結局篇由膠劇變神劇 陳豪：未試過大結局變得咁緊要
【誇世代】結局篇由膠劇變神劇 陳豪：未試過大結局變得咁緊要
本文轉自網路 不代表本號觀點
本文涉及劇透 請謹慎瀏覽！
睇睇下，《誇世代》今個星期就已經去到大結局。劇情初頭都正正常常，講述宋仲基（歐陽震華飾）與包豹（吳業坤飾）對調靈魂之後發生的事，劇情中間亦穿插了不少「抽水」橋段。雖則話劇情比起同期播出的爭產劇創新，但網民仍然嫌棄《誇世代》「膠味」太濃。
結局篇真系睇到人一頭霧水，不過網民又buy?。
不過由踏入結局篇的這個星期開始，劇情就開始180度大兜亂，又坐時空的士到未來，又話蝴蝶效應，就連walking dead都出埋，真系似十足網路原創故事咁，更有網民留言話有屋企人睇到精神分裂添。隨著劇情扭轉，網民態度亦都跟住轉變180度，更大讚劇情出色有創意，由膠劇升華到神劇咁話。
難得監製肯畀班演員一齊創作。
其實唔少人都睇好《誇世代》入面阿Mike同大頭B呢一對肌男配搭。
陳豪（Mike）今日出席活動接受《香港01》訪問，他就回應了不少網上的提問。其中他特別講到，原來唔止系網民，就連他本人也十分喜愛《誇世代》的大結局。「其實系今次佢創作大膽。好坦白講，我拍好多電視劇。我知道嘅，我會有好多爆肚，為咗喜劇效果更加好，言語上對白上會可以踩界。但系今次監製為咗保存個感覺，佢都放膽俾我哋去，所以我都幾surprise佢幾肯俾我哋創意。另外，其實佢哋都系行緊呢個方向，你睇套劇其實都系天馬行空。我諗我拍咁耐劇，未試過個大結局可以變到咁緊要。所以套劇可以跳開咗個框框，我系欣賞嘅。」
《誇世代》今日就大結局啦。
對於這個跳線又離奇的結局篇，李佳芯（Paris）接受媒體訪問就說：「本身每條線都要講其實已經好難，但系佢可以將成套劇，每條線都有自己故事，又講得咁好。當初睇嘅時候我都估唔到，有好多我冇諗過嘅劇情佢都放咗喺結局度。我相信呢個都系我個角色Paris嘅一個surprice。」
陳豪：「我相信每個演員收到呢個劇本，尤其是大結局，大家都會幾愕然。『嚇，跳到咁樣嘅？變到咁樣嘅？』雖然大家會有啲疑問，有啲質疑，但系大家依然緊守崗位。我哋反而會覺得，既然要嘗試，why not？咪大家一齊去試一齊去闖啲嘢出嚟囉。其實有時下下固步自封，出嚟嘅嘢雖然會比較實凈，但系就會冇咗衝擊。我覺得做演員或者做咩都好，就系要抱住個膽識，去嘗試，行出一步得一步，慢慢去摸下個底線，其實觀眾接受嘅嘢可以好大。」
---------------------------------
TAG:港劇吧 |