汪明荃爆seed講藝員心聲：加人工、山頭文化少啲

《萬千星輝頒獎禮2017》有一個50周年的光輝大獎，叫做送畀台前幕後全部人員，由開台功臣羅仲炳先生同埋汪明荃汪阿姐分別代表幕後和藝員領獎。

羅仲炳：「我好榮幸可以代表所有幕後同事領獎，TVB 1967年開台，其實我喺1966年已經加入公司，可以話睇住公司出世。我哋歷年咁多位幕後同事，同公司一齊打仗，講起打仗，我印象仲系好深，因為1977年時電視系好競爭，呢場仗最後我哋贏咗，因為全公司上下一心嘅拚鬥，我就系叫TVB精神，亦系TVB嘅秘密武器。多謝公司經常俾幕後員工發揮，亦好接受我哋意見，令我哋創造咗好多項目，好多謝公司今次頒獎，證明我哋嘅努力。」

汪阿姐就咁講：「呢個獎好特別，系今年新增嘅獎，好多謝TVB重視人材，我好榮幸代表過去50年嘅有份參與嘅同事拎呢個獎。我1971年加入TVB，47年來我見過接近1萬名演員，有啲已經系國際巨星，有啲繼續打拚緊，有啲好可惜離開咗我哋，但系仲好多新面孔繼續接捧。我哋每一位喺TVB都付出好多努力，因為我哋知道做乜都好，最緊要系對得住觀眾，所以每一位同事拎呢個獎都系實至名歸。

作為一個藝人我很感激TVB，呢度系一座少林寺，畀機會去發揮，但我都同時亦希望大家唔單止要做好本份，仲要不停增值。而家市場好大，TVB要繼續帶領整個市場，需要我哋台前幕後團結一致，一齊打呢場仗。呢度我再次代表各位藝人，多謝公司俾我哋肯定，亦希望公司好好珍惜每一位，雖然我哋好捱得，

如果公司人工可以加多啲啲，休息時間多啲啲，關心多啲啲，山頭文化少啲啲，一定可以留到更多人才，士氣更加高漲，我哋可以好自豪咁講我系來自TVB！

相信汪阿姐講出唔少人心聲！

請大家踴躍留言，

▲點擊圖片，閱讀往期精彩

?轉載授權微信：lama129 

? 商務QQ：

443317765

長按識別二維碼關注      

喜歡這篇文章嗎？立刻分享出去讓更多人知道吧！