《黑騎士》又來韓劇先苦後甜？申世景喊住攬金來沅示愛

大熱韓劇《黑騎士》明晚又會有新一集播出喇！今日劇組除公開《黑騎士》預告照之外，仲公開咗預告片添！《黑騎士》預告照就講到金來沅同申世景會進行非常sweet約會，天寒地凍兩人冇去飲酒，反而去咗飲茶。之後金來沅仲帶咗申世景去溜冰場教佢溜冰添！《黑騎士》呢啲情節一定走唔甩會有skinship！緊張想睇金來沅同申世景放閃嘅劇迷，就記得準備好你個小心臟喇！

雖然《黑騎士》預告照就講到金來沅同申世景好sweet，不過再睇埋預告片就發覺唔系咁簡單。因為申世景嘅「秘密」好似就快要被拆穿，而金來沅知道之後仲會唔會留喺申世景身邊呢？雖然呢個「秘密」暫時嚟講都仲系一個謎，但相信好快就會浮上水面，因為申世景竟然話：「暴露事實我都唔在乎！」

而《黑騎士》預告片最後一幕就系申世景喊曬口咁攬住金來沅講「我愛你」！本身拍拖仲好地地嘅兩個人究竟發生咩事呢？搞到申世景喊曬，又講到佢會同金來沅分開咁？不過呢個劇情編排都好合乎韓劇嘅「先苦後甜」定律，希望金來沅同申世景在《黑騎士》可以有個happy ending啦！

喜歡這篇文章嗎？立刻分享出去讓更多人知道吧！

本站內容充實豐富，博大精深，小編精選每日熱門資訊，隨時更新，點擊「搶先收到最新資訊」瀏覽吧！

請您繼續閱讀更多來自 金來沅 的精彩文章: