詠儀）臨生嗰陣就好似咁。以前杏兒好有侵略性，個樣好Sharp，依家就好溫柔，好有女性嘅光輝。」問到有何育兒心得教杏兒？Chilam說學校方面會儘力幫：「我知道杏兒讀書好叻，系高材生，DNA一定都好叻。」杏兒認為讀書最緊要開心，不想做怪獸家長，覺得一早找學校太誇張：「佢應該做番個BB。」

提到與一眾好姊妹拍攝的《胡說八道真情假期》，杏兒表示有收看，Chilam說她在節目中粗身大細跳舞很大膽，但杏兒就強調很安全。

Chilam笑問拍這節目是否為了賺錢？杏兒大爆：「唔系好賺！唔係為咗賺錢，不過可以一齊去旅行好難得，比賺錢更加開心。」至於杏兒戴上姚子羚男友鄭子邦的面具，與一眾好姊妹為子羚安排婚禮，杏兒坦言想對方找到歸宿，很戥對方心急。談到其他姊妹都有傳出婚訊，杏兒直言：「快?啦！」Chilam即追問：「邊個最快呀？」杏兒尷尬說：「總之快啦！」

【登台遇騙子】唯唯：損失女兒一年學費

藝人梁烈唯（唯唯）早前透過社交平台表示，在馬來西亞出騷後被拖數薪酬。今日他到中環出席無線劇集《是咁的，法官閣下》開鏡儀式，講到拖數事件，他表示2016年聖誕節前夕獲邀到馬來西亞打碟，起初對方傳了一張收據給他，令他們以為對方已經入數，但過了約一個月，唯唯才發現對方根本沒有過數，問損失金額多少？他直言：「夠我個女一年學費」！

原來這個人利用藝人的相片到處招搖撞騙，唯唯說：「開頭我諗住可能對方唔方便畀住，所以唔想公開事件，但之後佢冇悔改，反而用我哋藝人嘅名去呃投資方，繼續收人錢，好似李璨琛、林子善都畀佢利用，佢通常會成功約我哋做一次表演，之後就不停用我哋嘅相片去呃人，我知道最近佢又話我九月會去馬來西亞表演，根本冇咁嘅事，好在有朋友同子善講！佢咁樣做啲人會誤以為我哋應承咗然後甩底，所以一定要公開澄清，我哋同佢嗰邊系冇關係！（會唔會報警？）公司已經從法律途徑出信畀佢哋，暫時嚟講我系損失最大，我哋都希望可以一齊出聲講番件事，第一系等唔好再有其他藝人畀人呃，第二系希望佢可以畀番應得嘅酬勞我哋！」

旺夫！林夏薇老公投資勁賺二千幾萬