恨攞視帝帶挈吸金 馬國明買樓防婆媳糾紛

無綫《萬千星輝頒獎典禮》將於後日（21日）隆重舉行，今年視帝、視後頂頭大熱之選有馬國明、王浩信、宣萱、李佳芯及唐詩詠，觀乎最近的走勢，視帝方面以受盡觀眾、網民歡心的「民選視帝」馬國明最有機會，他憑劇集《降魔的》提名，而此劇播出時不論口碑及收視都相當理想，於網上民間選舉中，馬國明更已成為網民心目中視帝，此劇亦成為網民心中的「最佳劇集」。

馬國明接受東網專訪時坦言，很高興成為民選視帝，他說：「始終台慶嗰晚系咪真系攞到都要加啲運氣，始終公司個獎唔系網民投票，仲有好多Party投票。」經常謙稱攞獎平常心的他坦言：「我唔系冇斗心，我只系想搵多啲錢！呢五、六年我開始清晰自己想要乜嘢，唔系凈系話想要攞咩獎，系想一家人生活好啲，同埋為將來娶老婆、生小朋友打算，我2016年買咗樓，但想將來父母有間屋，我自己家庭有間屋，始終驚婆媳糾紛！

（驚黃心穎同伯母唔夾？）未有機會帶佢畀媽咪見，新年睇嚇有冇時間啦！我感覺佢哋應該OK，阿媽系易相處嘅人，但正所謂『相處好，同住難』，各有各嘅空間就最完美！」

多得許紹雄爆粗鬧

馬國明出名孝順、重家庭觀念，更會得人恩果千年記，他揚言感激許紹雄（Benz雄）教導：「記得我訓練班出嚟試過做許紹雄個仔，成日被佢用粗口鬧！我以為都已經背曬對白啦，但喺前輩眼中咁叫做曬功課？其實佢可以行開飲茶，點解要拉你埋一邊，袋錢入你袋？我好多謝佢鬧我。」

買咖啡畀女圍

此外，馬國明日前與胡鴻鈞、何遠東現身將軍澳一個商場排隊買咖啡，隨即被一班粉絲認出包圍爭相合照，三子有求必應，順道向粉絲拉票。期間，馬國明電話響唔停，幾位師奶粉絲見狀，先找胡鴻鈞和何遠東拍照，直至馬國明放低電話即急急拉著他。馬國明當然識做冧得一班師奶粉絲笑到見牙唔見眼，影完合照拉完票，三子步往附近酒店各自取車離開。

（來源：香港東網）

喜歡這篇文章嗎？立刻分享出去讓更多人知道吧！