13年最接近視後一刻！唐詩詠合約到期，傳續約扭攞視後
一年一度的台慶頒獎禮將會在這個禮拜日，即系21號舉行，今年競爭好激烈，視後方面，除咗同樣憑《不懂撒嬌的女人》分別獲提名嘅宣萱同唐詩詠，被列為大熱門之外，仲有鮑起靜、李司棋之外，李佳芯亦都被睇好！
效力咗無線13年嘅詩詠，佢好坦白話今次系最接近「視後」呢個獎項，喺機會難得嘅情況下，當然把握每個拉票機會，好似日前佢去咗哥哥任職嘅銀行annual dinner，據知詩詠哥哥系擔任高層，今次帶埋妹妹唐詩詠去，仲一齊上台做司儀，當晚除咗詩詠，仲有陳瀅做嘉賓。
現場人士指佢哋兩兄妹，幾合拍，台上面互爆家事，詩詠笑大佬細個蝦佢，又拎佢啲信睇，而詩詠哥哥其實好錫個妹，喺台上面不停幫阿妹拉票，叫大家投票，投詩詠一票，詩詠大佬第一句開場白就講：「請我哋來除咗做MC，最主要系拉票。」
講到哥哥大大力拉票，日前詩詠接受傳媒訪問話：「系呀！同佢一齊做MC，都系第一次一齊做，阿哥好難得，叫人去投票，但系佢自己仲未投票。」唐哥咁幫手，兩兄妹感情系咪好好？詩詠就話：「屋企得我兩個，但系我哋好少見，難得一齊合作，好開心，好少可，佢仲會出口支持我。」詩詠點解咁講嘅，佢話：「系呀！我哋全家都鍾意唔講野，佢咁講，好感動，在心中。」
近年無線花旦小生個個都離巢北上賺人仔，雖然少咗好多有份量嘅演員助陣，不過變相亦俾咗唔少機會啲其他人，詩詠前年終於《鐵馬戰車》爭逐女主角，但五強不入，反而殺入「最受歡迎電視女角色」五強，可惜最終鎩羽而歸。
不過正所謂機會系留俾有準備嘅人，舊年詩詠拍咗《不懂撒嬌的女人》，結果佢喺劇中Cherry嘅角色出奇地討好，令到佢今年憑《不懂》角逐視後、最受歡迎電視女角色同最受歡迎電視拍檔，佢封視後嘅呼聲，一度直迫同劇嘅宣萱！
今次嘅對手相當強勁，除咗宣萱之外，仲有鮑起靜、李司棋呢啲前輩級對手，詩詠當然不敢怠慢，最近密密曝光有新聞，之前就傳舊愛洪永城幫佢拉票，後來更發展到俾傳媒影到一齊食飯，似是複合有機，人氣更盛！
據悉今次仲有一招殺手鐧，就系佢嗰份藝員約，
其實詩詠嘅約就到期喇，無線亦一早搵佢傾續約，但唐詩詠遲遲未動筆，似乎好大機會同獎項有關！
至於有傳佢就快滿約，按過往嘅傳言，續約系應該獎拎，詩詠就否認話：「唔系，仲有一段長時間，唔駛擔心，扭計攞獎？邊有呢啲嘢？扭蛋咩！今次系全民投票。」詩詠呢一刻只一樣嘢令佢緊張：「我
o
依家最緊張系件衫嚟唔嚟，因為最緊要靚。」
請大家踴躍留言，也非常歡迎大家轉發到朋友圈哦！
▲點擊圖片，閱讀往期精彩
?轉載授權微信：lama129
? 商務QQ：
443317765
長按識別二維碼關注
TAG:HKChannel |