《老上海個中秋》作者 朱少偉 改編 張林龍 朗讀 麥小姐
《老上海個中秋》
作者 朱少偉 改編 張林龍 朗讀 麥小姐
農曆八月十五，是我伲傳統個中秋佳節。辣辣老上海，伊也叫做「八月半」，搿日大家除脫吃月餅、欱桂花酒咾啥，還有勿少別個風俗。
張春華個《滬城歲時衢歌》里向講：「月盈良夜坐憑樓，無限明輝霽遠眸。庭院開尊延賞處，二分秋色到中秋。」搿反映出老上海「齋月宮」（也就是「祭月」）個情景：月亮升起來個辰光，辣辣露天擺張檯子，上頭供月餅、瓜果咾啥，隨著香煙飄逸，婦女先拜，男人後拜（也可以勿拜，因為月亮代表陰柔）；接下來，就一家門吃頓團圓飯，真是邪氣開心。「齋月宮」雖然具有祭祀個性質，但嘸沒規定個複雜禮節脫仔考究供品，勿需要弄得嚴肅來死，可以比較隨意。
《上海縣誌》里向有「『八月半』，又為芋艿生日、毛豆生日」個講法。辣辣老底仔，「毛豆莢烤芋艿」是大家過中秋必備個，所選個毛豆脫仔芋艿，儕是上海郊區個特產。本地個「紅梗芋艿」，根部稍微帶一眼粉紅，煠了勿會糊涾涾，香糯爽口；本地個「牛踏扁」（因豆子個形狀像撥牛踏過一樣扁平肥大而得名），莢又長又寬，一煠就酥，有點甜津津個，拿搿兩樣物事擺辣辣一隻鑊子里向煠熟剝了吃，實在是別有一番風味。根據研究，搿種歲時風俗食品，是有美好含意個：毛豆莢里向排列好幾粒豆子，象徵了兄弟姐妹個團結；芋艿是用球莖繁殖個植物，絕對是「母子相依」，交關子芋儕附生辣辣母芋個周圍，象徵了闔家團圓。
李行南個《申江竹枝詞》詠贊過「滬城八景」，里向有「石樑夜月」：「桂尊環餅答秋光，處處氤氳朝斗香；結伴良宵出城去，陸家橋上月如霜。」「陸家橋」就是陸家石橋，又叫做「萬雲橋」或者「學士橋」，橫跨靠近黃浦灘個小東門外方浜（就是今朝黃浦區個東門路），是明代弘治年間，進士陸深捐鈔票建造個；橋身高廿四級，有環洞三隻，中秋個夜裡向，月影斜穿環洞投射到水面高頭，被叫做「串月」，搿搭也成為了一處觀賞風景個勝地。老上海流行中秋「踏月」（也叫做「走月亮」），王韜個《瀛壖雜誌》里向講：「夜間婦女盛妝出遊，互相往還，或隨喜園亭，人靜更闌，猶婆娑月下，謂之『踏月』」；周兆魚個《潛溪雜詠》里向講：「芋魁大豆瓣香燒，玩月相邀夜漏分。走過三橋風露重，涼痕怕涴藉絲裙。」夜空晴朗，精心打扮過個婦女們一道出門，迎著染桂花香個秋風默默向月亮女神傾訴心愿；伊拉儕要走過勿同個三頂橋，最後往往來到陸家石橋，雖然長裙已經撥秋露弄濕，但仍舊興緻勃勃觀賞圓月個倒影，搿真是有詩意啊！
由於時代個變遷，中秋「齋月宮」脫仔「踏月」個風俗已經辣辣上海消失了，不過，吃「毛豆莢烤芋艿」個習慣卻延續了下來。
老上海的中秋（普通話）
農曆八月十五，為我國傳統的中秋佳節。在老上海，它也稱作「八月半」，人們除了品嘗月餅和飲桂花蜜酒外，還有不少別的風俗。
張春華的《滬城歲時衢歌》云：「月盈良夜坐憑樓，無限明輝霽遠眸。庭院開尊延賞處，二分秋色到中秋。」這反映出老上海「齋月宮」（就是「祭月「）的情景：月亮升起來的時候，在露天擺張桌子，上面供月餅、瓜果等，隨著香煙飄逸，婦女先拜，男人後拜（也可以不拜，因為月亮代表陰柔）；接下來，就全家吃一頓團圓飯，真是非常開心。「齋月宮」雖然具有祭祀的性質，但沒有規定的複雜禮節和考究供品，不需要搞得很嚴肅，可以比較隨意。
《上海縣誌》中有「『八月半』，又為芋艿生日、毛豆生日」的說法。從前，「毛豆莢烤芋艿」是大家過中秋必備的，所選的毛豆和芋艿都是上海郊區特產。本地的「紅梗芋艿」，根部稍微帶一點粉紅，煮了不糊，香糯爽口；本地的「牛踏扁」（因豆子像被牛踏過一樣扁平肥大而得名），莢又長又寬，一煮就酥，有點甜津津，拿這兩樣東西放在同一個鍋里煮熟剝了吃，實在是別有風味。根據研究，這種歲時風俗食品有著美好的含意：毛豆莢里排列好幾粒豆子，象徵著兄弟姐妹團結；芋艿是用球莖繁殖的植物，絕對「母子相依」，很多子芋儕附生於母芋周圍，象徵著家庭團圓。
李行南的《申江竹枝詞》曾詠贊「滬城八景」，其中有「石樑夜月」：「桂尊環餅答秋光，處處氤氳朝斗香；結伴良宵出城去，陸家橋上月如霜。」「陸家橋」即陸家石橋，又名萬雲橋或學士橋，橫跨於近黃浦灘的小東門外方浜（今黃浦區東門路），由明代上海人陸深（弘治年間進士）捐資修建，橋身高二十四級、有環洞三個，中秋之夜月影穿橋而過，被譽為「串月」，這成為一個勝景。昔日滬上「八月半」流行「踏月」（也稱「走月亮」），王韜的《瀛壖雜誌》記述：「夜間婦女盛妝出遊，互相往還，或隨喜園亭，人靜更闌，猶婆娑月下，謂之『踏月』」；周兆魚的《潛溪雜詠》云：「芋魁大豆瓣香燒，玩月相邀夜漏分。走過三橋風露重，涼痕怕涴藉絲裙。」 夜空晴朗，經過精心打扮的婦女們一道出門，迎著染桂花香的秋風默默向月亮女神傾訴心愿；她們都要走過不同的三頂橋，最後往往來到陸家石橋，雖然長裙已經被秋露弄濕，但仍舊興緻勃勃觀賞圓月的倒影，這多少富有詩意啊！
由於時代的變遷，中秋「齋月宮」和「踏月」的風俗已經在上海消失，但吃「毛豆莢烤芋艿」的習慣卻延續下來了。
作者簡介：
朱少偉：上海市政協委員、上海大學海派文化研究中心研究員、浦東新區作家協會副主席，先後主編《上海故事》《兒童時代》《哈哈畫報》等雜誌，出版有《上海軼事》《老上海逸聞》《上海煙雲》《民國文人側影》等著述，有「學者型的作家，作家型的學者」之稱，曾被評選為《新民晚報》優秀作者，個人小傳被列入《中國文藝家傳集》和《上海當代作家辭典》。
朗讀者簡介：
月是中秋分外明，我把問候遙相寄;
皓月當空灑清輝，中秋良宵念摯心;
學上海話微信公眾號小編提前
祝大家中秋節快樂！！
責任編輯：楊張悅
TAG:學上海話 |